Good News, Min Aung Hliang Cu Thailand Nih A Zohchia Ngaiin A Tuah!!

Thailand nih SAC ralkap raltuknak Vanlawng an ram chung a luh caah!
================================
Thailand nih SAC ralkap raltuknak Vanlawng an ram chung a luh caah F16 raltuknak Vanlawng 2 a thlah colh ve. Pur 30 ni ah SAC ralkap fighter jet cu Karen ram mizapi ralkap a va kah hna nak ah kii thei ti loin Thailand ram chung ah a va lut. Thailand mawtaw zong kuanfang nih a khen hna. Cu le cangka Royal Thai Air Force nih F-16 fighter jet 2 cu a thlah colh ve hna tiah theih a si.

India, Manipur ramkulh, Churchill Pur pengkomh, Churchill khua ah Manipur ramkulh nawlngeitu hna nih, inn khat hnu inn khat inn cheknak an tuah i, phungning loin a ummi Myanmar rammi 80 an tlaih hna, tiah tualchung media hna sin in theih a si. “Myanmar rammi 80 an tlaih hna. Cu chung ah ngakchia 20 leng an i tel. 2021 lioah India ram ah an zam i, hlawhfah in aa cawmmi an si. Rian an ṭuan lioah an tlaih hna,” tiah Myanmar rammi ṭhial kaamnak lei bawmchantu pakhat nih a chim.

June 28 ni thok in Churchill Pur peng khuate ah Manipur nawlngeitu hna nih, inn khat hnu inn khat lut in cheknak an tuah. Inn hnih ah phung ning loin a ummi Myanmar rammi 40 leng le Imphal khua ah ṭamhnak thilri a zuartu Myanmar rammi 40 an tlaih hna, tiah theih a si.

“Tlaih a tongmi tam deuh cu Mandaly le Monywa mi an si i, a ruang tampi ruang ah India ram ah an kal. Imphal thonginn ah bia an ceih piak hna lai i, an sualnak a thian in Myanmar ram ah an kir ṭhan lai. Imphal sihni hna nih hmailei an sining an chim chung ko nain zei an lawh lai hngalh a si rih lo,” tiah India-Myanmar ramri chawhleh chawhrawlnak lei rianṭuantu Pu GyaMa nih a chim.

Cu pinah Myanmar ram kong he pehtlai in Manipur ramkulh nawlngeitu hna nih, kum 1988 lio bantukin India-Myanmar ramri ah ralzam camp hunmi cu an cohlang lo, tiah theih a si.

Ayeyarwady ramtthen Ngayotkaung khuapi ah nizaan Pur 29 ni ah khan SAC ralkap thawng petu tiah mi nih theih mi Si lei thiamsang pakhat cu Maimawmh nih a seh nak in a nunnak liam tiah theih a si. Khua chung ah a um mi SAC ralkap thawng petu Pu Aye Kyaw timi pa hi SAC ralkap thawng a pek ruang ah an tlaih mi a thih hnu ni 15 nak ah Maimawmh seh nak in a thih ve hi a si tiah khuami nih an chim.

An khua pa pakhat kha PDF he an i pehtlai tiah SAC ralkap sin ah thawng a pek ruang ah cu pa cu an tlaih i an va thah colh. Amah ruang ah kiangkap khua te mi tam pi tlaih an tong fawn tiah an langhter. Kalaymyo khuapi Tahan sang ah Palik bawi pakhat cu tuchun Pur 30, zaanlei sml 1:30pm hrawng ah cycle chiti a rawn lio ah aho ti theih lo mi phu nih meithal in an rak kah tiah Zalen nih a ttial.

A lu bak ah vor ko in an kah caah a hmun ah a ril colh tiah theih a si. An kah mi palik bawi hi mi sawhsawh bantuk in ai thuam ziar i lukhuh ai khuh, Mask in a hmur ai huh tiah a langhter chap. Cun Tahan tthiamtthiam ah meithal thawng hmundang in a thang tiah theih a si. Palik bawi pa ruak hi zaanlei sml 2:30pm tiang ah aho hmanh nih a rak hlam lo tiah theih a si.

Nizaan CDF-Mindat le SAC ralkap kahdohnak ruangah buk a hlam ti lo mi CDF pasalttha 2 cu tuchun ah an ruak in kan char hna tiah CDF-Mindat nih an langhter. Pasalttha hna 2 hi nizaan kahdohnak ah khan SAC ralhrang nih an rak tlaih hna i fak taktak in hrem hna hnu ah an thah hna tiah an langhter chap.

Russia President Vladimir Putin nih NATO nih Sweden le Finland ram ah ral hrambunhnak a tuah ahcun kan lehrulh a hau te lai tiah a chim tiin tuzing ah Reuters nih a langhter. “Sweden le Finland he hin Ukraine he kan ngeih mi buainak bantuk kan ngei lo, NATO an peh duh ahcun va peh ko hna seh” tiah President Putin nih cun Soviet ram a rak si bal mi Turkmenistan hrauitu hna he bia an i ruah dih hnu ah a chim.

“Asinain an theih ding mi a um, cu hlan ah buainak le i tlerhkhonnak kan nei lo, asinain ral hrambunhnak pakhat khat an tuah ahcun kan lehrulh ko hna lai. Kan ramri ah a rak kan tlerh tu cu kan tlerh ve awk a si ko” tiah a chim chap. President Putin nih hin Turkey nih NATO peh kho lo ding in a nawlngeihnak a hman mi a lak tthan hnu in mah bantuk in bia a chim hi a si.

Ukraine ram Donbas ram a zalen khawh nakhnga ral kan tuknak ah kan tluang i kan ralkap pawl nih tthawng ngai in hmai an nor cuahmah. Cun kan i tinh ning tein thil a kal peng rih ko, cucu kan i hmuitinh mi cu a si rih ko tiah a chim chap.

Bago ramțhen , kyaukKyi peng ah SAC ralkap nih khuami hna cu an thah hna i an ruak tang ah bomb an chiah tiah KNU nih nihin June 30 ah cathanh an chuah.

SAC ralkap Khah- Mah- Yiah 439, Khah- Mah- Yiah 351, Khah – Lah- Yiah 60 hna le KNLA hna cu NgabwetInn ( ငဗျက်အင်း) le Inn Nat ( အင်းနက်) khua karlak ah June 25 ah an rak i kap i tualchung mi hna cu a himnak hmun ah an zaam. June 26 ah InnNat khuami 3 cu an hren mi an Naa pawl an thlah hna hnu ah khuachung ah an lut than tiah theih a si.

Cu hnu ah meithal thawng an theih i an zaam lio ah minung 2 cu an tlau i June 29 ah a tlaumi hna cu khuami hna nih an kawl țhan hna . InnNat khuami Saw Moe Tha( kum 40) i aruak cu pungki sianginn hmai ah hmuh a si . Khuami hna nih cu a ruak cu tha ten vui dingah an lak i cu a ruak tang ah cun SAC ralkap nih bomb lung 3 an chiahmi an hmuh. Cun a tlau ve mi minung pakhat tu cu a tu tiang ah an hmu rih lo.

Post Views: 11

Good News, Min Aung Hliang Cu Thailand Nih A Zohchia Ngaiin A Tuah!!

Be the first to comment

Leave a Reply Cancel reply