Sagaing ranthen, Kaa Thar pengkomh, Thi Cheih peng ah Kaanni palek riahbuk cu PDF nizaan zana ah mei in an kangh tiah theih a si October 4 zaan Suimilam 10 hrawng ah PDF nih Kaanni Palek security riahbuk cu an khangh hi a si tiah khuami hna nih an chim. “Palek security riahbuk i Palek hna zapi an zaam i Thi Cheih palek riahbuk ah an i fonh.Zaan Suimilam 10:00 hrawng ah mei in an kanghnak hi a si. Thi Cheih ah zaan Suimilam 10 thok in mizapi hohmanh leng chuah lo ding le mawtaw hna tlunkal lo ding in,.
PDF nih September 24 ah khan theihternak cathanh an chuah.Nawl a zul lo mi thilphor mawtaw cu zahan zaan ah bomb puah nak in ralrin an pek.Ralrin pek nak sawhsawh asi caah mi a hliam mi an um lo. Thi Cheih ah October 3 zong ah Alay Taw palek riahbuk cu PDF nih mei in an khangh i Thi Cheih Myomah palek riahbuk zong hriam ngan in voi2 an kah i ralrin an pek hna. Atulio Thi Cheih ah peng chung vialte veng le khuate khuabawi hna le tuanvo ngeitu vialte rian an i din dih i khuabawi rian vialte a dir dih.
Ayarwady ramthen, Ngapuhtaw peng Tephyu khua ah ralhrang phu sin thawngpe tu tiah thah a tong mi minung pahnih hna ruak cu October 2, ah khuami hna nih an hmuh. Tephyu khua in ralhrang sin thawngpetu U San Tinh le U Tinh Thoe cu a luancia zarhthum hrawng ah nam in thah an si tiah mipi vengtu phukomh phu chungtel pakhat nih a chim. “Anmah pahnih hi zoh an si nak a caan sau cang, anmah ruangah tlaihkhih a tong mi an tlawm ti lo, an pahnih in thah an ton hi a si.
Atu ah an ruak an hmuh i ralhrang phu nih fehternak an tuah” tiah a chim. A thi mi ruak pahnih cu ralhrang phu hna nih Ngayautkawng khua sizung ah checkhlatnak an tuah tiah theih a si. Mi ruak hmuh a si hnu in Tephyu khua le Kanasoe khua ah ralhrang minung thazaang tampi nih checkhlatnak an tuah. DVB
Leave a Reply