SAC Ralhrang Ca Ah Hriamnam Zalhpiaktu Ah Aa Telmi Minung 12 Le Bu 3 Cu Canada Nih Phihkhar Dantatnak A Tuah (ပိတ်ဆို့အရေးယူ)
======================
Canada ram, ramdang he pehtlaihnak zung nih Myanmar ram mi 12 le bu 3 cu nuhrin covo buarnak ah ṭuanvo an ngei tiin December 09 ah phihkhar dantatnak tuah ding in a thanh.
Cu hna cu: Zaw Min Htun, Maung Maung Ung, Htun Htun Naing, Khine Maung Ye, Myo Myint Oo, Taung Han, Win Sing, Ku Ku Lun, Aung Soe, Zin Min Htet, Hlaing Moe Myint, le Myo Thetsa hna an si. Cun Min Aung Hliang, Soe, Win le Than Shwe le adang SAC hna zong phihkhamnak tuah mi a rak i tel mi an si ve cang.
Cun bu thum hna cu; Dynasty International Company Limited, International Gateways Group, le Asia Sun Group hna an si tiah theih a si. Hi minung 12 le bu 3 hna hi SAC ralhrang ca ah a bik in hriamnam zalhpiaktu an si tiah theih a si.
Canada ram hi 2017 lio Rohingya pawl thahnawn ruang ah Myanmar ram chung minung cheukhat le bu pawl phihkhar dantatnak voi 2 le 2021 ralhrang nih hramhram uknak chuh hnu ah voi 6 tiin phihkhar dantatnak a tuah cang.
Cun Myanmar ram ah hriamnam kuat a phih leeng ah Canada rammi nih phihkhar dantatmi hna he cawleh hrawlnak tuah ṭi lo ding in cathanh a chuah.
Moscow Ah Thilzuarnak Center Pakhat A Kaang, Minung Pakhat A Nunnak A Liam, Russia ram khualipi Moscow ah thilzuarnak supermarket pakhat a khangh caah minung pakhat a nunnak a liam, tiah theih a si.
Mega Khimki thil zuarnak innpi a kanghnak muicawl cu nizan December 9 zinglei ah social media ah a langsar ngai. Inn a kanghnak a ruang hi fiang in hngalh a si lo nain software pakhat khat ruang zong ah a si kho men a siloah mi nih an khanghmi zong a si kho, palik nih hlathlainak an tuah cuahmah, tiah theih a si.
Cu thilzuarnak inn center nih nitlaklei ram nih an chuahmi thilri tampi an zuar i Russia nih Ukraine a tuk hnu in nitlaklei ram Companny tampi nih an chuah tak, tiah theih a si.
Cu innpi a kangh lioah puah thawng zong a thang i a pawngkam a ummi hna zong kadang hmun ah an ṭhial hna. Mei cu sml 2:00 hnuah an phalh khawh i Russia hlathlaitu committee hna hruainak in inn kanghnak kong he pehtlai in hlathlainak an tuah, tiah theih a si. Inn kangh ruangah dollar nuai 320 in 480 kar a ciam kho, tiah tuaktantu hna sinin theih a si.
Hliamtuarmi Yaw PDF Caah Tangka le Ei Ding Pawl An hlut Hna., India ramkulh,mizoram ah si a thlop mi Yaw PDF pawl cu MRRCM nih tangka le ei din pawl an hlut hna tiah theih asi. India rupie 10000,facang tun 5, pe tun 1,Citi 1 le thingthei hang pawl an hlut hna .
Kalay Peng SAC Ralkap Nih Tual chungmi Inn An kangh Piak Hna Lio Ah PDF – Kalay Nih Bom Lung 4 In an Doh Hna, Kalay khua Indaikun sang ah SAC Ralkap nih December 7 zanlei tual chungmi inn an kangh lio ah PDF – Kalay nih an chiah mi bom in an puak hna ii ralkap 15 nak tlawm an thi tiah PDF – Kalay nih an thanh.
December ni 7 zanlei sml 12 hrawng ah Kalay peng Lam an tuah thar mi lam in a raa mi Kee Ralkap thanzang 100 hrawng cu Myotlat sang an phan ah rallam lam 2 in an i then ii Indaikun khua an kal.
Indaikun khua tual chung mi inn khat an kangh dih tlawmpal ah PDF – kalay nih an chiah mi bom in chun sml 1:10 hrawng ah an puak hna tiah theih asi. Bom puak nak chung ah SAC Ralkap a tlawm bik 15 leng an thi ii tam hliam an tuar. Hliam a tuar mi SAC Ralkap pawl cu mizaw phor motaw pahnih in an phor hna tiah theih a si.
SAC Ralkap pawl cu bom puaknak pawngkam ah minutes 10 hrawng duhpoh in an kah ii MyotHrawn lam ah zan an riak tiah theih asi.
Nizan bom puak nak hmun ah lam a kal mi tual chung mi pathum a ken tiah theih a si caah PDF – kalay phu nih kan ngaithiam uh tiah cathanh an chuah.
Pakukko Ah SAC Ralkap Nih An Zulh Mi Mawtaw Cu Bomb An Puah Hna I Ralbawi 2 Telh In 4 An Thi Magway ramthen,Pakukko peng ah SAC ralkap nih an zulh mi mawtaw cu bomb an puah hnawh hna i ralbawi 2 telh in 4 an thi i mawtaw 1 mei a kaang tiah Pakukko-PDF i tuanvo ngeitu pakhat nih a chim.
December 5 zinglei ah Pakukko peng, ကမ္မ-မြစ်ခြေ lam um ကျပ်ထိုး palik sakhaan pawng ah SAC ralkap le Pyu Saw Htee pawl nih an zulh mi cycle 6 le mawtaw 1 cu mipi vengtu phu nih bomb an puah hna i rawlbawi 2 telh in an zapi 4 an thi tiah theih a si.
Bomb an puah hnawh hna hnu ah SAC ralkap pawl cu mawtaw 1 chiah tak in an tli i cu mawtaw cu mei an khangh. ကမ္မ-မြစ်ခြေ lam pawng khua a cheukhat inn cu SAC ralkap nih mei an khangh hna tiah theih a si.
“SAC ralkap lei in ralbawi 2 telh in 4 an thi tiah theih a si.Zei reng an si ti cu a fiang in theih a si rih lo” tiah Pakukko-PDF i tuanvo ngeitu pakhat nih a chim. Cu kahdohnak cu Pakukko peng PDF,MCKCDF pawl i fonh in an doh mi a si tiah theih a si.
Nansan ah TNLA Le SAC Ralkap Kahdohnak A Fak, TNLA sakhaan umnak Nansan peng chung ah Vanlawng in an kah mi hna SAC ralkap le TNLA cu zanlei sml 8 tiang kahdohnak a fak tiah theih a si.
Kahdohnak chung ah SAC Ralkap lei nih Vanlawng le Nansan um SAC ralkap sakhaan zong in hriamngan in kah an bawm hna. “Kahdohnak cu a chuak peng.Hriamnam aww cu a thang.Kahdohnak hmun hi HuMan le RuPawng kar ah a si ” tiah TNLA ralbawi pakhat nih Shwe Phee Myay ah a chim.
SAC Ralkap nih an kah mi hriamngan pawl cu khua pawng ah a tla ii a puak tiah theih asi. TNLA Sakhaan umnak ah Helicopter 6 le minung thazaang zong tam in a chap hna hnu ah kahdohnak a chuak hi a si.(Crd.. Shwe Phee Myay)
Leave a Reply