Magway ramtthen Natmoh peng Hmeihpin khuami nu pakhat cancer zawtnak ngei cu ralhrang nih an tlaih i hi nu luatter nan duh ahcun kan herhmi Pa 10 he rak kan thleng uh,tiah ralhrang nih khuami an ti hna. September 13 zaan ah Hmeihpin khuami NLD party ttanhtu U Myo Chit i a inn cu ralhrang nih an luhhnawh nain U Myo Chit cu a umlo caah A nupi simi Daw HlaHla tucu ralhrang nihcun an tlaih tiah theih asi.
Cu zaan ahcun Daw HlaHla he U Gan Htun Gyi timi pa zong an tlaih chih i U Gan Htun Gyi cu a thaizing ah an thlah tthan i Daw HlaHla belte cu tlaih kan duhmi hna U MyoChit tel in khuami 10 an rak i ap lawng ah kan thlah lai tiah khuami pakhat si mi U Soe Tunh sin in bia an cah hna. Ralhrang nih tlaih an duhmi hna minung 10 lak ah U Myo Chit i a fapa le 2 Ko Oo le Aung Myinh Myat zong an i tel pin ah an Khuabawi zong ai tel tiah theih asi.
Ralhrang nih zeiruang ah tlaih an duh hna timi a ruang zeihmanh an langhter lo caah khuami hna cu lungre thei ngai in an um. Ralhrang nih bia an phurhtermi U Soe Ttinh cu ralhrang nih an ka ngiar sual la tiah a himnak hmun ah a zaam i Ralhrang i tlaihduhmi khuami 10 a himnak ah an i thup tiah khuami nihcun an chim tiah Irrawady nih a langhter.
Ralhrang motor 3 cu Kanhbalu mipi vengtu phu hna nih bomb in an puah Sagaing ramthen Kanhbalu khuaah ralhrang phu motor pathum cu Shwebo-Myitgyina lam September 16 zaan ah Kanhbalu mipi vengtu phu hna nih bomb puah in doh an si tiah Kanhbalu mipi vengtu phu chungin rianngei pakhat nih a chim. “Thawng kan theih ning in a hlan kanh in an rat ding hngah an si, ramlak in kan doh hna hi a si” tiah a chim. Ralhrang phu hna motor cu September 16,zaanlei suimilam 3:30 hrawng in bomb puah in doh hi an si,
Cu dohnak ruangah ralhrang phu motor cu an rawk, ralhrang phu hna hliamtuar kong fianghlang in theih khawh a si rih lo tiah Kanhbalu mipi vengtu phu sin in theih a si. “Ralhrang phu business caah hlawknak tampi a pe tu Mytel tower tung hna zong hrawh piak an si thluahmah” tiah Kanhbalu mipi vengtu phu hna nih an chim. A luancia September 15 zaanlei ah Kanhbalu peng chung Sabananhta khua Umi Mytel tower tung pi cu hrawh a si tiah theih a si. Mizzima
Leave a Reply