Good News, SAC Ralhrang Thawngpeetu Ceilak Thah An Si!!

SAC Ralhrang Dalaan Ceilak Thah An Si
=========================
Watlet pengkulh, Kui-Kan khuate ah a um mi dalaan U Kyaw Soe cu Shwebo-Mandalay lam Hla-Taw khuate in Kyi-Kan khuate leiah cycle in a rak kir lio ah Mipi kan ralkap PDF hna nih a hnu in an zulh in meithal in an kahthah tiah theih a si. Sagaing ramthen, Monywa khuapi ah a um mi dalaan U Aung San Lynn cu Kan-Pia khuate lei ah dum cawkin a kal lio ah Mipi kan ralkap hna nih an kahthah tiah theih a si.

Sagaing ramthen, Monywa pengkulh sianginn cachimtu Sayamagyi dalaan a si mi Daw Soe Myant Aye cu an inn in sianginn lei ah cycle in a kal lio ah Ywa-Tone khuate pawng Monywa-Ywa-Tone lamthen ah mipi kan ralkap hna nih a hnuin an zulh in meithal in a hnu leiin an kahthah tiah theih a si. Kantbalu pengkulh, Lay-Dwin-Sin khuate pawmgah cycle a remh mi U Myant Htet Soe cu a pawngkam datsi dawr a um lio ah PDF mipi kan ralkap hna nih an kahthah tiah theih a si. Datsi dawr angeitu U Than Zaw zong an tlaih chih tiah theih a si.

Sagaing ramthen, Pann-Chi khuate um dalaan chungkhar U Win Shing le an nu Daw Mya Oo telin an fa le a si mi Mg Kaung Het Shing, Mg Paan Htet Shing, Mg Sai Htet Shing (12), Ma Hnin Yati Shing (8), Mg Zan Htet Shing (15) hna cu an inn an um lio ah mipi kan ralkap PDF hna nih meithal in an kah hna ii U Win Shing, Daw Mya Oo, Mg Kaung Htet Shing, le Mg Pan Het Shing hna pa 4 cu a hmun ah an thi colh tiah theih a si ii Mg Sai Htet Shing (12), Ma Hnin Yati Shing (8) cu hlaim an tuar ii Mg Zan Htet shing cu a luat tiah theih a si.

Sagaing ramthen, Monywa khuapi Pyidawta sangah a um mi dalaan a si mi U Nanda Kyaw cu dum vazoh in a kal lio ah mipi kan ralkap PDF hna nih a hnu lei in an zulh in meithal in an kahthah tiah theih a si. CU bantuk thiamthiamin Magwe ramthen, Seihpyo pengkulh, Tat–Cin khuate ah a um mi SAC ralhrang dalaan U Myint Aung le an nu Daw Khinyi hna pahnih cu mipi kan ralkap PDF hna nih an kahthah hna tiah theih a si.An zaapiin SAC ralhrang Dalaan kahthah a tongmi hi minung pa 11 an si thah an tong tiah theih a si.

Mandalay Ah Inn 150 Leng Cu SAC Ralkap Nih Hramhram In An Hrawh!: Mandalay ramṭhen Amarapura(အမရပူရ) peng ah chungkhar 60 hrawng umnak inn 150 leng cu SAC ralkap le palik nih nihin June 6 zinglei ah hramhram in an hrawhpiak hna, tiah theih a si. “Kan umnak hmunhma cu hlan pi pu chan in kan umnak a si cang. Tlanglawng lamkam um kan si caah SAC ralkap nih tlanglawng lam in pe(ft’) 10 hnu nan tolh ah cun a za ko, tiah an kan ti nain atu ah cun an kan hrawhpiak dih ṭhan, minutes 30 lawng caan an kan pek. Zinglei suimilam 9:00 hrawng ah an au i inn hrawktu ding motor pakhat a rak phan. SAC ralkap le palik 50 hrawng cu an hriam tling he an phan ve. Atu tiang ah chungkhar inn 60 hrawng umnak hrawhpiak an si cang. Inn hrawhpiak a tongmi hna cu timhtuahnak caan zong pek an si lo caah an ngaih a chia ngai hna,” tiah sangchung mi pakhat nih Yangon Khit Thit Media ah a chim.

Kachin Independence Organization (KIO) hmunram ah 2021-2022 cacawn kum tanghra cammipuai(examination) a phimi hna lakin, siangngakchia 2,192 chung ah 1,680 nih hlawhtlinnak an hmuh, tiah theih a si. Cammipuai a awngmi siangngakchia 1,680 chung ah thiamhlei (distinction) a hmu mi 300 leng an um, tiah KIO fimcawnnak zung nih a thanh. Hlawhtlinnak a hmumi siangngakchia hna cu, Mai Ja Yang College, Mai Ja Yang Institute Of Education (IED), Institute of English Program, Federal Law Academy sianginn hna ah an kai kho lai, tiah theih a si.

Bo Naga (ဗိုလ်နဂါး) Hmanhmi Bomb Cu SAC Ralkap Nih An I Lamh Caah 15 Hrawng An Thi: June 5, zinhlei Sml 8:30 hrawng ah Saigaing ramṭhen, Ai Taung( အိုင်းတောင်) in a chuakmi SAC ralkap thazaang 80 hrawng cu Tapyitaw( သပြေတော) khua an phanh hlan deuh ah bomb hmahmi an i lamh caah ralkap 15 hrawng an thi, tiah Myanmar Tawwin Nakaa( မြန်မာတော်ဝင်နဂါး) ralkap phu nih nihin ah cathanh an chuah. Cu bomb puahnak cu SaLyinKyi ( ဆားလင်းကြီး ) hmunram um Myanmar Royal Dragon Army( M. R. D. A / SaLyinKyi ) le tualchung PDF i bawm in an tuah mi a si. Mizapi vengtu ralkap lei cu hliamtuar um lo tein hnu an tolh kho, tiah an cathanh ah an langhter.

SAC nih nawlngeihnak an laak hnu February 2021 in March 2022 tiang ah minung 3165 cu thah an si i, peng 86 ah inn 19,635 khangh an si cang, tiah Media Monitor Collective nih cathanh a chuah. SAC ralkap nih ramkulh le ramṭhen chung um peng 86 in khua 400 leng ah cun meikhanghnak an tuah i, Sagaing ramṭhen ah inn 12,687, Magwe ramṭhen ah inn 4304, Chin ramkulh ah inn 1376, Kayah ramkulh ah inn 360, Shan ramkulh thlanglei ah inn 329, Kayin ramkulh ah inn 166, Shan ramkulh chaklei ah inn 137, Mandalay ramṭhen chung ah inn 118, Kachin ramkulh ah inn 58, Tanintaryi ramṭhen ah inn 37, Mon ramkulh ah inn 30, Bago ramṭhen nitlaklei ah inn 26, Yangon ramṭhen ah inn 4, Bago nichuahlei ah inn 3 hna cu an ciam dih, tiah theih a si.

SAC ralkap nih khua an hrawh ruangah minung 1,21,0846 cu inn le lo kaltak in a himnak hmun ah an zaam. SAC ralkap nih khuate hna cu an duh poh in an kah tawn caah minung 1112 hliam an tuar tiah an langhter fawn. Khuate lei zong ah sualnak ngei lo minung 16,251 an tlaih hna i , minung 1353 cu ralkham ah an hman hna, tiah Media Monitor Collection nih cathanh a chuah ning in theih a si.

Post Views: 14

Good News, SAC Ralhrang Thawngpeetu Ceilak Thah An Si!!

Be the first to comment

Leave a Reply Cancel reply