“Helicopter an i helhum mi hi PDF pawl camp an kawl mi a si kho Caah Thinphang in An Um

Gangaw le Kalay karlak khua pawl cung ah Council ralkap helicopter niam tein aa helhum ca ah khua mi an thin a phaang September 4 Nizan le nihin, ni hnih chung Council ralkap helicopter pawl niam tein an i helhum lengmang ca ah Gangaw le Kalay karlak ah a um mi khuate pawl an thin a phaang tiah kan theih. “Helicopter an i helhum mi hi PDF pawl camp an kawl mi a si kho. Ni hnih chung a si cang.

Nizan kha cu Gangaw le a kiangkap khuate cheukhat cung ah aa helhum. An i timh mi pakhatkhat a um hrimhrim lai. Mizapi lei zong nih timhcia in kan um a herh,” tiah Gangaw khua mi pakhat nih The Hakha Post ah a chim. Zeitik poh ah i kahnak a chuah khawh ca ah Gangaw le Kalay kar lam kam ah a um mi khua pawl nih man faak thilri nan ngeih mi pawl zong thup hna uh. Hliphlau tein um uh, ti in ralrin peknak le forhfialnak zong online ah tampi hmuh a si. TheHakhaPost _ Gangaw _ PDF, The Chin Poat

UN nih NUG maw SAC Ralhrang dah a thim te lai? A tu September thla tanttim ah UN meetingpi (UN General Assembly) tikah Kawlram kong ceihhmainak an tuah lai tiah theih a si. Democracy leiah hodah zumhraih le duhmi a si timi cuanh in mah UN meeting ah hin biachahnak cu an tuahte ko lai tiah vawleipi zumh ciomi cu si.

Myanmar aiawh in UN Ambassador caah hodah an thim lai,SAC lei palai maw NUG palai dah thim a si lai? mah thim dingmi ah hin fingrilh in SAC le NUG hi an rilh hna hnuah Kawlram aiawhtu dingah UN palai cu mah meeting pi nih cun an thimte lai. NUG lei cun Myanmar UN ambassador palai hlun U Kyaw Moe Tun kha rinh ding si ko lai i,.

SAC ralhrang lei in hodah palai ah an chuahpi te lai timi Mintar hi a fiangtuk rih lo. A tawinak in chimah cun UNO nih Kawlram Cozah caah NUG maw a thim lai SAC ralhrang phu dah a thim lai tikhan sisehlaw el-awk umtuk lai lo dah.NUG a thim ahcun vawleicung ram tampi nih NUG kha kawlram cozah ah kan cohlan tiah,.

Cathanh an chuahte lulh lai tikah ralhrang dohnak ding hriamnam zong kha fawizang tein ramleng nih NUG a bawmhchanh khawh ngai lai. Tutan tuah dingmi UN meetingpi ah hin Myanmar to UN caah SAC palai an thim ahcun NUG caah lam aa hungmi abi taktak ve lai.NUG dirpi tu Europe ram tampi nihan duhning in NUG an bawmchan kho lai lo tinak kha si.

Vawleipi tawh a kan tlaitu cu UNO a si caah tutan tuah ding UN meeting pi nih ram pakhat aiawh tu dingah UN palai si tiah a fehter dingmi hi a biapi tukmi si caah UNO nih tutan an tuah ding meeting ah kawlram cozah ah an nih te phu hi kan pom tiah Uico pawl maw athim lai minung dah (NUG-SAC) tihi thindomh in hngah le cuanh cio cu si. Pic hi google ta ka tar sawh men mi si. Chinland 7 Post

Be the first to comment

Leave a Reply

Your email address will not be published.


*