Good News; Kawlram mi kan caah thawngpangtha taktak theih than a si e!!

Thawngpang Tha Taktak Bak A Si; Malaysia Nih Myanmar SAC Ralhrang Cozah Fak Taktakin Dan Peek Dingah Timhlamhnak A Ngei+Thailand Cozah Nih Kawlram Mi Ralraam A Cohlannak Kong A Chim
==========================
ASEAN ramkhel vuanci pawl tonbiaruahnak an ngeih lio ah Kawlram SAC ralhrang cozah cungah a fak taktak mi dan peeknak tuah ding ah le thawl dingah le a phunphun phihkhamnak tuah dingah tiin Malaysia nih timhlamhnak a ngei tiah theih a si. Nai ah SAC ralhrang nih ramkhel thongtla hrithlai in thah an tonnak cungah Kawlram buainak cu phisin dingah aa zuam mi ASEAN phu hna nih fak tukin an doh ve hna.

ASEAN nih lungtlinhmi zulh phung hna cu tlamtlinter dingin taunvo laknak kum khat leng a rauh hnu ah zei pipa hmanh a chuak mi a um rih lo caah cu kong he pehtlai in tlam a tlin khawhnak caah tiin zungphulh (Mu-Vuang) pakhat cu ramkhel vuanci tonbiaruahnak ah Malaysia nih chuahpi ding a ngei tiah theih a si.

Myanmar ram buainak ah Sahrang dirkamhnak le tonbiaruah khawhnak mawl hal mi cu a luancia mi April thla ah ASEAN lungtlinhmi zulhphung hna cu Myanmar lei nih tlamtlinter khawhnak ah thanchonak pakhat hmanh a um lo caah ASEAN nih Kawlram cungah zumhlonak tampi an rak langhter.

A luancia mi ah Kawlram chungah ah a cang mi ramkhel minung pa 4 tuahto mi hna kong he pehtlai in ASEAN leiin an thin an phannak kong, an ngaih a chiahnak kong le ASEAN lungtlinhmi zulhphung cu tlamtling tein tuanvo laak khawh nak hnga ding caah tiin ASEAN ramkhel vaunci hna nih tonruahnak ah nawl an hal hna tiah theih a si.

Thailand Cozah Nih Kawlram Mi Ralraam A Cohlannak Kong A Chim, July ni 30 ah Thai-Myanmar ramri ah SAC ralhrang le Karen hraimtlai phu hna kar ah kahdohnak fak a chuak i, Cu kahdohnak hnu in a zaam mi Kawlram mi ralzaam kan cohlang hna tiah Thai cozah nih a chim. Hihi Thai ram Tak ram pawngah nihnih chung pehzulh in kahdohnak a chuah a si i SAC ralhrang hna nih Kayin ram ah a um mi hmunhma pakhat laak a duh caah ralram an si lio ah Kayin hriamtlai phu hna nih timhlamhnak ngeih cia in an kahdoh mi hna a si ti zongin a chim.

KNLA le PDF phufonh hna le ralram a sialmi hna karah kahdohnak ruangah kap hnih kahdohnak fak a chuak tiah kan theih. Tuan deuh zongah kahdohnak ruangah a rak zaam mi an um i a donghnak a chuak mi kahdohnak ruangah Tak state chungah a um mi Fofra Biakinn ah Kawlram mi ralraam minung 200 leng an i dor ti zongin an chim.

Kahdohnak cu pehzulhin fak piin a chuak than kho tiah Thai humhimtu hna nih an chim i, Hinak in dirhmun a zuar deuh ah cun Thai ram ah Kawlram mi ralzaam an tam deuh kho ti zongin an chim. July thla hramthawk hrawngah SAC ralhrang nih Karen ram ah raltuknak vanlawngin bomb a thlak hna hnu ah Thai ram ah ralzaam an tam, an karh caah mah thawngpanghi a len mi a si i Thai cozah nih Kawlram mi ralzaam a cohlannak hna hi a si ti zongin theih a si.

A zaam mi 100 hrawngah nu le hngakchia tam bik an i telnak kong, Tualchung mi an nunnak a liam i minung pa 3 hliam an tuarnak kong zong Thai cozah nih an chim. Cu kaa a pawngkawm ramri hrawngah kahdohnak hna a chuah peng ruangah Thai ralkap hna nih runvennak an chap i, Raltuknak vanlawng cu ramri lawnh ti lo dingin SAC ralhrang cu ralring an peek hna tiah theih a si.

