Hakha Ah Ralhrang Nih An Tlaih Mi Hna Kan Nau Le Pahnih kong Ah Fianghternak!

Hakha ah Ralhrang nih an tleih mi hna kan nau le pahnih kong ah fianhternak
………………………………………………..
Hakha: 10 February, 2022 chun suimilam 1:00 PM ( Kawlram caan) ah ralhrang nih lunghring in an tleih mi hna ka nau le pahnih an min: Salai Cyrus Ngun Mang le Mai Myat Mon Tin kongah Media tampi nih a dik lo tuk mi thil ningcang tein khel thlai ta lo tuk in ca nan tial mi kongah keimah pumpak in nan catial mi vialte nan remh or Delete than cio nak lai a hmasa bik ah kan nawl duh hna.
Salai Cyrus Ngun Mang le Mai Myat Mon Tin hna hi tha tein keimah nih ka theih mi hna an si. Ka chungkhat (Ka fale) tluk in ka dawtmi hna an si. Hi hna pahnih kongah Kawl News nih CNF/A an si tiah an tial. Cucu, Lai Media tampi zong nih nan rak copy cio ve tikah kan nau/Fale pahnih caah tihnung ngai a si.
Salai Cyrus Ngun Mang le Mai Myat Mon Tin hna hi CNF/A minung an si hrimhrim lo. Kan khua (Aibur) ah hngakchia ca chim tu veve an si. Ralhrang nih CNF/A uniform he hmanthlak kan hmuh an timi hi an mah lei in cun bia lak nak or ( Case) siamnak teh-te caah an chim ko lai, nain kan nau le pahnih hna hi CNF/A minung an si hrimhrim lo. Cu ruangah Kawlca in an tial mi thawngpang hi a dik lo mi thil a si.
Mipi sin le Websites in catialtu nan zapi te sinah nawl le sawm kan duh mi hna cu; Kan nau le pahnih hi CNF/A or CDF minung an si hrimhrim lo timi hi tuzan thok in rak kan chim pi cio ko uh. CNF/A minung or ralkap an si tiah nan post cio mi ca vialte zong zaangfah tein (Delete) nan kan tuah piak than cio nak lai kan nawl le sawm duh fawn hna.
Salai Cyrus le Mai Myat Mon Tin hna hi khua mi nih kan bochan ngai mi hna an si. Mi fel an si. Ralkhel ah an lung a lut lo. Khua caah a herh ning tein khua mi nu le pa nih rian an fial mi hna le kan bochan mi hna an si. Tutan Kawlram buainak ah lungthin thianh tein an mah um tein kan khua ah tha tein khua asa zungzal mi an si.
Note: Tutan kan nau le pahnih kong ka tialmi hi laica in a si. A rua hlan ah Kawlca le Mirang zong in CNF/A or CDF minung an si lo nak kong tial kho kan i zuam than hna lai. Dawttu lai hritlai ule nau vialte hna tutan ralhrang nih minung an i palh sual i, an tleih mi hna kan nau le pahnih kongah CNF/A or CDF minung an si lo nak kong ka tialmi hi aho cio paoh nih a dik mi a si tiah nan kan dirh pi cio nak lai kan nawl le sawm duh ko hna.
May be an image of 2 people, people standing and text

Relchap,

  • Tlangcung Miphun hna nih herh mi Federal Democracy Pyidaungsu cu atak ah sersiam khawh a si hlan tiang NUCC nih hnu kir loin i zuam in tuanvo ka laak lai tiah tuni ah a phan mi Panglung minthut kum 75 atlin ni ah biakam a pek nak kong cu cathanh  a chuah.
  • SAC ralhrang i hruai ning tel  in SAC Ralhrang  uknak daihter nak, Panglung biakm pawl cu Federal Democacy hrambunh cungah biakam a si mi cu tlamtlin ter ding, Miphun ram daihnak cu tuanvo laak in Federal Democracy Pyidaungsu cu kan dirh lai tiah NUCC nih a chim.
  • Kawlram Luatnak kan hmuh hnu in tuanvo a laa mi Cozah sin poah ah Panglung minthut biakam pawl cu hrawk in  phung ning loin mipi tuahser nak, mi thleidan in tuahto mi pawl hna caah NUCC nih tlangcung mipi sinah ngaithiam a hal nak ca a chuah.
  • NUCC cu CRPH tel in rampi thimnak aiawk tu phu pawl, Ramkhel party pawl, Unions pawl, Nu pawl, Mino le Minung tlawmin phu dirh mi pawl, Federal phu dirh a si mi pawl Cozah riantuan CDM pawl, CDM colcang nak in riantuan mi pawl, Mipi lamzawhnak he pehtlai in phu dirh mi pawl, Tlangcung Hriamtlai dohthlennak phu dirh mi pawl, Caan Kar laak State Federal Unit aiawh tu committee hna nih dirh mi phu a si.
  • Tuni cu 1947 February ni 12 ah rakthut mi kum 75 tlinnak ni a si.  A luan cia mi kum 75 ah Brithish cozah sinah luannak cu kan hmuh i mah teiin khuakhan lairel khuakhan khawh nak cu thih -khaih loin cova aa khat tein thutdir khawh tii dingah Federal Democracy Pyidaungsu cu sersiam dingah , Kawl miphun ram (Mainland Burma), Shan Pyidaungsu , Kachin Tlangcung hmun le Chin ram aiawk a si mi tlangcung miphun aiawh a si mi hna nih Pang Lung minthut ah biakam nak he min a rak thut.
  • A si nain Kawl cozah hna nih tlangcung mi hna nih kan i ruahchanh mi Fedreal Democracy Pyidaungsu cu tuah piak duh loin an rak kan hlen i Kawl miphun cozah hna nih Pang Lung biakam minthut cu hrawk in Pyidaungdu Unit lawng a hman nak kong cu NUCC nih a chim ohuan.
  • Cu ruang ah Kawl cozah hna nih Pang Pung Minthut le biakam cu tuanvo a lak duh lonak kong tlangcung mi hna nih kan sungh mi faknak pawl cu atu caan lar laak Federal Democray hruainak ah aa tel mi NUG telin Dohhlennak a tuah tu hna nih fiangdai tein an theih an i fian cang caah hmai lei ah Pang Lung Minthut le biakam pawl cu phung ningin tuanvo lak a herh nak kong cu NUCC nih a chim.
  • Cu ruangah tlangcung miphun hna nih kan herh mi Federal Democracy Pyiudaungsu cu Pang Lung Minthut le Pang Lung biakam a si bantuk in tuanvo laak riantuan a herh i SAC ralhrang le SAC ralhrang hruainak uknak hrawh lawng ah Federal Democracy Pyidaungsu cu ser khawh a si lai nak kong cu NUCC nih a chim chap.

 

Be the first to comment

Leave a Reply

Your email address will not be published.


*