Good Video; A Cu Video Zoh Cu Thinlung A Hmui Ngamsam Ko Hih A Lar Kho Taktak!

AA Nih SAC Ralhrang Minung Pa 14 A Nung In An Tliahnak Hna Video.( A Tangbik ah A Um Lai)
============================
Relchap, Khrihfami hna nih kan zummi Pathian hi min a ngei lomi a si, Zumtu mi tampi nih cawnpiaknak kan ngeihmi ah Pathian min ah cucu a si, khakha a si tiin kan chim tawnmi hi a poi taktakmi a si. Bible ah hin Pathian min cu cucu, khakha a si tihi a um hrimhrim loh hih. Zeicatiah cun zumtu mi hna Pathian cu min ngei lomi Khuaruahhar Pathian pakhat taktak kha a rak si. Asinain cu Khuaruahhar Pathian pakhat sinak tu ahcun Pa le Fapa le Thiang Thlarau an um i cu hna pathum Bible hrimhrim zong nih pakhat an si tiah a ti. Cucaah Pa le Fapa le Thiang Thlarau cu Pathian pakhat sinak tu ah khan pakhat an sinak zong kha a si.

Pathian pakhat sinak aa hrawmmi an si tinak a si. Cu bantukin Pathian cu Thlarau a si ( Johan 4 : 24 ) bantukin Pathian pakhat sinak ahcun Pa le Fapa le Thiang Thlarau cu Thlarau pumsa in vancung khua ah hngalhpitu pathum zong kha an si. ( 1Johan 5 : 7, NKJV ). Mi tampi ka in ka theih thanmi cu Judah ( Israel ) mi hna nih hin Pathian pakhat lawng an zumh i amah cu JAHOVAH Pathian a si. Cu JAHOVAH Pathian cu taksa ah aa cangmi Jesuh Khrih hi a si. Asinain atu kan chantu ah hin cun Thiang Thlarau in a kan umpi cang tiah cawnpiaknak an ngeih vemi an si.

Asinain hi cawnpiaknak nih hin Bible Cathiamg bia hi tampi zong sullam a ngeihter ti loh. Cuticun minung leiin Pathian min kongah cun tampi zong hi cawnpiaknak a rak chuak cang. Cu lioah Bible nih a kan cawnpiakmi cu;-
1. Pathian kan Pa timi tu kha a min ah JAHOVAH ti si loin Bawipa JAHOVAH titu kha a si. Amah hrimhrim nih ka min cu Bawipa JAHOVAH a si tiah a rak ti. My name by the Lord (YHWH). ( Exodus 6 : 3, JUB ).

Note : Bible ah hin Pathian kan Pa timi hi vawi tam taktak na hmuh lai. Cucu a min na hngalh a herh. Pathian min ah JAHOVAH si loin Pathian kan Pa min tu ah khan Bawipa JAHOVAH a si. JAHOVAH tihi na duh lo ahcun Bawipa YAHUAH {or} Bawipa Yahweh ti zongin na ti khawh thiamthiam ko. Buai ding cu a um lem loh muh. English le Hebru holh kha a si ko.

2. Pathian Fapa timi tu kha a min ah YASHUA ti a si. ( Luka 1 : 35 ). YASHUA ti cu Jesuh tinak a si ko. Cu bantukin Jesuh hrimhrim nih, “Pathian Fapa ka si,” tiah a ti. ( Johan 10 : 36 ). Lamkaltu Pual zong nih a thawngtha chim hmasa bikmi ah, “Jesuh cu Pathian Fapa a si,” tiah a ti fawnmi a si. ( Lamkaltu 9 : 21 ).

Note : Bible ah hin Pathian Fapa timi hi vawi tampi na hmuh lai. Cucu a min na hngalh a herh. Pathian min ah Jesuh si loin Pathian Fapa min tu ah khan Jesuh a si. Cungnung Bik ( El Elyon ) Fapa ti zongah nan ti lai tiin Bible nih cun a kan ti. ( Luka 1 : 32 ). 3. Pathian Thiang Thlarau timi tu kha a min ahcun RUACH HAKODESH ti a rak si. ( Efesa 4 : 30, CJB ). RUACH HAKODESH ti cu Thiang Thlarau tinak a si bantukin David Siangpahrangpa zong nih Pathian kan Pa a simi JAHOVAH sinah khan, “Na Thiang Thlarau kha ka lak khanh hlah,” tiah a rak timi kha a si ko. ( Salm 51 : 11 ).

Note : Bible ah hin Pathian Thiang Thlarau timi hi vaikhat te lawng bak na hmuh lai ee. Zeicatiah cun Thiang Thlarau chim nakah hin Bible Cathiang nih a hmanmi auhnak min tampi a um. Cu hna cu; ( a ) Biakam Hlun ahcun, 1. Pathian thawnnak. ( Genesis 1 : 2 ), ( Isaiah 42 : 1 ). 2. Pathian dawtnak. ( 2Samuel 7 : 15 ). 3. Bawipa Thlarau. ( Judges 14 : 19 ), ( 1Samuel 11 : 14 ). 4. Ka Thlarau. ( Ezekiel 36 : 27 ), ( Haggai 2 : 5 ). 5. Pathian Thlarau. ( Exodus 31 : 3 ), ( Nambar 22 : 4 ). 6. Thlarau. ( Nambar 11 : 25 ). 7. Sunparnak. ( Isaiah 42 : 8 ).

