Hakha ah SAC nih Tuluk Ser COVID-19 Runvennak Sichunhnak an Tuah

Nihin (July 30) zinglei sml. 9:00 ah Hakha SAC nih Tuluk ser COVID-19 runvennak sichunhnak an tuah, tiah thawng kan theih.

Sichunhnak cu Hakha City Hall an tuah i, SAC ralkap sibawite, Hakha sizung ngandamnak rianttuantu hna le Chin ramkulh ngandamnak zung lei nih SAC kut tiang zung rianttuan pawl sii an chunh hna.

July 29 ah SAC nih Hakha ah minung 273 sii an chunh hna i, nihin ah minung 191 an chunh chap hna.

Thantlang TBC zong ah minung 145 a voi khatnak sichunh ding in timhtuahnak an ngei tiah thawng kan theih.

Hakha SAC nih an chunhmi hna COVID-19 khamnak sii hi “Sinopharm’s Beijing Institute of Biological Products” nih a serchuahmi a si.

The Chin Journal