Phakant Khuapi Selzin Kahdohnak Thawngpang
======================
Phakant khuapi, Selzin leiin a cang mi kahdohnak ah SAC ralhrang lei nih nizaan chunlai suimilam 12:30 hrawng thakwin zaan lei suimilam pa 7:00 tiang raltuknak Jet vanlawngin le Helicopter hmang in bomb thlak kahdohnak a tuah tiah theih a si. KIA he aa neihniam mi nih an chim nak ah cun Jet vanlawng in voi 13, Helicopter in voi 6 bak SAC ralhrang nih bomb an thlak tiah an chim. Cu kahdohnak ah cun SAC ralhrang leiin Tatyinhmu hliam a tuiar i minung 50 nak tlawmlo kahthah an si tiah theih a si.
KIA le PDF phufonh in minung pa 4 nih hliam an tuar i minung 1 nih ram le miphun caah a nunnak a peek tiah theih a si. Kahdohnak chungah a thi mi kong he pehtlai in chim phuan mi a dang um ti lo. Phakant khuapi, Selzin kahdohnak hi July ni 16 in aa thawk cang tiah theih a si.
KNU Brigade 5 Sin Ah SAC Ralkap 2 Hriamnam Zuun 3 He CDM An Tuah, KNU Brigade 5 hmunhma chung ah ralhranh in umhmun a khuarmi SAC ralkap chungin ralkap 2 cu hriamnam he CDM an tuah tiah KNU Moetraw nih thanh.
SAC ralkap pakhat cu Regional command headquarters Loikaw kuttang Khah- Lah- Yah – 54 battalion in a si i hriamnam 2 he July 10 ah KNU sin in CDM a tuah tiah an langhter. A dang SAC ralkap pakhat cu Phapon hmunhma um Khah- Mah- Yah – 341 battalion in a si i Karen ramkulh in Karenni ramri um NatTaung SAC ralkap sakhan ah a um mi a si i July 6 ah hriamnam he a rak zam i KNU sin ah CDM a tuah tiah theih a si.
Kawlram Mi Pakhat Le Mizoram Mi Pakhat Sin In Rupee Sing 120 Leng Man Bing An Tlaih, India ram, Mizoram ramkulh, Aizawl khuapi lei a kal ding motor pakhat cu Khawzawl chek gate ah Mizoram palik nih nizan July 19 ah 252.64 Gram a ritmi Bing kan tlaih, tiah Mizoram palik phu nih cathanh an chuah. Bing a phortu hna cu Tamu peng Khampat, Michael Tawk Lian Mung(kum30) le Mizoram Zokhawthar khuami Lalchhandama(kum31) an si i, chek gate ah palik nih an tlaih hna.
KPDF Nih SAC Ralkap Tilawng An Kah, Hriamnam Cheukhat An Laak, Chindwin tiva thluan in facang phurmi SAC ralkap tilawng cu nizan July 19 chun hnu sml 1:00 hrawng ah KPDF nih an kah. Hriamnam cheukhat zong an lak tiah theih a si. Monywa peng Alung MinDaung tilawng dinhnak hmun in a chuakmi SAC ralkap tilawng 13 hrawng cu KPDF nih kan kah caah tilawng cu pakhat a rawk, tiah KPDF in ṭuanvo ngeitu Bo Hna Khan Hmuai(နှုတ်ခမ်းမွေး) nih a chim.
“SAC ralkap tilawng hna cu kutser hriamngan in kan kah hna caah tilawng cheukhat cu an pem i, ti a luh caah ti ah an vuanmi thilri hna cu kan laak. Ralkap a thimi zong an tam,” tiah a chimchap. Suimilam cheu chung hrawng an i kap i, SAC ralkap a thimi le aa hliammi zat cu fiang in an thei kho rih lo, tiah theih a si.
Hriamnam an chuhmi hna cu, 60mm bomb lung 2, ralkap sii-ai, min hngalh lomi Tank(Ṭengki pung)5, (76th Anniversary Fire-Services Department) min aa ṭialmi ruahkham angki zun 150 hrawng, Tatma 55 aa benhmi ralkap angki, ralkap kedan, riahcaw le a dang thilri hna kan tlaih, tiah KPDF nih July 19 ah cathanh an chuah.
