Hakha Caah Thlacam Than Sih Thinphang Dir Hmun Si Ko

Breaking News!!! Hakha khuachung ah tuzaan suimilam 8:00 hrawng in bomb thawng le meithal thawng pehtlai in theih a si. Suimilam (8:45) tiang ah bomb thawng le meithal puah thawng cu pehtlai in thawng theih peng a si rih caah Hakha ummi caah thlacam nak in bawm cio hna uh si.

Pastor Cung Biak Hum ruak JMBC khrihfabu pastor hna nih an laak khawh cang 2021 September 18 zaanlei sang Thantlang khuapi chung ah meithal le bomb puah thawng theih hnu inn 10 leeng a kaangh lawng si loin TCBC khrihfabu Pastor Cung Biak Hum cu SAC mithat phu hna kut in a nunnak a liam tiah thawng kan theih.

Thantlang khuapi chung inn a kangh hi zaanlei suimilaam pathum fai in kangh hram aa thawk i, 6:00PM fai lawng ah mei an hmih khawh. Inn a kang mi mei phalh awk ah a kal mi hna cu SAC lei nih an kah hna i, hi an kah mi chung ah Pastor Cung Biak Hum an khen i lamkam ah a ruak in hmuh a si.

Hi kong he pehtlai in Thantlang khuami pakhat nih, “Inn a kang mi phalh awk ah a kal mi poh SAC nih an kan kah. Saupi inn a kaang mi hmih khawh loin kan um. An kan kahnak ruang ah TCBC khrihfabu pastor kuanfang nih a khen i a nunnak a liam. A dang hliam a tuar mi le a nunnak a liam mi an um le um lo kan thei kho rih lo,”

Tiah The Hakha Post ah a chim. Pastor Cung Biak Hum hi nupi le fate pahnih he khua a sa mi a si i, tu thla a si lo hmanh ah hmaithla chung ah a pathumnak a ngei ding an si tiah kan theih. Tuzaan 6:30PM tluk ah JMBC khrihfabu upa le pastor hna nih a ruak tluang tein an va laak khawh tiah kan theih. TheHakhaPost

Be the first to comment

Leave a Reply

Your email address will not be published.


*