Hakha Ah Ralkap Sin Thawng Pe Tu Pa An Kah

Hakha ah dalan pakhat meithal kah a ton caah sizung a phan Chin ramkulh,Hakha khuathar sangah ummi ralhrang phu sin thawng petu U Yan Naing Lyin cu nihin September 23 zaanlei ah khuathar sangchungah meithal in voi 3 kah a si i a lu, a taang le a paw hliam a si, atu ah Hakha general hospital ah emergency in an thlop lio a si.

U Yan Naing Lyin cu Hakha ah tlaihkhih a tongmi sualphawt 6 i tuanvo ngeitu zong a si.Cun a umnak inn hmai zong ah bomb voikhat a rak puak bal cang. Ralhrang phu hna nih a umnak inn pawnghrawng ah checkhlatnak an tuah tiah theih a si. Photo:Zalen

2021 September 18 ah State Administration Council (SAC) ralkap pawl nih Chin ramkulh, Hakha khuapi le Thantlang khuapi ah hriamngan an kah thlorh ruangah Biaknak lei building telin mipi inn le lo pawl,kang in zatlak ton a si. Cu hleiah meiphalh ding in a kalmi Thantlang pastor pakhat cu mithat SAC ralkap pawl nih an kahthah hlei ah,

A kutzung cu tan in a kutdong hrolh le suimilam an fir. Chin ramkulh Hakha le Thlantlang khuapi an tuarnak le zatlak mi cungah CNO/CNDF nih kan in tuarpi hna. . Kan hmunhma cia a simi Chin ramcia ah SAC nih minung ruahnak keng lo in an tuahmi cungah kan nih CNO/CNDF nih cun fak pi’n kan dokalh i,Kan Chin mipi he kutsih in phu kan hlam lai tiah ruahchannak kan ngei.

Chin ramkulh Thantlang chungah ralhrang nih hriamngan in an kah hnu khuami a thong leng himnak hmun ah an i dor hna,Thantlang i Peniel Children Home nupa ngei lo ngakchia 18 zong Mizoram an phan tiah theih a si. Atulio Thantlang dirhmun cu ralhrang nih umhmun an khuar caah a humhim lo i,

Thantlang khua mizapi dihlak ngawt in Mizoram-Chin ramri lei khua hna ah an i dor hna i Thantlang khua chung i ngaktah zohkhenhmi,Peniel Children Home in ngakchia 18 zong Mizoram Hnahthial pengkomh Khawhri ah i dor dingin an phan cang tiah Zonet nih a langhter.

Hi ngaktah ngakchia hna i kum 4 in kum 19 karmi an si hna.Thantlang ah a ummi Peniel Children Home cu Pastor Van Nei Cung le a thaisung Bawi Tha Zing nih 1996 ah an rak dirhmi ngaktah cawmnak a si. Mizoram Hnahthial pengkomh Khawhri khua ah a dormi hna hi minung 70 an si cang i an thutdirnak,hnipuan hruk-aih khuami nih an tawlrel piak hna