Iron a tam i, nau pawi lio mi hna caah a tha. Thisen a ngei tlawm mi hna caah cun a tha tuk, ei bak ding asi. Nau pawi lio mi hna nih cun Doctor hal hmasat hnu ah ei a tha lai.
Paw a nuam lo mi hna le paw lei ai sawisel mi hna caah cun a tha taktak. Hai ah hin digestive enzyme a um tiah chim asi.
Potassium a tam ngai, cun BP sang a niam ter khawh. Pectin an timi thisen thau tha lo (cholesterol) ti niam kho tu zong asi.
Rihnak san ter na duh maw..? Rihnak san ter na duh ah cun hai hi ei ah a tha, aruang cu Calories le Carbohydrates tam ngai a um caah asi.
Hlathlainak an tuah mi ah cun hai nih hin kal (Kidney) i lung a um dingmi cu a ven tiah langhter asi. Chinese mifim thiam hna nih cun hai hi kal (Kidney) i lung um mi hna, taang (chest) fah te hna, khuasik le luakchuah ah a tha tiah an chim.
Leave a Reply