Min Aung Hliang Pathian Bantuk In Aa Bochan Mi Bogyi Nay Ye Niang Ukritha Kahdohnak Ah A Nunnak Liam!
=============================
Kayin ram, Myawady pengkulh, Ukritha kahdiohnak ah SAC ralhrang Khah-Mah Yah -556 in kahdohnak lei in a pakhatnak laaksawng a hmu mi Bokyi Nay Ye Htet a nunnak aliam tiah theih a si. Nay Ye Htet cu Thanintary ramthen, Myant pengkulh, kee raldo tatyin-Khah-Mah-Yah-556 in Ma Oo Pyin khuami a si nak kong, Ukritha kahdohnak ah a thinak kong le a ruak hmuh khawh a si lo nak kong cu theih a si.
Nay ye Htet cu Min Aung Hliang cu Pathian bantuk in a bochan mi a si ii social media ah NUG PDF pawl dohtu a si nak kong, an nu a si mi Chaw Nan Da le kum 2021 Novemvber ni 21 ah thitumnak an tuah nak kong le an i umm hnu thla 7 a rauh hnu ah a nunnak a liam hi a si tiah theih a si.
Relchap, Limhang Rumra He Akhat Mi le Mi Ropui Si Awk Ah Zeidah Tuah Aherh? Khamhnak hmuhco awk ah zeidah ka tuah lai timi Nikodemus nih Jesuh bia a hal mi kha kaa theih ṭhan. Nawlbia lak ah zeidah angan bik tiah Mirum tlangvalpa nih Bawipa Jesuh a hal mi bia roling zong kaa theih ṭhan ngai ve.
A sullam Tampi aum lai nain, Minung Pakhat i Limhang Timicu: Rian A Ṭuan caah Asi. Rian hi phun tampi aum caah zei bantuk rian a ṭuan mi hna dah Mi ropui an si kun lai? Mipi caah rian a ṭuan mi hi Mi Ropui an si tawn. Pumpak le Chungkhar, Sahlawh rualchan cingla caah rian ṭuan mi cu Mi Ropui cazin alut lo i Limhang a ngeih mi ah aa tel lo.
“Zei thil nan tuah paoh ah, minung caah siloin Bawipa caah ka ṭuan ti lungput ngei in, nan lungthin dihlak in ṭuan u.” Kolose 3:23. Limhang ngei na duh ve ahcun: Zei rian kan ṭuan poah ah CHINRAM le CHIN MIPHUN caah a ṭuan mi kan si a herh. Chinram le Chin Miphun Zalonnak caah rianṭuan mi Limhang, Ropui nak, Sunparnak le rumra cu tuak cio ko uh. Hi hi a fiang lo mi nih Miphun le ram caah rianṭuan an zuam lo i aa maa mi relcawk lo an si cang.
Khrih Bawipa caah rian kan ṭuan timi cu: Pathian minung hna asi mi kannih vialte caah ṭuan kha asi ko. Van mi caah rianṭuan asi ve lo. Miphun le ram caah rian kan ṭuan timi zong a dawt mi minung caah ṭuan kha asi caah Pathian fial mi asi, Pathian rian asi tiah kan ti khawh. Cu caah CHIN Miphun le Chin ram caah rianṭuan timi cu Vawlei rian asi lo. Pathian rian asi. Krifa rian asi. Missionary dik rian asi.
Cung lei in thlah mi le fial mi asi. Ṭuanlo khawh asi lo. Na ṭuan lo ka ṭuan lo ahcun: Chiatserh kan si sual lai. Federal cu Krifa le Bawipa mission full aa sehchih mi asi caah, Pathian mission ti khawh asi. Nunphung, Caholh, Biaknak phun thum hi Federal Suttung le Innkil lung asi. CHINMI BIAKNAK ti cu KRIFA tiah an in leh dih ko hna lai (Buddhist kan um ve ko nain). Cucaah cun dakaw, Pastorte / Siangbawi te zong Paucan Dohthlennak ah I tel ve ding in kan in sawm lengmang mi hna cu asi.
Krifa Upa / Nubu Upa tiang in Paucan Dohthlennak ah lungtak in I tel awk ah kan in sawm mi hna cu tham: Nanmah caah asi. Kanmah caah asi lo. Jesuh Kri le KRIFABU caah asiko. 1/10 zong kan pek uh, kan ti rih mi cu; KHRIH Missionary caah asi. Liberation Theology timi Luatnak caah cun; Krifa mi nih Hriamnam I tlaih adik mi asi. Justice zong asi. Na ral va daw ti cu Pumpak caah asi. Miphun pi caah na ral va daw ti aum lo. Nan ral vialte cu thah dih uh, Ṭhio dih uh, kan bawmh hna lai, kan tuk pi hna, TEINAK kan pek hna lai tiah Ralkapbu BAWIPI nih a ti. Ralkapbu Bawipa min in Ralhrang MAH kan doh hi Adik mi asi.
