akha khualipi ummi Chin state zungpi an kah Chin state Hakha khualipi ah ummi Chin state cozah zungpi cu 4/9/2021 sml 11:45 tlukah hriamtlai bu pakhat nih an kah caah SAC ralhrang le tuanvo ngeitu pakhat athi tiah theih asi. Chin state zungpi le cozah riantuan hna umnak inn karah bomb an puah hnuah SAC ralhrang lei he tiah kaphnih kahdohnak mintes 10 tluk an tuah hnuah hriamtlaiphu hnung an tolh tiah theiha si. Mahti kaphnih kahdohnak a chuah hnuah SAC ralhrnag lei tuanvo ngeitu cu meithal kuan khennak in a thih hi si tiah an langhter chap. Chinland 7 post
Min Aung Hliang changtu Ralbawi Soe Win Rusia a kal mi kha hriamnam cawk ah a kal tiin an mah ralkap lei nih an thanh. Thiamsang le khua ruat kho nih anzum lo. Aruang cu Ralbawi pakhat khualtlawnnak ah kawl phungki sangbik pakhat nih azulh mihi asi. Acheu nih ralkap chungkhar zei mawzat cu Dubai ram ah va dor ding in an zaam tiah an chim. Ralbawi sang chungkhar tuhi Rusia ram ah dornak nawl hal ah Soe Win le phungki pa an va kal mi asi.
Hriamnam cawk ah kan kal an ti mi cu lih asi, Tlangcung hriamtlai phu le PDF hna hrocer nak an an chim mi asi. An va kal hnawh chan mi cu ralbawi hna chungkhar dornak ding kong caih asi deuh ti asi. Atu hi kawlram vanlawng certual ah khualtlawng ding vanlawng aa timhtuah tha ngai, hi lio ah ramkhat le ramkhat i tlawn aum tuk lo caah anmah ralkap chungkhar zaamnak ding timhtuah mi asi kho tihi ruah cio asi.
Ralkap bawi sang deuh hna hi Rusiia ram ah an i dor lai i ralkap rengniam chungkhat hi Dubai ah an i dor lai, cun Ramkheel lei party upa (usdp) le ralkap dirkamhtu company hna hi cu Tuluk ram ah an i dor ve te lai tihi ruah asi. Aruang cu Tuluk le kawlram hi chawlehthalnak lei in aa pehtlai mi an si i ralkap hriamnam le humhimnak lei ahcun Rusia ram he in aa pehtlai mi an si caah ralkap lutlai hna le chungkhar cu Russia ah an zaam lai tiah ruah khawg asi.
Atu hi laitlang um mi ralkap zong khual chuahvah loin ka khat te ah an um, cang ai bang an umnak khur chung in bomb le meithal puah an rian cang. Cucu an pu le bantuk in himnak le dornak a um ti lo caah mah le mah i ven duh ah heh tiah bomb puah le meithal in an i veng. Meithal an puah mihi ral an tuk asi lo, thih tih tuk bia mah le mah i vennak asi. Lairam Lai Pa
Tuluk ram in Palai Mr Sun cu Kawlram arat lio caan ah Brunei ram vuanci ASEAN Myanmar envoy Mr. Erywan nih Suu kyi he tonnak ngeih ding in Ralkap a hal colh hna. UN meeting anai cang caah Ralkap hawikom ram pawl an taw a za pah cang ko hih. Tutan Tuluk Vuanci kawlram a rat nak aruang bik hi zei dang si loin kawlram chung Tuluk company vialte hi Ralkap nih venpiak ding le Ralkap hna chungkhar nu le ngakchia poh Tuluk ram ah dornak kong caih deuh asi lai ka zumh.
Brunei Vuanci pa nih hin Suu Kyi ton aa hmaithlak mi hi aherhnak um lo, Ralkap nih Thimnak (election) tuah than ding mi tu hi cohlan piak ding in anawl lai kazumh. Cabuai cungah daihnak biaruah ding a nawl lai ka zumh. Asining ahcun Tutan kan ram buainak hi Suu Kyi he aa pehtlai mi asi lo caah Tuluk vuanci le Brunei Vuanci hna nih NUG le CRPH tuhi an chawnh biak hna ding asi. Cucaah Suu Kyi an ton khawh ahcun ramchung ramkheel buainak hi laklawh in a um sual lai ka phang ngai.
Leave a Reply