Kani peng chungah September 13 ni ah ralhrang hna Tuang Tun Chuang Meng 40-45 ah ke tein in kal in hmunhma kan thianh tiah alut mi ralhrang minung 16 cu an zaam tiah hmunhma um mi mipi lei ralkap phu hna sin in theih asi. “Kanmah he a luancia September 13 ni ah CDM a tuah mi ralhrang 2 an um.
Hmunhma himnak caah le anmah an him sual lai lo tiah thawngthanhnak tuah lo in kan um.Atu cu anmah cu tlangcung mi hriamtlai hna sin in kan kuat cang hna .An mah tel in a zaam mi hi minung 16 an si cang tiah an chim. Anzapi in minung 3 tete i then in an zaam tiah an chim ” tiah Kani mipi vengtu ralkap hna hruaitu pakhat nih a chim.
Kani peng in a zaam i CDM atuah mi ralhrang 2 cu Phyo Wai Soe le Win Zaw Thu hna an si. A dang ralhrang hna cu Win Ko Ko, Nay Lin Tun, Hein Min, Thet Nawng Tun, Lat Tin Tawng, Saw Thu Wa, Yan Niang Thun, Thet Lin Aung ( Karen ), Kyaw Lin Oo, Aung Htey Kyaw( Sniper ),
Aung Kuang Myat hna 11 hi an si i a dang cu an min kan thei rih hna lo tiah an chim. Tu a zaam mi ralhrang hna cu Maw Leih Myo ummi ralhrang Khah- Mah – Yiah (365) in an si tiah Kani peng mipi vengtu ralkap hruiatu sin in theih a si.DVB
alhrang phu hna nih nawlngeihnak an lak thla 7 chungah sui man le dollar man cu Myanmar ram tuanbia chungah voikhat hmanh a cang ballo mi a sang bik tiang in a phan. Nihin ah sui-khoh fangkhat tlai cu ting 20 le thong 10(2010000) tiang a phanh leng ah dollar man zong dollar fangkhat ah Myanmar phaisa 2280 leng tiang a phan.
Sui man le dollar man hi,hinak in a kai ding dirhmun a phan tiah sui lei riantuan tu hna nih an chim. Sui man hi ralhrang phu hna nih hramhram nawlngeihnak an lak hlan ah fangkhat tlai cu ting 13 hrawng a rak si, na in ralhrang phu nih nawlngeihnak an lak thla 7 chungah ting 20 le thong 10(2010000) tiang a phanh hi a si.
Dollyman zong ralhrang phu hna nawlngeihnak an lak hlan ah 1300 hrawng lawng a si nain ralhrang phu hna nih hramhram uknak an lak hnu ah dollar fangkhat ah kawlram phaisa 2280 leng tiang a phanh hi a si. Than Lwin Times
Leave a Reply