Hakha CDF Nan rian ngol in kan sin ah i fon u Nan hriamnaam nan chiah lo ahcun nan cii-mitlak in kan in kah hna lai

CDF pawl Kawl ralkap nih ralrin an pek November 1| Hakha Pyidawtha Market ah Kawl ralkap (Ralhrang) nih CDF pawl ralrin peknak ca an benh. “CDF pawl, nan hriamnaam chia u. Nan rian ngol in kan sin ah i fon u. Nan hriamnaam nan chiah lo ahcun nan cii-mitlak in kan in kah hna lai,” tiah ca an benh.

Zisakyi peng chung ralhrang kut tang ah zung kai mi le ralhrang mi sa pawl PDF nih bomh puah hnawh in ahnu bik ral rin an pek hna, Magwe ramthen Myaung peng chung um ralhrang kut tang zung kai mi le rian tuan mi pawl mipi vengtu ralkap nih bomh puah in ralrin nak an pek hna tiah kan theih. PDF hruaitu pakhat nih Zisakyi khua chung ah a um mi,

Khua ram thanchonak zung ah October 31 ah bomh puah in ahnu bik ral rin nak kan pek hna, zung khar nih ah bomh kan puah hi asi nain November ni 1 pin cun ralrin pek nak kan tuah ti lai lo aherh ning in kan I fimtawl cang lai, mipi zong nih ralkap he I pehtlai lo ding zung zong ah um kal lo ding, mipi vengtu PDF tu thazang pek aherh nak kong achim. November ni 1 hi ahnu bik chia in ralhrang kuttang riantuan ti lo in mipi lei ah lungkhat tein dir ti cio ding in pdf nih theihter nak an tuah.

Demosu ah Ralhrang nih aruang um lo inn an kah caah mipi inn 3 le thilchiah nak inn 1 arawk, Demosu khua shwezoh sang ah duty ahngak mi ralhrang nih November ni 1 tuzing suimilam 11 hrawng ah aruang um lo in khua chung cuh kah thlorh in an kah caah mipi inn 3 le thilri chiah nak inn 1 arawk tiah khua mi pakhat nih achim. October ni 31 ah demosu nguhpalawh sang eiidiin la mi hna cu ralhrang nih an kah hna in khua chugn mi 2 an thi, cheu khat an tleih hna cu caah mipi hna nih um kal I ralring ding in mizapi vengtu ralkap nih ralrin nak an pek hna.