Relcahp, Salingyi Peng SAC Ralkap Umnak Cu MRDA Nih An Kah I Ralkap 9 An Thi: Salingyi (ဆားလင်းကြီး) pengchung ah ummi SAC ralkap le Wampaung(ဝမ်ပေါင်) campany palik gate hngahnak hmun cu tualchung hriamtlai phufonh nih an kahdoh hna i cu kahdohnak ah cun SAC ralkap 9 an thi, tiah Bo Naga hruaimi Myanmar’s Royal Dragon Army (MRDA) nih nihin August 1 ah cathanh an chuah.

Kahdohnak cu July 29, zaanlei suimilam 3:00 hrawng ah a chuak i, Salingyi(ဆားလင်းကြီး) peng Pepinkan(ပေပင်ကန်) khua ah a ummi SAC ralkap hna cu tualchung hriamtlai phufonh nih hriamngan le hriamhme in an kah hna. Kahdohnak chung ah cun SAC ralkap 9 an thi, tiah MRDA nih cun an langhter.

Cu bantuk in July 30 zaanlei suimilam 5:14 hrawng ah MRDA le One Star Task Force phufonh nih Salingyi(ဆားလင်းကြီး) pengchung Pathein – Monywa lamkam ummi Wampaung(ဝမ်ပေါင်) campany palik gate hngahnak hmun cu 40 mm in an kah ṭhan hna caah palik bawi le palik 4 nih hliamhma an tuar, tiah theih a si.

Yaw Tualchung Hriamtlai Phu Nih Palik 3 An Tlaih Hna! Magwe ramṭhen, Gangaw palik sakhan in YDF hmunram chung ah ngaitthlainak tuah ding in July 31 ah a phanmi palik 3 cu kan tlaih hna, tiah Yaw tualchung hriamtlai phu YDF nih cathanh an chuah. YDF hmunram chung ah a lut mi palik nu Khine Za Kyi Lwin, Pa Phyo Tat Kyaw le a nau pa Ngyi Naing Win Htun cu YDF nih tlaih ding in an dum hna lio ah palik nu Khine Za Kyi cu cycle he a zaam caah an fimhlawm, tiah theih a si.

Mandalay Ah SAC Nih Mipi Ralkap Min Putter In Hriamtlai Phu An Ser, Hriam An Tlaihter Hna! Mandalay khuachung ah a luancia ni tlawmpal ahkhan SAC ralkap nih anmah lei ṭanhtu micheukhat cu hriam tlaihter in mizapi venghimtu phu min an putter hna, tiah theih a si.

SAC ralkap nih thawngthanhnak an tuah ning ah Maharaungmay (မဟာအောင်မြေ) peng GAD zung ah biaruahnak tuah in hriam an tlaihter hna i, Seinpan (စိန်ပန်း) sang mizapi runvennak rian ṭuan ding in meithal tawi 10 le kuan 70 cio an pek hna, tiah an thanh.
Sagaing ramṭhen le Magwe ramṭhen ah SAC ralkap nih pyi-tuh-sit phu dirh in Mandalay khuachung le hmun dangdang tiang cawlcanghnak an tuah, tiah theih a si.

Karenni Ramkulh Ah Kan Hnu July Thla Chung Ah Kahdohnak Voi 48 A Chuak! Karenni ramkulh ah a luancia July thlakhat chung ahkhan kahdohnak voi 48 a chuak i, cu kahdohnak chung ah cun SAC ralkap 88 an thi, tiah KNDF nih nihin August 1 ah cathanh an chuah.

SAC ralkap nih July thla chung ah van lei kahdohnak voi 21 an tuah i, hriamngan kahnak ruangah tualchung mi 2 nunnak a liam, inn pakhat cu mei in an khangh, tiah an thanhmi ah an langhter. July thlachung a chuakmi kahdohnak ah Karenni hriamtlai phufonh nih meithal 21 an lak, tiah theih a si.

KNDF ralkap lei in Demoso peng, Dawkhami (ဒေါခမီး) kahdohnak ah ralkap pakhat a nunnak a liam ve, tiah an cathanh chuahmi ah cun an langhter. Phyu Peng Siangsangrun Cachimtu Nu Cu Kum 11 Thong Tla Ding In Biaceihtu Nih Biakhiahnak An Tuahpiak: Bago ramṭhen, Phyu (ဖြူး) peng siangsangrun cachimtu Daw Win Lay Phyo Oo cu Taungoo(တောင်ငူ) thong inn biaceih zung nih kum 11 thong thlak ding in biakhiahnak an tuahpiak.