Rianṭuan timi cu: Huham le Ṭhawnnak lawng asi lo. Limhang asi. Dawhnak le Iang ngeih nak, Adik mi asi. Dinfelnak asi. Nun man ngeih zong asi. A lam kip in Ṭhanchonak zong asi. Rian vialte lakah cungnung bik mi cu: Miphun le ram caah rianṭuan hi asi. Na duh mi a tling lai lo nain na herh mi le kan herh mi vialte an hlawhtlin tawn caah. Herh mi a hlawhtlin dih te lai.
Ai va dawh dah Thawngṭha chimtu ke tiah Hlaphan thiampa nih ati. Pathian rian a ṭuan caah asi. CHINRAM le CHIN Miphun caah rianṭuan mi hna KE chin chin cu: Zeitluk in dah ai va dawh hnga tuak cio usih. Ke an ngeih ti lo tiang in an KE aa dawh. Miphun le ram caah an kutke an pek, an mit khua ahmuh ti lo nain, Annih an kutke cu Chin mi 500000 kansi. Annih EYEs cu CHIN Eyes 1000000 leng asi. Zeitindah mi sifah le mi nauta tiah kan ti khawh hna lai. Mirum ansi ko.
Miphun le ram caah Kutke ngeih ti hna hlah hmansehlaw, Annih kutke cu CHIN mi 500000 kan si lai caah, Kutke nuai 20 (2000000) aa ngeih mi ram dawtu hna ansi. Miphun le ram caah an mit pek hna hmansehlaw, annih khua hmuh nak cu CHIN mit asi lai caah EYEs ting 10 aa ngeih mi Phuntung tu an si ko lo maw. Chinram hlum mi cazin lawng in tuak asi. Chin Ramkulh pin lei ah le Vawlei kili a um mi CHIN mi hi Nuai 20 (ting 20) leng kan si lai ti cio asi.
Mifir le Damiah rianṭuan cio hmanh ah Aalawh lo. Robin Hook le Ngata Piah cu Mirum le SPH sin in an fir I mipi an cawn hna. MAH le Rallokap cu mipi sin in an fir i an sahlawh le chungkhar an cawm hna. Saram asiko mi Uico cio cio ah an I lawh lo, Abawipa nunnak chanh tu Uitum tampi an um. Tuanbia ah hmuh khawh an si. Ui fir le Ui chawkvak zong an um, MAH te, Pu Ngun San Aung te Dr. Andrew Ngun Cung Lian kan ti ko hna lai.
MAH uico kan ti tikah Uifim caah afak tuk ka ti tawn. Uico cu a bawipa le a chungkhar a hngalh hna. MAH le Rallokap cu cawn tu Mipi an kan hngalh lo, an kan thah, an kan tlaih, an kan hrem, mipi kha an kan ral. Uico nakin a niam deuh mi an si. Pathian Biak Inn an hrawk, an duah, Krifa mi an kan hrem I an kan ral, an kan that. Rianṭuan mi hna cu mipi nih Pathian bangin an biak tawn hna (Nuhrin covo zalen lo nak ahcun).
Rianṭuan mi saṭil a upat I a biak tu miphun zong an um. Izipt, Hindu miphun nih caw an biak, rianṭuan in cawmtu asi caah. Moses le Joshua cu Sinai tlang in an ṭum lonak ni 40 asi cang caah Israel mi nih Sim Ramcar ah Sui cawfa an biak. Izipt an um lio an biak mi an pathian asi caah asi. Kawl miphun zong hi caw a biak mi an si. An biak lo zong ah an upat I, cawsa an ei lo. Phungki Le Ṭi chan ah Caw upat hram hi biatak tein an thawk.
Caw thah lo ding le cawsa ei lo ding ah; kawlram pumpi a thanh hna. Caw upat nak Biazai tampi a ṭial. Hla tampi zong an phan. Le Ṭi Phungki pa Biazai ah, Caw aa dawh ning, limhang a ngei ning, Caw ha aa dawh bik ning, Minung kan siṭhat nak le Sipuazi caah asi nak, sullam ngeih bik mi asi nak, tbk vialte aa tel. Aruang cu rianṭuan mi asi caah asi. Caw thazang in nel kan thuan I kawlram pumpi kan Eidin ti kha langh ter duh mi asi. Le Ṭi Phungki pa lawng si ti loin cu chan ah Hlaphan minthang kip nih caw aa dawh ning, limhang le rumra a ngeih ning vialte kha hla an phuah. Tu chan ahcun Caw hla phan ti a um ve ti lo. Ahohmanh zong nih an phuah duh tilo. Achan cu sehthilri in nel kan thuan cang caah asi.
