Htilin ah Pyu-saw-htee pawl thalpak meithal zuun 25 he YDF-Htilin sin ah an i fon October 14| Magway (Magwe) Ramthen, Htilin (Hteelin) Peng, Ritaw (Yetaw) ah a um mi Pyu-saw-htee pawl cu thalpak meithal zuun 25 he YDF-Htilin sin ah an i fon, tiah theih a si.
Cun, October 10 lio zong ah Htilin palek sakhaan in thalpak meithal a rak phur mi pyu-saw-htee pawl cu YDF-Htilin nih an kah hna i pakhat a thi, meithal zuun 20 an rak lak bal cang. October 7 lio zong ah YDF-Htilin nih SAC ralkap pawl bomb an puahhnawh hna i palekbawi pakhat tel in minung 5 hliam fak an rak tuar, tiah KTM nih a tial.
Yangon ramtthen, Khayan peng chungah sanguk bawi le khuate khuabawi 65 hna Min Aung Hlaing le a ralhraang pawl kut tang ah rianttuan duh ti loin an chuak, tu bantuk in khuabawi le sanguk bawi minung 65 an chuah ruangah khuate lei le sang chung uknak hram a rawk cang tiah Khayan Channel nih an langhter.
Khayan peng chungah hin People’s Defense Force Khayan nih a luan ciami October ni 3, kum 2021 ah khan khuabawi le sanguk bawi pawl an rian in chuak ding in thanhca an rak chuah, cu thanhca an chuah hnu October ni 6 in tuni October ni 14 tiang (ni 9) chung ah khuabawi le sangukbawi 65 bak an rian in an chuak.
A tu bantuk in rian a chuahtaak tu minung hna lak ah hin khuapi chung in sanguk bawi 13 an i tel i khuate 56 in khuabawi hna zong an dihlak in an chuak, khuate 56 tiah an vun langhtermi hi kan theih cio bantuk in khuate lei cu ohsuh in a kalmi an um caah si,
Khuate khuabawi minung 56 si loin khuate 56 in khuabawi tinak deuh kha si. Sangukbawi le khuate khuabawi rian in an chuah hna lio ah Khayan peng chungah caan kar lak hruaitu ding in People Administration phu zong a luan ciami October ni 12 ah khan an dirh.
Leave a Reply