( b ) Biakam Thar ahcun, 1. Jesuh Thlarau. ( Lamkaltu 16 : 7 ). 2. Khrih Thlarau. ( Rom 8 : 9 ). 3. Fapa Thlarau. ( Galiti 4 : 6 ). 4. Bawmtu Thiang Thlarau {or} Fimchimtu Thiang Thlarau {or} Tanpitu Thlarau {or} Biatak Thlarau tihi an si. ( Johan 14 : 16/ 27, 15 : 26 ), ( 1Johan 5 ; 6 ). Pathian Thlarau {or} ka Thlarau {or} Thlarau {or} Sunparnak tibantuk hna hi cu Biakam Hlun he aa khatmi an si ko. Hi auhnak min vialte hna hi Hebru nih RUACH HAKODESH tiah an auh vemi Thiang Thlarau i a min cu a si. An auhnak a min hi Bible ah a tam in a tam kho taktak.

Cucaah cun dawtmi u le nau hna zeitik hmamh ah Pathian min cu ahodah a si?” tiah mi hal hmang ti hna hlah u sih. Vawi tampi ka langhter cang nain tial rih hi ka duh ko. Zeicatiah cun Laimi zumtu tampi hi kan tlau ning a fak tuk cang caah khan a si ko. Cun chim ka duhmi te cu Pathian konglam le a sining te hna hi hngalh hmasa lo ahcun zeitik hmanh ah hin miding cu ka si kho taktak lai loh tihi ka hmuh vemi a caah khan a si ko.

Dawtmi u le nau hna Khrihfami hna nih kan zummi Pathian hi min a ngei lomi a si. Bawipa {or} Pathian timi min hna hi cu sinak ( Title ) min an si bantukin Bawipa cu Pathian a si kha zeitik hmanh ah philh hlah u tiah cawnpiakmi zong kan si. ( Salm 100 : 3 ). Cu Pathian pakhat sinak tu ahcun Thlarau pumsa in vancung khua ah Bawipa JAHOVAH le YASHUA timi MESSAIAH le RUACH HAKODESH cu a hrawmtawk tein nihin ni tiangin a um ttimi an si. Rian a tuan timi zong an si. Cucaah cun Pathian thimmi Abraham in Isak in Jacob tefa chungin Benjamin hrinsor a simi Farsi lamkaltu Paul zong nih khan,

“Kannih, Pathian Thlarau thawngin Pathian a biami le Khrih Jesuh ah aa sunsakmi le thisa ah aa hngalsak lomi hi cuarpar aa tan taktakmi cu kan si,” tiah a rak kan tinak zong kha a si. ( Filipi 3 : 3 ). Hi biatak aa hrawm khomi zumtu nan dihlak sinah Pathian kan Pa dawtnak le Fapa Jesuh Khrih vel le Thiang Thlarau hawikomhnak cu atu in zungzal um ko seh. Thank You For All. Crd-Johnly Fambawl

Relchap, CDMer Sianginn Uktu Pakhat Cu Shanni Nationalities Army(SNA) Nih An Thah! CDMer Sianginn Uktu Pakhat Cu Shanni Nationalities Army(SNA) Nih An Thah!: CDM a tuahtu Humalin (ဟုမ္မလင်း) peng, Takketaung(သက်ကယ်တောင်) khua middle school sianguk U Aung San Win (ဦးအောင်ဆန်းဝင်း) cu Shanni Nationalities Army (SNA) nih an tlaih i, an thah tiah Humalin peng zatlang uktu phu nih thawngpang an thanh.

U Aung San Win cu July 16 zaan ahkhan tlaih a si i, a inn he aa naihnak Chaunggyi tiva kam hai kung tang ah an kahthah i, a ruak cu nihin tiang hmuh a si lo, tiah an langhter. Saya U Aung San Win an tlaihnak a ruang cu pumpak in a rem lotu pakhat nih lih le hrokhrol in report a pek caah a si, tiah Humalin zatlang uktu phu nih cun an chim. Saya Aung San Win nih cun a nupi le a fale 3 a liamtak hna, tiah theih a si.

Saya U Aung San Win A thattu cu SNA ralbawi pakhat, amin Lin Kyaw(လင်းကျော်) a si i, Letpanthar(လက်ပံသာ) khua sianginn hmai duty post a hngaktu a si. Meithal i tlaih in lam ah aa chok mi hna cu a volhpamh hna i, a hrocer hna lengah a tukvelh tawn hna, tiah an chim. Cupinah mino pakhat cu PDF na si tiin a rak thah cang, tiah theih a si.

SNA hi SAC nih uknak a laak hnu in SAC ralkap he i bawm in raltuk cawnnak zong an ngei i, SAC a bawmtu le thazaang a petu ah aa tel mi phu pakhat a si. Myaing Peng Ah Ni 16 Chung Kahdohnak Faak Ngai In A Chuak:Magwe ramṭhen Myaing peng ah July 3 in nihin July 18 tiang pehzulh in ni 16 chung tualchung PDF le SAC ralkap kar kahdohnak faak ngai in a chuak, tiah tualchung PDF nih an thanh.

SAC ralkap hna cu Myaing peng mizapi vengtu ralkap phufonh; Myaing PDF, Pungtaung Ngenaung(ပုံတောင်ညီနောင်), 7 Star, Pale pah-kah-phah batallion 1, Bo Yakkhah(ဗိုလ်ယက္ခ) Special Commando Force le Myaing peng PDF hna i bawm in an kah hna, tiah theih a si.

Video zohnak-https://fb.watch/elnaJk66Og/