Nizan September 3 ah Hakha Khuathar hmunhma an samhnak hmun ah meihri a zammi mino 20 hrawng ralkap nih helicopter cungin an kah hna, Mah Meihri zamnak hmun hi, NLD cozah chan ah Vawilei E- kah 600 cungah a rak tuah mi Cu ralkap nih an peh zulh meihri zamnak ah a tel mi pakhat nih hitin achim. Meihri zamnak ah aa tel mi hi15-20 minung kan si. Ralkap hi zeitik ah kan sin an phak kan thei lo ralkap pawl nih a ka kah hi chun suimilam pakhat le cheu hrawng chun hnu ah asi.
Ralkap cu 50-60 kar hrawng an si, meithal voi 30 an puah kan tih tuk i kan zam hna, phu thum ah kan i then i, Phu khat hna cu helicopter cungin a kan kah tiah a chim. CDF ah a kan ruah caah a kan kah hi asi lai tiah kan ruah, hriamnam aa ken mi hohmanh kan kum lo. Meihri kan zamnak hmun cu koh kun tang lam a thar an cawhnak hmun ah asi tiah, Meihri zamnak ah aa tel mi nih a chim Hliam hma pu le athi hohmanh kan um lo tiah a chim chap . Credit – Zalen
NUG le PDF hna nih a ruang umlo in an thah hna ruangah sualnak a ngei lo mi party minung 250 leng an thi cang. Khuachungah lainawn, bomb puah ralhrang cawlcanghnak a tuah cuahmah mi NLD extreme pawl cu USDP nih sual kan phawt tiah cathanh an chuah. Hi cathanh hi USDP party social media cahmai ah September 3 ni ah an chuah mi a si i, NLD nih nuai 10 leng mee an fir ruangah nawlngeihnak an sungh hnuah phungning tein rian a tuan lio mi cozah cu NLD party a tanhtu hna nih a phunphun in an doh.
Hi dohnak hi NLD in CRPH, NUG in PDF tiin bu phunphun an ser i lamzawhnak phunphun le buainak phunphun an tuah. Cozah riantuan cheukhat hna cu CDM tuah dingin an forh hna hlei ah cheukhat cu hramhram in CDM an tuah ter hna. NLD a tanhlo mi le cozah riantuan hna cu an thi, an thah hna, bomb in an puah hna. Mipi inn, biaknak hmun hna zong a ruang umlo in nifatin an tuk, an hrawh.Hitin an cawlcang ruangah USDP chungkhar hna,
A tanhtu le a pehtlaihmi minung 253 thah an si cang. Cu hleiah covid-19 zohkhenhnak hmun le riantuan hna zong an hrawh, bomb in an puah.Mah hi ralhrang cawlcanghnak a si caah USDP le mipi nih an duh lo.Cu ruangah CRPH, NUG le PDF duhlo nak campaign cu US hrambunh mi change.org ah kan tuah i, min a thu mi 46270 an phan le cangka in hrawh piak an si.
Cu hnuah a thar in campaign hi kalpi than a si i, September 2 tiangah CRPH, NUG le PDF a duh lo mi minung 2400327 nih min an thut cang.Hi vialte hi ramchung ramleng riantuannak vialte ah kan kuat lai i, ralhrang cawlcanghnak a dongh khawhnak dingah a si khawh chungin kan i zuam lai tiah cathanh an chuah. _ Ref;USDP, The Chin Post
Google nih Aghanistan cozah nawlngeitu hlun hna email account cheukhat hna cu Taliban lak ah an him khawhnak dingah a phih piak chung hna tiah theih a si. Taliban hna nih Afghan cozah hlun riantuannak le ramdang he pehtlaihnak digital document pawl ngeih ding le an duh lo mi hna an tlaih khawh dingah an account hna cu fir an timh tiah theih a si. Hi kong he pehtlaih in google nih Afghanistan dirhmun hi kan ngiat lio pi a si.
Taliban hna nih Afghanistan cozah hlun riantuantu cheukhat hna account cu fir piak an timh ruangah rianngeitu hlun cheukhat hna account hi kan khar piak chung mi a si tiah Reuters sin ah a chim. Taliban pawl nih vuanci zung riantuannak vialte cu a ningte in chiah dingin an kan ti. Mahti kan chiah ahcun vuanci riantuannak vialte an lak dih ko lai tiah a ti. Reuters nih a chim ningah Afghanistan cozah hlun i president office telin finance, industry, education le
mines ministry telin ministry 20 leng nih pehtlaihnak google server an hman i, foreign ministry le agency dang vialte nih Microsoft email software an hman tiah a ti. Mah lawng si lo in Taliban pawl nih US nih a rak bunhcia mi digital infrastructure vialte cu control dih a timh lio a si i,hi nih a ngah ding mi information hna cu Taliban hna caah man a ngei taktak mi a si tiah internet intelligence pakhat a si mi Domain Tools in security researcher Chad Anderson nih a chim.
Taliban nih nawlngeihnak an lak hnu vawleicung ram hna mithmai tha co nak ding caah a hlan bantukin cawlcanghnak kan tuah lai lo an ti nain, tu nai hrawng thawkin Kabul le hmun cheukhat ahcun mithah, lainawnnak tuah hram an thawk hoi cang tiah New York Post nih a tial. Ref; New
Leave a Reply