Chanthar chuak Thanthar fa le IT mino hna nih caw cu hla phuah hna hmanh sehlaw, Samthlairem te caw cu ai va dawh dah ti hrawng khi asi ko lai. Ka DL te cawtumpi cu a cak tuk ti hlei in hla phan ding Konglam aum ti lai lo. IT le sehthilri chan, Computer chan ah caw cu rian a ngeih tilo. Cucaah hlan lio aa dawh nak, a limhang le aropui nak vialte an tlau hihiar dih ko. Miphun le ram caah rian ṭuan lo mi vialte fim chimhtu si hram seh.
Mah le khap tawk tein, mah le pahrang cio in Miphun le ram caah ṭuan can asi. Ṭuan cuahmah lio zong asi. Naa zong caw bantuk asi ko, Hlan ahcun; Naa hla, Naa Biazai, tbk hi chan tampi a rak nguh ko. Vui (Sai) zong cu tho tho. A limhang zawr bik mi VUI (Sai) hi asi. Hlan ahcun Mi sawh sawh nakin, phun sang deuh ah ruah mi VUI asi. Raldohnak, Thing hnuk nak, tbk minung thazang nih a ti khawh bak lo mi vialte VUI nih a ṭuan dih. IT le Global chan ah vui hmunhma a tlau. A rian a tlau caah vui a tlau ve.
Rang: Bike (Saikel) le Motor (Leilawng) hna lam tlum loin an khalh len caah RANG caah hmunhma a tlau. A luan cia kum 70 (kum 100) hrawng ahcun: Rumra le limhang he aa khat mi rang an rak si. Rang Ralkap ti hna an um. Cu chan ah cun Lungvar rang (Yadana Horse) ti tiang in Paput langcawi mi RANGTUM an rak si. UK (Mirang) King le Queens Ralkap, American Cowboy rual le UK ram Rang ngeihtu hna kong cu phun dang siseh, Arfi le Thlapa cung tiang Missiles le Rocket in an kai lio ah, Leilawng, Tlanglawng, Tilawng, Vanlawng, tbk hman cawk lo kan ngeih cang caah Rang an tlau. Achan cu: rian angeih tilo, rian a ṭuan ti lo caah asi.
Uico: Nihin ah afak bik mi cu: Lamkam um Uirual le cu nun a hluan mi hna kan si. Hlan chan ah kir ta usih. Uico cu sakap pa I ramvai Hawikom asi. Dum a ngak, Inn a hngak, Zumhtlak asi, Titsa a ngei. A bawipa a kal tak ballo. Ram ṭhanchonak ah khuasa mi hna nih Special in an zuat mi Uico dah ti locun: adang uico vialte cu duh an nung lo I, zangfah tuk an si cang. Norway ah Uico pakhat caah Nikhat budget cu USD 5 asi.
Chin mi nakin Norway Uico a rum deuh. Norway cu Ngakchia 1st, Nu 2nd, Uico 3rd, Pa 4th ti asi rih. Kawlram ah Uico Rallokap thlahlawh cu Mangki thlahlawh nak in asang deuh ti asi ve. Rian ngeih ahcun; Rianṭuan ahcun: man a khung I, rian ngeih lo, rianṭuan lo ahcun: Zangfah kan si cang ti hmuhsak duh mi asi. Miphun caah Rian ngeih lo le Rian ṭuan lo cu: Hnawmtinphur dirhhmun kan si, Kut hnawhnak puanchia kan si.
Kan caah / Miphun le Ram caah ṭhathnem le santlai asilo mi / hlan lio asi nain atu ah asi ti lo mi cu: Minung kan si ah, Saram asi ah. Uico asi ah, aho kan asi ah: man a ngeih lo, hlan lio bang in limhang, rumra le sunparnak hmuh in; a ngeih ti lo. Uico le saram hi man an ngeih lo kan ti duhnak asilo. Animal Rights nih hnu a ka zulh sual lai caah.
Miphun le ram caah rian kan ṭuan cio ko lai nain, Nunnak le thisen thap in, Zeizong vialte kaltak in, Chin Ram le Chin Miphun caah rianṭuan tu CNF / CNA, CNO / CNDF le CDF hna cu Limhang le ropui nak in akhat mi ansi. Vawlei pennak lawng asilo, KRIH pennak zong tlunpi tu ding an si. Federal caa lawng ah asi lo, Krifabu le KHRIH caah asi chih, Mah tein khuakhan Lairelnak lawng a zalen lai lo, Gospel Thawngṭha a zalen lai I Krifa Missionary ram kauh nak zong asi. Political Missionary le Krifabu Missionary an si caah Limhang vialte cu anmah ta asi. Crd-Saya H. Rung Kaw
Leave a Reply