Good News; Kan Laipa nih tuanbia thar an kan tial piak!!

Fury FC Flyweight Champion Joshua Van!!
===================
US ram Taxas ramkulh hrambunh MMA Organisation pakhat Fury Fighting Championchip ah Josh “The Fearless” Van cu Flyweight champion thar a si. Joshua hi Chin mi chung in Professional MMA champion hmasa bik a si.

Fury Flyweight sui taisawm cu hmuhton tampi a ngei cang mi Mclean ti mi pa le Joshua nih an i cuh i, round 5 aa celh ding an si nain Joshua nih round hnihnak dongh hlan deuh ah submission(rear neck choke) in Joshua nih a tei.

Joshua hi kum note a si nain Pro MMA ah vawi 7 teinak a hmu cang. Vawleicung MMA Organisation ngam bik UFC luh khawh cu a chunmang ngan bik a si. Fury Champion a si cang caah a luh khawh nak lai ruahchannak a um ii UFC ah a luh khawh cang lai tiah theih a si.

Tedim Khuapi Pawng Ah SAC,ZRA Țangti le Chin Ralkap PDF Zoland, CDM Siyin An I Kap, Chinram, Tedim khuapi pawng Siizang khua ah December 16 ah khan SAC le ZRA an i bawm i Chin ralkap PDF Zoland,CDM Siyin hna he an kap tiah theih asi.

Kahdohnak cu Suimilam 2 chung hrawng a rau i kahdoh lio ah tualchungmi hna cu a himnak ah an zaam, Siizang khua hi Tedim- Kalay lampi ah a ummi si i Tedim he mengkhat lawng ai hlat.

December 15 ahkhan Tedim khuapi hrambunh SAC Khah-Lah-Yah-269 in SAC ralkap 40 hrawng le ZRA 10 nih Siizang khua Sianginn ah umhmun an rak khuar i Chin ralkap PDF Zoland le CDM Siyin nih an kal hnawh hna i an i kap, SAC le ZRA thi le hliam an tam caah an umnak chuahtak in hnu an tolh.

CDF-Zophei Nih Hriamngan Phun 2 An Serchuah, Chinland Defense Force -Zophei (CDF-Zophei) nih CBCUSA CDF Supporting Committee bawmhnak thawng in hriamngan phun 2 an serchuah cang tiah theih asi.

”CBCUSA CDF Supporting Committee bawmhnak thawng in, CDF-Zophei nih Chanthar fiamthiamnak hmang in; Hriamnam ngan, phunhnih (Zun-12) hrawng Serchuah khawh a si cang.

Ruahnak leng tiang hmanh in a ṭha i, a hmannak le a rianṭuannak zongah santlaihnak le ṭhahnemnak tampi a ngei lai tiah kan zumh” tiah Zophei Information Center nih an Facebook cahmai ah an langhter. Crd-TCP

France player chungin number 10, K. MBAPPE nih 2022 World Cup Golden Boot Award cu a co. Kum 2022, Worldcup Golden Ball Award cu Messi nih a Co.

Congratulations Messi!Half time tiang ah Argentina nih Goal 2 an tei hna nain Goal thlen hnu ah France nih an cham ṭhan hna. An i tluk ca ah 30mins caan pek in an chuih ṭhan i goal khat veve in an i tluk ṭhan hnu ah penalty (4-2) in Argentina nih an tei hna.

2022 World Cup Laksawng An Phawt Ning, FIFA World Cup 2022 cu Argentina nih an thlir i, Vawleicung ah pumpululh chuih thiam bik an si. Tutan Qatar World Cup, 2022 ah laksawng an phawtzamh ning cu a tanglei bantuk in a si. Group stage tiang phan mi – $ 9 millions cio.

Round of 16 – $ 13 millions cio. Quarterfinals – $ 17 millions cio. Semifinals – $ 25 millions cio. Pathumnak – $ 27 millions . Pahnihnak – $ 30 millions. Pakhatnak – $ 42 millions.

Tutan 2022 World Cup ah pumpak thiamhlei laksawng a cotu hna cu :-1. Best Young Player – Enzo Fernandez (Argentina), 2. Best Player – Leonel Messi (Argentina), 3. Best Goalkeeper – Emiliano Martinez (Argentina), 4. Top Scorer – Kylian Mbappe (France).

Pakokku Check Gate PDF Nih An Doh SAC Ralhrang Pathum An Thi , Maguei ramthen,Pakokku khuapi um SAC check gate pakhat cu tukdoh an si i,ralhrang pathum thi in hriamthil fimtawl a si nak Earthquake People’s Defence Force nih an thanh.