Daw Win Lay Phyo Oo cu nikum September 18 ahkhan Phyu (ဖြူး) khuachung i a nu le pa inn ah SAC ralkap nih an rak tlaih i, phungrelnak cang 50(J) in taza an rak cuai. July 21, 2022 ah Taungoo thonginn biaceih zung nih Daw Win Lay Phyo Oo cu kum 11 thong thlak ding in biakhiahnak an tuahpiak. Daw Win Lay Phyo Oo cu siangsangrun no.2, Kangyutkun(ကညွတ်ကွင်း) ah cachimtu pakhat a si.

Phyu Peng Siangsangrun Cachimtu Nu Cu Kum 11 Thong Tla Ding In Biaceihtu Nih Biakhiahnak An Tuahpiak, Bago ramṭhen, Phyu (ဖြူး) peng siangsangrun cachimtu Daw Win Lay Phyo Oo cu Taungoo(တောင်ငူ) thong inn biaceih zung nih kum 11 thong thlak ding in biakhiahnak an tuahpiak.

Daw Win Lay Phyo Oo cu nikum September 18 ahkhan Phyu (ဖြူး) khuachung i a nu le pa inn ah SAC ralkap nih an rak tlaih i, phungrelnak cang 50(J) in taza an rak cuai. July 21, 2022 ah Taungoo thonginn biaceih zung nih Daw Win Lay Phyo Oo cu kum 11 thong thlak ding in biakhiahnak an tuahpiak. Daw Win Lay Phyo Oo cu siangsangrun no.2, Kangyutkun(ကညွတ်ကွင်း) ah cachimtu pakhat a si.

Panglong Peng Wamkung Khuami 31 Cu SSPP Nih An Tlaih Hna! Shan ramkulh Panglong(ပင်လုံ) peng Nawnglai (နောင်လိုင်) khuakomh, Wamkung(ဝမ်ကုန်း) khuami 31 cu Shan State Progress Party(SSPP) nih nihin August 1, zinglei suimilam 5:00 hrawng ah khuachung ah lut in an tlaih hna tiah, Panglong(ပင်လုံ) khua lei ah a zaam mi hna nih an chim.

“Nihin zinglei in SSPP pawl cu khuachung ah lut in khuami an tlaih hna i, khuachung ah um ngam lo in an zaam hna caah atu hi khuachung ah minung an um ti lo, a himnak hmun ah an zaam cio hna,” tiah Panglong (ပင်လုံ) khua lei ah a zaam mi Wamkung (ဝမ်ကုန်း) khuami pakhat nih a chim.

Wamkung(ဝမ်ကုန်း) khuami 31 hna cu SSPP nih an motor in an kalpi hna caah SSPP headquarter umnak hmun ah an kalpi hna lai, tiah Wamkung khuami nih cun an chim. Tlaih a tongmi hna cu zaanlei tiang ah an thawngpang theih a si rih lo. SAC Ralkap Nih July Thlachung I Sualnak Ngei Lomi An Thahnawnnak Kong Ah NUG Nih Cathanh An Chuah!: SAC ralkap kuttang um battalion 77 ralkap le phyosawhti 100 hrawng nih pale (ပုလဲ) peng i khuami minung 29 an rak thah hna nak kong cu NUG nih cathanh a chuah. Sagaing ramthen, pale (ပုလဲ) peng thlanglei i minung 29 thah an tonnak ahhin kum 15 nu pakhat zong ai tel.

“Kan ram a dai ko” tiah vawleipi theih ah a chim lengmangtu SAC ralkap pawl nih Myanmar ram laifang i Sagaing ramkulh ah dongcat loin mithah lainawnnak an tuah rih ko, ti in NUG cozah Ministry of Human Right lutlai U Awng Myo nih a chim. A luancia July 10 zinglei suimilam 9 lio zong ahkhan nu pathum hna nih cun SAC ralkap pawl cu khua ah an um ti lo tiah ruat in inn an va hlam i, sinain meithal puah thawng an theih ṭhan caah thinpang ngai in zunput chung ah an lut i culio ah cun SAC ralkap nih zunput chung ah luhhnawh in an thah hna, tiah an cathanh ah cun an langhter.

Cupinah SAC ralkap pawl nih cun khuami hna inn chung ah thilri an hmuh mi poh cu an i laak i, Innzuat saṭil-arva hna zong an thah hna. A luancia July thlachung ahkhan Sagaing ramthen chung ummi khuami zeimawzat cu SAC ralkap nih an thah hna nak kong an langhter i, khuate lei ah mithah lainawnnak cu an tuah thiamthiam rih ko, ti in NUG Cozah Ministry of Human Rights nih cathanh a chuah.

