Good News; Tuzaan SAC ralhrang an thawngpang theih cu a nuam ko!!

Chinese warship FFG Xiangtan from the People's Liberation Army Navy 23rd Escort Task Group is sent off by Myanmar navy troops and civilians during a departure ceremony at Thilawa port in the outskirts of Yangon on October 4, 2016. The five-day visit of the two Chinese navy ships FFG Xiangtan and FFG Zhoushan aims to strengthen bilateral and military ties between the two country. The port of call marks People's Liberation Army Navy's second visit to Myanmar after a training flotilla visit in 2014. / AFP / ROMEO GACAD (Photo credit should read ROMEO GACAD/AFP via Getty Images)

Thanlyin Pengah PDF Training A Dihmi 2 Cu SAC Ralkap Ah Lut In SAC Ralkap 9 An Thah Hna Hnu Ah An Zaam
===========================
Yangon ramṭhen, Thanlyin peng ah ti lei ralkap(Navy) pahnih nih anmah SAC ti lei ralkap 7 le a dang 2 cu August 31 ah khan an kah hna hnu ah an zaam, tiah theih a si. Anmah chungtel a kaptu SAC pahnih hna cu a luancia caan ah karenni ramṭhen in PDF training an rak dih hnu ah SAC ralkap sinah a lutmi an si, tiah tualchung media nih an thanh.

SAC ralkap 9 thihnak kong ah SAC ralkap nih hlathlainak an tuah i, SAC ralkap 9 a thattu SAC ti ralkap pahnih hna cu a luancia caan ah Karenni peng ah PDF training an dih hnu in SAC ralkap sin ah a lutmi an si, tiah Thanlyin ti ralkap in ṭuanvo ngeitu pakhat nih a chim.

Magway Ramṭhen, Yaw Hmunram PDF Sakhan Pakhat Cu SAC Ralkap Nih An Khangh! : “Hriamnam thazaang aa thlau tuk caah kan sakhan pakhat cu SAC ralkap pawl nih an kan hrawhpiak,” tiah Magway ramṭhen, Yaw hrambunh The Youth Force (Saw&Kyaukhtu) nih nihin September 11 ah cathanh an chuah.

“Nizaan September 10 ah ṭat-mah 77 in minung thazaang 90 he rallam sialtu SAC ralkap hna cu TYF hmunram chung ah an lut i, Kyaukhtu hrambunh in hriamngan an thlah, hmaitonh i kahdoh ding ah kan thazaang aa thlau tuk caah kan sakhan cu kan chuahtak,” tiah TYF in ṭuanvo ngeitu nih a chim. TYF phu hna cu an him dih nain, an kaltakmi sakhan le thlam hna cu SAC ralkap nih an khangh dih. Cun, cu sakhan pawng ah a ummi tualchung mi hna thlaam le leeng zong an khangh dih hna, tiah TYF nih an langhter.

Kalaymyo, Pyidawtha Khuami Hauh Khan Pau Cu Hriamtlai Phu Pakhat Nih SAC Ralkap Sin Ah An Kalpi: Sagaing ramṭhen, Kalaymyo Pyidawtha khua nih khuanu khuapa can ah an hmanmi U Hauh Khan Pau(kum 45) cu aho si theih lo mi hriamtlai phu pakhat nih nizaan September 9 chunhnu suimilam 2:00 hrawng ah an tlaih i, SAC ralkap sin ah an kalpi tiah tualchung mi nih an chim. Cun, SAC ralkap lei ah ṭang in thawngthanhnak a tuah tawntu telegram nih PDF chungtel Hauh Khan Pau cu pistol pakhat le kuan he kan tlaih, tiah an langhter.

“September 9, chunhnu suimilam 2:00 hrawng ah U Hauh Khan Laung cu khuachung ah aa chawh lio ah, private motor pakhat in minung 5 hrawng nih biahalnak zong tuah hmasa loin, an tukvelh hnu ah an kalpi. A tlaitu hna zong aho an si theih a si lo. U Pau cu khuachung ah i bochan mi upa pakhat a si leng ah ZYA-Zomi mi bawmchantu phu i hruaitu pakhat zong a si. A mah cu midai te a si, zei bantuk hriamtlai phu he hmanh pehtlaihnak a ngeimi a si lo. Atu bantuk a ruang um loin tukvelh le tlaihkhih a tonmi kong ah a chungkhar zong nih an cohlan khawh ding a si lo leng ah khuachung mipi kan ngaihchia tuk,” tiah U Pau tlaih a ton lio ah a hmutu tualchung mi pakhat nih a chim.

North Korea He Pehtlaihnak Tuah Kan I Zuam – White House, North Korea cu ralmit in kan zoh lo, palai lei in pehtlaihnak ngei kho ding in kan i zuam cuahmah, tiah White House chimphuannak nawlngeitu Karine Jean-Pierre nih september 9 ah a chim. North Korea President Kim Jong Un nih cun mah le mah i runvennak ding ah Nuclear hmannak nawl cu phungning tein a thanh hnu ah Nuclear kong ah hnu kir awk kan ṭha ti lo tiah a chim. Nuclear hriamnam zonternak(Denuclearization) biaruahnak khamnak upadi zong a chuah.

US nih cun North Korea tlerhkhonhnak cu tawlrel khawh kan i zuam i, a hawikom ram pawl he naihniam tein caihhmainak kan ngei. Korea ram ah Nuclear hriamnam thazaang a zor khawh nakhnga zong kan i zuam cuahmah ko, tiah Karine Jean-Pierre nih cun a chim chap. N. Korea nih cun an ram cu amah tein Nuclear hriamnam aa tawlrel kho mi ram ah a thanh i, Pyongyang nih Nuclear hriamnam cu kan thlah lai lo, US lehrulhnak ding ah kan herh tiah, Kim Jong Un nih cun a chim.

Sagaing Ramṭhen, Butalin Peng Palik Sakhan In Ralkap 2 Nih An Hriamnam He CDM An Tuah! Sagaing ramṭhen, Butalin peng, Kutaw(ကူတော်) palik sakhan in SAC ralkap 2 nih September 5 ah khan Donepian(ဒုံးပျံ) Local PDF sin ah meithal 2 he CDM an tuah, tiah theih a si. CDM a tuahtu SAC ralkap 2 nih cun MA2, MA1 meithal 2, kuan 400, kutcheh bomb lung 5 le bomb hmanh phun lung khat an i put caah Donepian(ဒုံးပျံ) Local PDF nih minung pakhat ah sing 50 veve laksawng an pek hna i, a himnak hmun ah an kalter hna, tiah theih a si. Crd-The Chin Post

Be the first to comment

Leave a Reply

Your email address will not be published.


*