Hakha Inn A Kanghnak Ruang Theih si Cang Inn Kanghnak Hmunah SAC ralhrang nih meithal voi khat an puah

Hakha Ah Inn A Kaang Mi An Hmih Khawh Cang Hakha khuachung (BEHS – No.1 sianginn) pawng ah chunhnu suimilam 1:00 hrawng in inn kangh a thok i suimilam 2:15 hrawng ah mipi le meithat zung motor i bawm in an hmih khawh cang. Inn ngeitu hi Pu Ral Cung le Eden te an si.Electric shock ruang ah a kang mi si lai tiah meithat zung lei nih an ruahdamh.

A kaangmi inn hnih hi Pu Ral Cung te inn le Eden te inn an si. Anmah an um lo karlak ah a kaang. SAC ralhrang pawl meikanghnak hmun ah an rak phan i meithal voi khat an puah,” tiah khuami pakhat nih The Chin Journal ah a chim.

Zapi caah theih a tthahnem hmanh maw tiah. A min ah Laimin (nu min), a umnak hmun a langhterning USA. Fiang tuk in ka tial duh lai lo, Laimi taktak a si sual ahcun, a caah fak tuk lai. A dirhmun fiangte in ka theih lo caah, voikhat tal cu, nunzia remhnak caan hmu ko seh. Messenger in ‘Na dam maw’ tiah English lawngte cun a hun thok. A profile ka zoh tik ah, Delhi i ralzam sianginn ah ca ka rak chimh bal mi minung a lo tuk. Cucaah, ‘Ka dam ko e. Nang zong na dam tih” tiah English cun ka leh ve. A bia a hun peh rih, ‘FJP cazin ah na min ka hmuh, an in pehtlai cang maw?’ tiah a ka ti.

‘FJP’ cu hun hrilhfiah tuah, ka thei bal loh, ka hei ti. ‘Facebook Jackpot Promotion a si, zoh lo in thim a si i, na min aa tel ve, chungkhar zohkhenhnak tangka na poh,’ tiah a ka leh. Cun, hlen a ka timh cang hi teh tiah ka lung a pem rawh. Thil a kalpi ning theih duh ah, ‘mihrakhrawl na si’ tiah ka ti duh lo. ‘Agent sin ah online in claim hei tuah,’ tiah link a ka kuat. A link kuat mi ah Mirang nu business thuam in aa thuammi mifel ngang mui a pumi nu a cuang.

“Claim hei tuah phot law, cun, keimah nih lam kan chimh lai,’ tiah a ka ti. “Atu ah hei tuah colh hih”, a ka ti. Ka nih a chuak. Laiholh in ‘Na dam maw?’ tiah ka hei kuat hram. Mirangholh in ‘Burma mi ka si ko’ a ka ti. “Khoidah na um?” tiah Laiholh in ka kuat hram. A ka let ngam ti lo. Hihi hlennak lawngte a si. A lo ngaingaimi khi a lo tuk le tangka mit lawng a aumi caah pialrap bantuk a si. Tangka duhnak thinlung nih mit a cawtter khawh. Cun, tangka duhnak thinlung in mihlen le mi tangka chuh aa timmi pawl rap nih foih a fawite. Hi bantuk hi nihin online tih a nunnak a si.

Online misual nih a phunphun in hlennak lam an kawl i, an hman. An thiam tuk ve tik ah, thil kip ah lunghrinhnak ngeih ve kan herh. Chimmi le tialmi kip a zum lomi le a si tak maw si tak lo tiah dothlat a duhmi sinak kan banh a hau. Cu bantuk tuahnak ah a tanglei hi bawmtu a si men lai. Fawite in tangka ruh khawh a si bal lo. Har le fe in kawl hnu ah hmuhmi a si. Fawite in hmuh duhnak thinlung kan ngeih lo a hau.

Cucaah, hi bantuk i tangka tam tuk na poh e ti tehna hi hlennak a si zia kan i fiang colh. Thil na cawk lomi cu, zei tik hmanh ah na sin ah a rak phan lai lo. ‘Na thil a phan. Phorh man cu zat rak kua’ ti tehna zong hlennak an si. Online in thil kan cah ahcun, a phorh man aa tel, kan cah lio ah phorh man an lak cang. Australia Tax Office, Australia Custom tbk. nih zei tik hmanh ah tlerhnak le khawnnak in an kan pehtlai lo. Ca tthate in an kan kuat. Phone an kan chawnh hmanh ah kan lung a fiang dingte in aho a si an i chim hmasa.

Phone an kan chawnh bak in an kan pehtlaihnak a ruang kan fiang colh. Hi bantuk cozah zung min hmang in misual nih an kan chawnh tik ah, fawite in hlen le deh an kan timh kha i fian khawh colh a si. Ahohmanh i hlenter hna hlah. Thil kip zum hlah, na lung hring ta phot. Cun, an i hleng kho lai lo.

Be the first to comment

Leave a Reply

Your email address will not be published.


*