Tharsi ah LPDF Sakhan Cu SAC ralkap Nih An Luhhnawh I, Sakhan Chung Kahdohnak Ah SAC ralkap 12 An Thi! Mandalay ramṭhen Tharsi (သာစည်) peng Myatkhain (မျက်ခါးအင်း) khua pawng i Black Brother, LPDF SINTGAING le Future Star PDF nih hriamthil an sernak sakhan cu SAC ralkap nih an luhhnawh caah kahdohnak a chuak. Cu kahdohnak ah cun SAC ralkap 12 hrawng an thi i, cu sakhan cu kan kaltak, tiah LPDF in chimphuannak nawlngeitu Joeka nih Media ah a chim.

SAC ralkap nih LPDF sakhan cu a luancia July 25 le July 29 ahkhan luhhnawh in an rak kahdoh hna. Kaphnih kahdohnak cu a fah deuh caah SAC ralkap nih thazaang an chap i tualchung hriamtlai phufonh lei cu hnu an tolh, tiah theih a si. LPDF sakhan an luhhnawh hnu ah SAC ralkap hna cu Kyaukpachoh(ကျောက်ပချုပ်) khua le Myatpain(မျက်ပါးအင်း) lei ah kal in khuami inn 4 cu meikhangh in an hrawhpiak hna, tiah theih a si.

SAC Ralkap Nih Uknak An Laak Hnu In Karenni Hmunram Kahdohnak Ah SAC Ralkap 1500 Hrawng An Thi!: SAC ralkap nih uknak an laak hnu in Karenni hmunram chung kahdohnak ah SAC ralkap 1500 hrawng an thi cang, tiah Progressive Karenni People Force (PKPF) nih cathanh an chuah. SAC ralkap nih uknak an laak February 1, 2021 in July 31, 2022 tiang Karenni ramkulh chung ah a cangmi kahdohnak, ramkhel lei le nuhrin covo phungbuarnak kong he pehtlai in SAC ralkap tuahsernak cazin cu khawmhsuat in PKPF nih nihin August 1 ah cathanh an chuah.

Karenni hmunram ah 2021, May thla 20 in kahdohnak a chuak i, kumkhat le cheu chung ah kahdohnak voi 390 leng a chuak, tiah an langhter. Cu kahdohnak chung ah cun SAC ralkap 1451 an thi i, SAC ralkap vanlawng 54 a rawk, tiah an langhter. Tualchung hriamtlai phu lei in minung 147 nunnak a liam, tiah an langhter chih.

SAC ralkap nih van lei kahdohnak voi 157 tiang an tuah, tiah PKPF cathanh ah cun a lang i, mizapi hmuitinh in van lei kahdohnak le hriamngan thlakhnawh in kahdohnak an tuah caah mi sawhsawh (civil mi) 255 nunnak a liam cang. Kahdohnak ruangah le SAC ralkap hriamngan kahnak ruangah tualchung mipi a sing reng lo cu ralzaam dirhmun an phan. Ralzaam dirhmun a phan mi hna chung in minung 38 cu an zaamnak hmun ah an nunnak a liam, tiah theih a si.

SAC ralkap nih hriamngan an kahnak ruangah le khuachung innlo an khanghnak ruangah biaknak lei inn 23 le inn 1,100 leng a kaang cang. Tlaihkhih a tongmi zong minung 260 an um, tiah PKPF nih cun ah an langhter chih.

Mandalay Ramṭhen, Yelaykyun Kahdohnak Ah SAC Ralkap 5 An Thi: Mandalay ramṭhen, Mataya(မတ္တရာ) peng Yelaykyun(ရေလယ်ကျွန်း) khua ah umhmun a khuarmi SAC ralkap hna cu July 31, zinglei suimilam 11:00 hrawng ah tualchung hriamtlai phufonh hna nih drone in an kahdoh hna caah SAC ralkap 5 hrawng an thi, tiah BLACK WOLF – PDF nih an thanh.

SAC ralkap hna cu Mataya(မတ်တရာ) pah-kah-phah, Wetlet peng dohthlennak tuahtu phu, Shwebo pengkomh no.18 battalion, Shwebo battalion 5, ṭaṭ-khuai 1 le BLACK WOLF – PDF phufonh nih an kahdoh hna. Kaphnih kahdohnak minutes 20 hrawng a rauh hnu ah SAC ralkap 5 an thi, tiah theih a si.

Be the first to comment

Leave a Reply

Your email address will not be published.


*