CNF/A Nih ZRA minung 5 An Thah Hna An Thah Hna Nak A Ruang Salai Htet Ni Hitin A Chim

Naitan ZRA le CNF/A kahnak ah ZRA lei minung (5) an thi tiah CNF/A Spokesperson asimi Salai Htet Ni nih Khonumthung News ah fehternak a tuah cang. Naitan raldohnak ah kan mah CNF/A lawng kan si lo, an mah Zomi Mipi rungvengtu phu asimi CDF-Hualngo, Zoland PDF, ZNDF hna he kan i bawm i kan kah mi hna asi.

Kan kah hna nak a ruangbik zong hi, ZRA le Hakha Rungtlang Sakhan pehtlaih nak le lungtlinnak antuah, cun ZRA le Tedim khuapi hrambunh ralkap zong biaruah nak angei i CNF/A, CDF tibantuk Chin ramkulh chung aum mi hriamtlai pawl cihmih ding in khuakhan nak a ngei. Hi biathli vialte hi nai te ah CDM a rak tuah mi Cozah riantuan sin in kan theih mi asi.

Cu caah December 17, 2021 ah ZRA pawl cu kan mah hmunhma lei ah an rak rat hi asi. Angai ngai ti ahcun ZRA lei nih ankan kah hmasa,cu hnu ah defense nak in kan lehrul sawhsawh mi hna lawng asi” tiah Salai Htet Ni nih cun a chim. Cun atutan i kahnak ahkhan ZRA lei minung 5 an thi,a si nain kan mah lei kan him dih,a thi le hliamtuar kan um lo. Atutan hi CNF/A le Chinland Defense pawl i bawm in ZRA he avoi khatnak kan i kahnak asi.

An mah nih an kan kah hmasa, i kan i defend ve, asi nain an mah lei tu an thi tiah Salai Htet Ni nih cun a chim chap.Note: Hi thawngpang hi Khonumthung News ah tling tein rel dih khawh a si. ZRA cu Kawlram caah dothlennak atuah mi an si lo tiah fianternak zong Zomi upa pakhat nih a tuah. ZRA mizei dah an si timi zong fiang tein an langhter.

Nizan December 21 ah khan Mizoram Kawrthah South Kuhva Chingtu Society Nih nih cun phungning lo in Myanmar lei in kuva thei a lut mi nih Mizoram kuva thei cingtu hna ca ah harnak tampi a chuahpi tawn kong le Champhai DC Pi Maria CT Zuali nih raltha ngai in phungning lo in kuva thei a lut mi a tlaih caah an lawmh kong le Pi Maria CT Zuali an dirkamhnak kong Cathanh an chuah.

Hi an cathanh chuah mi ah hin Champhai DC riantuannak khulnuarhter kho ding i cawlcanghnak a um caah ‘ a poi’ an tinak kong an chim. Phungning lo in ramdang in kuva thei a lut mi donghter ding i taunvo a latu Champhai DC hi kan upat i, Mizoram cozah zong nih hi bantuk phungning lo cawlcanghnak donghter ding in tuanvo la ve seh, tiah an nawl.

Hi pin ah phungning lo in kuva thei a lut mi donghternak ding ah Mizoram Chief Minister le India Prime Minister Narendra Modi sin ah memorandum a petu Pi Vanramchhuangi cung zong ah an i lawmhnak kong an chim. Kuva thei tlaihmi a duahtu tiah an puh mi Champhai Thalai Pawl hna zong nih hi kongkau ah hin Cathanh an chuah ve i,

Champhai DC an dirkamh kong le ‘Champhai DC cung ah phungning tein cozah nih tawlrel seh,’ tiah FIR pek a si kong ah Champhai Mino Bu nih cun Phungning tein chawlet hmasa ve hna seh, tiah an leh hna. Champhai MZP lei zong nih DC Pi Maria CT Zuali an dirkamhnak kong an thanh ve i, Champhai dawtu a si kong le Champhai le Mizoram caah hmailei panh chih ding in an duh kong an chim.

Mizoram ramkhel party dangdang hna zong nih Champhai DC cawlcanghnak kong ah aw-aan an ngei cio. ZPM, BJP le CongressParty hna zong nih Pi Maria an dirkamh kong an chim i, phungning tein a rian a tuannak ah amah doh lei in FIR pek a si cu a rauhzia an thiam lo kong le, cunglei in a thlithup riantuannak a um le um lo langhter ding in Mizoram cozah fianhnak tuah ding in an hal.

Hi kuva thei buainak kongakau hi kan rak chim cang bantuk in Myanmar lei in Kuva thei a lut mi cu Champhai DC Pi Maria CT Zuali le a riantuan hawi hna nih an tlaih i, kuva thei ngeitu Lalhruaitluangi, Aizawl Lily veng nih Champhia DC lak ah hin First Information Report (FIR) palik sin ah a rak pek.

Be the first to comment

Leave a Reply

Your email address will not be published.


*