Vaccine Chunh Khawh A si.May 13, 2022 (Fri), zong pehzulh in Vaccine Sii chunh a si rih lai. (Sii chunh a duhmi cu Rawlei cia/tak ah a tha). Nan hawile nih an theih khawh ve nak hnga thawngthanh khawh kan zuam piak ve u.Nihin a rak i chunmi minung 179 kan si.
Sii chunhnak ah minung thazang le fimthiamnak in a kan bawmtu le retheitu-Siibawi le Nurses cung ah siseh, Medical Students cung ah siseh, HBC le HTBC mino cung ah siseh, lunglawmhnak tampi kan ngei. Credit: Hakha Township Public Healthcare & IDPs Management Committee.
Thawngpang dang.Zeehpyukone khua umhmun khuar Council ralhraang le Pyo Saw Htee hna cu MRDA le tangti phu komh nih an kah hna i ralhraang 20 hrawng an thi.Sagaing ramthen, Pale peng, Zeehpyukone khua Council ralhraang le Pyo Saw Htee hna sakhaan cu MRDA le KUG aiawh GYZ nih May 10 zing suimilaam 11:00 hrawng in an kah hna;
Zaan suimilaam 7:30 tiang kahdohnak a chuak i ralhraang lei a tlawm bik 20 hrawng an thi tiah MRDA nih thawng an thanh. Cu council ralhraang le Pyo Saw Htee sakhaan cu MRDA le tangti phu komh nih an kah lio ah North Western Military Command (Nah-Mah-Khah) in raltuknak helicopter pakhat nih zaanlei suimilaam 2:45 ah minutes 45 chung hrawng a rak kah bawmh hna.
Ralhraang pawl bawmh awk ah motor in a ra mi hna cu Salinkyi hrambunh MRDA le တဇောက်ကန်းဘဂျမ်း phu nih bomb an puah hna i ralhraang motor pakhat a rawk dih i pathum zong an i rawk pah tiah MRDA nih an chim. Cu sakhaan cu MRDA le tangti phu komh nih pehzulh i an kah i,
Nah Mah Khah in zaanlei suimilaam 6:50 ah hellicopter pakhat in an rak bawmh than hna. Ruah a sur i khua a fian lo ca ah MRDA le tangti phu hna cu hnulei ah an kir than. KUG aiawh GYZ phu in pakhat a thi tiah kan theih. Source: Khit Thit Media
Cycle cawk ding in Mindat peng in Kyauk Htoo khuapiah a kal mi mino pahnih hna cu zarhkhat a rauh hnu tiangah chungkhar he an i pehtlai kho lo tiah theih a si. Kum 20 hrawng lawng a si rih mi Salai Raw Ling le Kum 18 hrawng a si mi Salai Shwe Ling Tan hna cu May hla ni hnih in Aye Skhan khuain Kyauk Htoo khuapi lei ah cycle cawk dingin an kal lio in a tutiang pehtlai khawh an si ti lo tiah chungkhar he aa neihniam mi pakhat nih The 74 Media ah a chim.
” Phaisa ting sarih an i put i khua in Kyauk Htoo khua lei ah an kal. Inn leiin phone kan chawnh hna tikah Kyauk Htoo khua chungah kan lut cang tiah an kan ti. Kyauk Htoo khua chungah lut hlah uh tiah kan ti hna i, minutes 10 hrawng lawng a rau rih lai, mah hnu cun kan call tthan hna tikah phone an tlai ti lo. Kan call tthan hna tik zongah phone a lut ti lo.” tiah a chim.
Mino pahnih an pehtlai kho ti hna lo tiah Kyauk Htoo khua kiangkap ah a um mi gate hna ah le police sakhan ah hlethlai hna tikah an tlai fon hna lo tiah an leh hna tiah theih a si. Police sakhan in kan tlai hna lo tiah an chim tikah Kyauk Htoo khua chung cycle zuarnak le a pawngkam hna ah zohhlainak an tuah hna tik ah zeihmanh a phi chuak a um fon lo tiah theih a si.
” Ni thum , nili chung kan hlet hlai hna. Cycle cawk nak zawr zongah kan va zoh hna tikah cycle cawk loin an kir than tiah an kan leh. Bank hmun an phak lio ah mah hna pahnih cu ralkap pawl nih an check hna i, fung in an tuk, an velh hna i an i kal pi hna tiah pawngkam um mi nih an kan ti. ” ti zongin a chim.
Bia vaivuan pawl kan theih tilkah mah mino pahnih an konglam cu fiangfai tein theih a herh tiah a chim chap. ” An tlai hna i, thawnginn chung an phak hnu zongah, a thah zong an thah hna zong ah, mah thawngpang cu fiangfai tei in theih kan herh.” tiah a chim.
Leave a Reply