KIA Le PDF Phufonh Hna Nih SAC Ralhrang Minung 35 An Thah Hna
=========================
Sagaing ramthen, Indaw pengkulh ah a um mi Meza police sakhan cu KIA le PDF phufonh hna nih tuni zinglei ah a valuh hnawh hna i SAC ralhrang leiin minung 30 an thu i PDF lein minung pa 1 nih ram le miphun caag anunnak a peek nak kong cu Indaw Revolution-IR nih thawng thanhnak a tuah.
Cu pinah tuni zinglei suimilam pa 8:00, Indaw in Meza sakhan lei bom dingin a ra mi SAC ralhrang minung 30 cu KIA le PDF phufonh hna nih an kahdoh hna caah SAC ralhrang minung 5 an thih pinah minung tampi nih hliamfak an tuar khawh nak kong, A thimi SAC ralhrang pawl cu kahdohnak a chuah nak a pawngkam hrawngah an phum beh hna i SAC ralhrang motor pakhat zong an hrawh piak chap hna tiah theih a si.
Meza sakahn kahtohnak ah mipi ralkap in minung pakhat nih ram le miphun caah a nunnak a peek i minung pa 3 nih hliam an tuar pinah, kahdohnak pawngkam inn ah a um mi kum 15 hngakchia pakhat kuan nih a ken sual caah a nunnak a liam tiah theih a si.
July ni 10 zinglei suimilam 4:00, KIA le Taka pengkomh Tatyin-2, Indaw mipi humhimtu ralkap phufonh hna nih Meza police sakhan cu an valuh hnawh hna i SAC ralhrang minung 30 an thihnak kong, ralkap bawi pakhat telin minung 10 an ruak cu chunlai suimilam 2:00 hrawngah an kal pi hna i Kanbalu ah an chiah hna tiah theih a si.
Relchap, (photo Dang) Kaanthit Khuami 16 Tlaih An Tong I An Thawngpang Theih Lo In An Tlau! Kaanthit Khuami 16 Tlaih An Tong I An Thawngpang Theih Lo In An Tlau!: Magwe ramṭhen, Pakokku(ပခုက္ကူ) pengkomh Yesagyo peng Kaanthit(ကံသစ်) khua ah minung 16 cu July 9 zingka ah tlaih an tong i nihin tiang pehtlaih khawh lo in an tlau, tiah khuami sin in theih a si.
“Nizan zing Sml 6 hrawng ah khuami 16 cu tlaih an tong i, nihin zing tiang pehtlaih khawh an si ti lo caah an chungkhar hna cu lungrethei in an um,” tiah Kaanthit khuami pakhat nih a chim. Tlaih a tong mi minung hna 16 cu Ko Myint Kyi(ကိုမြင့်ကြည်), Ko Thun Ye(ကိုထွန်းရီ), Ko Aung Soe Moe(ကိုအောင်စိုးမိုး), Ko Nga Pho(ကိုငဖိုး), Ko Win Hlaing Shwe(ကိုဝင်းလှိုင်ရွှေ), Ko Soe Min Thu(ကိုစိုးမင်းသူ), Ko Aung Lwin(ကိုအောင်လွင်),
Ko Tin Maung Kyaw(ကိုတင်မောင်ကျော်),Ko Me)ကိုမဲ), Ko Maung Htet(ကိုမောင်ထက်), Ko Aye Win(ကိုအေးဝင်း), Ko Han Myint(ကိုဟန်မြင့်), Ko Myo Min Thu(ကိုမျိုးမင်းသူ), Ko Myo Chit(ကိုမျိုးချစ်), le Ko Nyunh San(ကိုညွန့်စန်း) an si i, pakhat cu a min theih a si rih lo.
Tlaih a tong mi hna hawikom pakhat nih cun, “Tu chung hrawng cu a thi mi le a tlau mi an tam caah tlaih a tong mi hna cung ah thil ṭha lo a cang sual lai ti kan phang,” tiah a chim. Zei ruangah tlaih an ton ti cu hlat cuahmah lio a si.
Myinmu Ah SAC Ralkap Motor 9 Kah An Tong I, 9 An Thi: July 8 le July 9 ah khan Myinmu pengchung ah SAC ralkap motor 9 cu WamPih(၀မ်းပြည့်) le AlatKapa(အလ္လကပ္ပ) khua kar ah tualchung hriamtlai phu nih bomb an puahhnawh hna caah SAC ralkap 9 an thi i, hliamhma tuar zong an tam, tiah Zero hriamtlai phu nih an thanh.
