Myanmar’ Nih Lungtlinlonak Cathanh Chuah
BIMSTEC bantuk ram pawlkomh le phu ruangah Vawleicung hmunkip ah Democracy a ṭumchuk i Human Rights buarnak a karhnak a si, tiah ‘India For Myanmar(IFM)’ nih March 30 ah cathanh a chuah.
Nihin March 30 i tuah mi Bay of Bengal Initiative for Multi-Sectoral Technical and Economic Cooperation (BIMSTEC) tonbiaruahnak ah SAC Foreign Minister U Wanna Maung Lwin cu meeting kainak nawl an pek ruang ah ‘India For Myanmar’ nih cun, “Hi thil an tuah mi hi Myanmar mipi saram bantuk in a thatnawngtu palai an sawm tiah kan hmuh. Cucaah BIMSTEC cu SAC a dirpitu, Myanmar rampi uknak SAC nih an tlaih peng khawh nakhnga a hnulei in hri tlaitu a si,” tiah BIMSTEC cu IFM nih sual a phawt.
Hi BIMSTEC tonnak an ngeih hlan ah India For Myanmar tel in Vawleicung hmun kip in Zatlang bu 136 nih SAC sawm lo ding in nawlnak an rak tuah ko nain, ngai loin atu bantuk in SAC cu sawm an si. BIMSTEC chungtel cu India, Bangladesh, Sri Lanka, Thailand, Nepal, Bhutan le Myanmar an si.
Mon Ramkulh Ah SAC Ralkap Nih Ngakchia 2 An Thah Hna!
Mon ramkulh, Bilin (ဘီးလင်း) peng, Shweyaungpiah (ရွှေရောင်ပြ) khua pawng ah nizan March 29 ah SAC ralkap nih ngakchia 2 an kah thah hna, tiah ngakchia an nu le pa hna i an hawile le tualchung mi hna sin in theih a si.
March 29 chun ah khan SAC ralkap hna nih highway lampi ah a kal lio mi khual tlawng motor le private motor pawl cu kah thlawrh in an kah hna. Cuti an kah ruangah cun kum 9 ngakchia Maung Ngi Ngi Zaw (ညီညီဇော်) cu a thi colh i, kum 6 ngakchia Maung Jesen Min (ကြယ်စင်မင်း) cu a paang ah an khen i siizung an phakpi hnu ah a thi ve, tiah theih a si.
SAC ralkap nih an kah thah mi ngakchia Maung Jesen Min le Maung Ngi Ngi Zaw an nu le pa hna hi Thaton (သံထုံ) peng Myaynigone(မြေနီကုန်း) khua ah a um mi an si i nihin chunhnu Sml 2 ah ngakchia hna cu Myaynigone thlan ah vui an si, tiah theih a si.Ced-The Chin Post
Ral Bawmh Ah A Rami SAC Ralkap Lampi Ah Voihnih Kah An Tong I 6 An Thi
Magway ramthen, Myine peng Bahin(ဗဟင်း) ah umhmun khuarmi SAC ralkap bawmh ding in a rami SAC ralkap hna cu Suwin(ဆူးဝင်း) lam tthen pawng , Myine-Bahin lampi cungah kah an tong i 6 an thi tiah theih a si.
Nihin, March 30, zinglei suimilam 7:00 ah voikhat le suimilam 10:30 ah voikhat tiin mizapi vengtu ralkap phu nih an kah hna caah kaphnih kar kahdohnak a chuak tiah Myaing Villages Revolution Front hruaitu Bo- Dawng Min(ဗိုလ်ဒေါင်းမင်း) nih a chim.
“SAC ralkap hna cu Bahin (ဗဟင်း) kahdohnak bawmh ding in an ra, minung 10 tiin lamkam lei ah kee in an rat i, bomb thianhhliamhnak le zohfelnak an tuah pah, cu lio ah cun a thli in kan kah hna” tiah a chim.
Bawmh ding in a rami SAC ralkap hna cu motor pakhat he minung thazaang 40 hrawng an si, a voikhatnak kahdohnak ah minung 5 an thi i a voihnihnak kahdohnak ah 1 a thi chap tiah theih a si.
Russia le Ukraine ton biaruah ceihhmainak cu Turkey ram ah tonnak an ngei tthan lai tiah theih a si. Russia le Ukraine tonbiaruah ceihhmianak cu Turkey ram Istanbul khuapi ah tuah dingin President Putin le Turkey president Recep Tayyip Erdoğan hna cu March thla ni 27 ah lungtlinnak an ngei cang tiah Turkey president zung nih thawng a thanh.
Ukraine cozah lei in tonbiaruahnak Palai pakhat a si mi Davyd Arakhamia zong nih Russia-Ukraine tonbiaruah tuah than ding ceihhmainak cu a ra lai mi thla chungah Turkey ram ah tuah a si lai tiin ni zaan, zing lei ah a chim
Russia Le Ukraine Tonnak An Ngeih Than Lai
Russia le Ukraine ton biaruah ceihhmainak cu Turkey ram ah tonnak an ngei tthan lai tiah theih a si. Russia le Ukraine tonbiaruah ceihhmianak cu Turkey ram Istanbul khuapi ah tuah dingin President Putin le Turkey president Recep Tayyip Erdoğan hna cu March thla ni 27 ah lungtlinnak an ngei cang tiah Turkey president zung nih thawng a thanh.
Ukraine cozah lei in tonbiaruahnak Palai pakhat a si mi Davyd Arakhamia zong nih Russia-Ukraine tonbiaruah tuah than ding ceihhmainak cu a ra lai mi thla chungah Turkey ram ah tuah a si lai tiin ni zaan, zing lei ah a chim
Leave a Reply