Chindwin tiva ah a vuanmi SAC ralkap ruak pakhat cu nihin July 20 ah Yinmarpin peng ah an hmuh, tiah PDF nih social media ah an langhter. Sagaing ramṭhen, Kani peng Taze Chaung khua ah June 2 lioah SAC ralkap le PDF kahdohnak a rak chuak i, SAC ralkap 3 an rak thi.
KyaukHtu In Mindat Lei Ah SAC Ralkap Motor An Kai, Cacawnnak Thilri An Phorh, SAC ralkap motor hna cu nihin July 20 zinglei ah KyaukkHtu in Mindat lei ah an kai, tiah tualchung mi hna nih an chim. Kyauk tlang lamṭhen ah a ummi SAC ralkap nih meithal duh paoh in an kah pinah hriamngan zong an kah thluahmah, tiah tiah theiih a si.
Motor chungah KyaukHtu No.1 sianginn chungin caṭialnak cabuai le Whiteboard hna an hmuh. Cu ca cawnnak thilri hna cu SAC ralkap an fale cachimhnak ca ah an hman lai, tiah an zumh. SAC ralkap motor 105 cu Magway ramṭhen, Pakokko khua in Chin ramkulh Mindat-Matupi lei ah July 17 zing sml 9:00 hrawng in an chuak, tiah theih a si.
Chin National Front Nih Kahdohnak Cathanh An Chuah, Chin ramkulh chungah July 6 -16 tiang kahdohnak cu July 19 ah Chin National Front(CNF) nih cathanh an chuah. An cathanh chungah SAC ralkap le CNA, CDF-Matupi le CDF-Zotung hna cu July 7 ah Amlaik khua ah kan i kap i, SAC ralkap 2 nak tlawm lo an thi 6 hliamhma an tuar. July 6 ah SAC ralkap le CDF-Matupi kahdohnak voi hnih a chuak i, SAC ralkap 5 an th, tiah an langhter.
July 13 ah Hakha pengkomh palik camp le Hakha khua chung, SAC ralkap gate pawng ah CNA le ṭangṭi phu nih kan kahdoh hna i, ralkap tam ngai an thi kho. July 8-16 tiang Falam le Hakha karah ah SAC ralkap 200 hrawng, motor 27 cu CNA le ṭangṭi phu a simi CDF-Hakha, CDF-Thantlang,
CJDC le CNDF hna i bawm in kan kah hna caah ralkap a tlawm bik 60 an thi i, a tlawmbik 17 hliamhma an pu, miphun hriamtlai lei in ralkap 2 nih an nunnak an pek ve, tiah an langhter. SAC ralkap nih Valung khuami pakhat cu zohchia tuk in an thah pinah Ṭaal khua inn 29, Tlangzar khua inn 6 le Chuncung khua inn 15 an khangh, tiah CNF nih cathanh an chuah.
Pakokku Peng Ah SAC Ralkap Duty Post Pakhat Cu PDF phufonh Nih An Kah, Magwe ramṭhen Pakokku peng nichuahlei Bongkaan(ဘုန်းကန်) khua i SAC ralkap duty post cu nihin (July 19) ”Martyr’s Day”(အာဇာနည်နေ့) camtuak ah hriamngan in kan kah, tiah Southern YSO PDF ṭuanvo ngeitu sin in theih a si.
Tu zaanlei Sml 5 hrawng ah duty post cu luhhnawh in 40mm in voi 11 kan kah i, hriamhme le sniper zong in kan kah hna, kanmah lei in ralkap pakhat hliam a pu, tiah Southern YSO PDF in ṭuanvo ngeitu Bo Aung Maung(ဗိုလ်အောင်မောင်း) nih cun a chim.
Duty post ah cun SAC ralkap le pyosawti 25 fai an um i, kahdohnak ah a thi mi le hliam tuar mi zat cu fiang in theih a si rih lo. Atu tiang ah cun Pakokku siizung ah SAC ralkap 2 an thi, tiah theih a si. Cu kahdohnak ah cun Southern YSO PDF, Taanmanih Thinghngek (Myaing) (သံမဏိသိမ်းငှက်), Ranger (PKU) Young Force (UG) le RSO (PKU) hriamtlai phu hna an i bawm, tiah theih a si.
Leave a Reply