Minung thazaang tam ngai nih an zulhmi SAC ralkap motor run cu July 8 ah tualchung hriamtlai phu nih bomb lung 7 in an puahhnawh hna, culio ah cun SAC ralkap 9 an thi. July 9 zinglei ah SAC ralkap hna cu motor hme 3 he rallam an sial ṭhan caah kahdohnak a chuak ṭhan tiah theih a si.
July 9 kahdohnak i SAC ralkap lei a thimi zat cu fehter a si rih lo. Mit hmutu hna nih an chim ning ah cun hliamhma tuarmi SAC ralkap hna cu Monywa lei ah an kalpi hna, tiah an chim.
Sagaing Ramṭhen Le Mon Ramkulh Kahdohnak Thawng, Sagaing Ramṭhen Le Mon Ramkulh Kahdohnak Thawng: Sagaing ramṭhen, Shwebo peng, SikKhun khua ah umhmun a khuarmi SAC ralkap cu PDF nih an kah hna i SAC ralkap 3 hliam an tuar, tiah PDF nih an thanh.
July 9 ah Shwebo peng, Sikkhun umhmun a khuarmi SAC ralkap hna nih mizapi a choklet mi hna cu phaisa an hal hna caah Shwebo pengkomh mizapi vengtu ralkap battalion 5 tatkhuai 3, C&T Shwebo ( LDF ), Snake Eyes (LDF), Shwebo Federal Army (SBFA), DaungMan (ဒေါင်းမာန်)-SHWEBO, Alpha-7(LDF), MDF SHWEBO, Bu KyuaYan(ဗိုလ်ကျားရိုင်း)-Shwebo, F .D .F le Shwebo 2 Pah-kah-phah hna i bawm in an kah hna tiah theih a si.
Cubantuk in Mon ramkulh, Tatone peng in Bilin khuapi lei ah a kalmi SAC ralkap mawṭaw run cu KNLA, PDF hna nih nihin zing suimilam 3:41 ah KaMaSine lamthluan ah bomb an puah hna i mawṭaw 4 an rawk, tiah Tatone TPDF nih an thanh.
KNLA Brigade 1, Battalion 2, PDF battalion 2 le Tatone peng mizapi vengtu ralkap hna nih bomb an puah hna hnu ah hriamhme in an kah chap hna i, SAC ralkap mawṭaw 4 an rawh lengah a thimi zong an um nain a thimi zat tu cu fiangin kan thei kho rih lo, tiah Tatone TPDF nih an thanh.
Sagaing ramṭhen, Kanhbalu zong ah KanhBaLu pengkomh mizapi vengtu ralkap Battalion 3 (PDF) camp cu SAC ralkap nih nizan July 9 zingka te ah khan hmunthum in an kah hna. PDF pawl cu PaungPin um Khah- Mah- Yiah 367, Homalin um Khah- Mah- Yiah 369 le KyaukMyaing ralkap Khah- Mah- Yiah 12 hna nih an kah hna.
PDF nih an camp cu caan karlak an chuahtak chung i PDF lei cu hliamtuar um lo in hnu an zaam kho, tiah theih a si. KanhBaLu hmunhram chung ah SAC ralkap nih hmun 5 in rallam an sial, tiah KanhBaLu mino Infinity Group nih an thanh.
Yangon, Hlaingtaya Ah Ralvengtu SAC Ralkap Bomb Puahhnawh An Tong I, 2 An Thi!: Yangon ramṭhen HlaingTaya peng Sat-hmuh-zung no.2, Ngawng(ညောင်) khuachung ah zaan ralvengtu SAC ralkap motor pakhat cu July 8, zinglei ah bomb puahhnawh an ton caah SAC ralkap 2 an thi, tiah theih a si. Zaan ralvengtu SAC ralkap 6 nih zulhmi motor pakhat chung ah bomb chehhnawh an si i SAC ralkap 2 an thih lengah pakhat hliamhma tuar, tiah Burmese Rangers Army – LDFUG nih cathanh an chuah.
“Ngawng(ညောင်) khuachung ah a luancia zarh khan SAC ralkap hna nih ralvennak an tuah i lampi i an tonmi hna mizapi sin in phaisa an hal hna. SAC ralkap hna cu i din ding in an dir lio ah bomb cu chehhnawh an si,” tiah Burmese Rangers Army – LDF UG phu in ṭuanvongeitu Bu Htat Wai nih a chim. Mizapi cu SAC ralkap hna he a hlatnak hmun ah um cio ding in le tualchung hriamtlai phu hna cu hmai an kal khawh nakhnga thazaang pe cio ding in Mizapi ralkap mipi sin nawlnak cathanh ah chuah.
Leave a Reply