Nihin chunhnu Sml 1 hnu ah Pakokku- Myaing khuapi kalnak lampi Chauhkan khua pawng Yawngmasun petrol (dat-si) dawr hmai um SAC check gate cu Earthquake People’s Defence Force nih an tukdohhna hi a si.

Tukdohnak ngeih lio ah gate chung ah hin ralhrang pa(4) an um i, pa(3) hmunril in an thi,pa(1) hliam a si. SAC ta a si mi MA3 zun khat / G3 kuan (500) / G3 kuan bawm (2) / Motor (1) phaisa MMK -300000 le thil dangdang hna zong fimtawl a si nak theih a si.

Matupi-Paletwa Ramri Um SAC Ralkap Sakhan Cu CDF Nih An Kah Caah SAC Ralkap 2 An Thi, Chin ramkulh, Paletwa peng le Matupi peng ramri um Bawili SAC ralkap sakhan cu December 16 zinglei ah kan va kah i SAC ralkap 2 an thi, tiah CDF Paletwa nih cathanh an chuah.

SAC ralkap sakhan cu nawlngeihnak an lak hlan piin a rak um cangmi a si i, nawlngeihnak an lak hnu in thazaang tam ngai an chap. Cu sakhan cu Matupi le Paletwa karah a ummi a si i, a luancia ni 5 hrawng ahkhan kan rak kah bal.

Kanmah lei in ralkap pakhat a nunnak a rak liam. Cun December 16 ah kan va kah ṭhan, tiah CDF Paletwa in ṭuanvo ngeitu pakhat nih a chim.

SAC ralkap nih hriamngan in an kan kah ko nain kanmah lei a thimi le aa hliammi kan um lo. Hriamngan an kah tuk caah Bawili khua le Twesaw khuami hna cu a himnak hmun ah an zam, tiah CDF Paletwa nih cathanh an chuah.

Thawngpang Fonh!! Russia ram ah raltuk lei in min a thang ngaimi Brigade pakhat in ralkap hna cu Ukaraine ralram ah tamtuk an thi cang, tiah theih a si.

Russia ram nitlak chaklei ah NATO chungtel si ding in aa zuammi Filand ram le ramri kam ah umhmun a khuarmi No.200 Moter Rifle Brigade in ralkap hna cu, an dihlak in an thi dih ngawt cang. Sersiam ṭhan dingah kum tam tuk a rau ding a si, tiah theih a si.

Cuka hmun a ummi No. 200 Brigade in Russia ralkap hna cu Putin nih Ukraine a tuk hlan ah ralhriam ṭha ṭha in training a tuahmi an si i, Russia nih Ukraine a tuk hnu in tam tuk an thih cang caah an hriamnam zong an zam tak cang, tiah Washington Post nih a langhter.

Washington Post nih a langhter ning ah Khakiv hmunram ah a ummi Russia ralkap hna cu Ukraine ralkap nih a za za in an thah hna i an thih dih ngawt cang caah reserve ralkap an auh cang hna, tiah theih a si.

President Vladimir Putin nih, a luancia September thla ah an duh na loin a auhmi reserve ralkap chungin ralkap pakhat nih No.200 Brigade pi cu a rawk tuk cang, tiah Washington Post ah a chim.

No.200 Brigade in ralkap hna lawng si loin VDV tiah auhmi Russia thiamhlei Parachute ralkap hna zong tam tuk an thi cang, tiah theih a si.

Russia nih Ukraine a tuk hnu thla 10 hrawng a rauh hnuah a ralkap a thimi zat cu a langhter ti lo nain British runvennak zung nih, Putin a ralkap a thimi le aa hliammi hna hi sing 1 leng an phan cang lai, tiah an ruah damh.

Kalay-Yangon vanlawng ticket man cu December 15 ni thawk in kyats 10,000 a kai, tiah vanlawng ticket a zuartu Agency hna sinin theih a si.

A hlan ah Kalay-Yangon vanlawng ticket man cu tlap khat ah kyats 214,000, KBZ 205,000 a rak si i, December 15 in vanlawng in tlap khat ah 230,000, KBZ 219,000 tiang a kai, tiah theih a si.

Kalaymyo vanlawng bual cu an remh lio a si caah December 16 in 19 tiang vanlawng in khualtlawn khawh a si lai lo. Vanlawng ticket man a kai ko nain Christmas le kumthar thla a si caah Charter flight in khualtlawn khawh a si, tiah theih a si.

January 6 ca tiang in vanlawng ticket a cawtu an um i vanlawng ṭhutdan ah mi an khat cang. December 27 in Kalay-Yangon in Kalay-Mandalay ah Air Thanlwin vanlawng a zuang te lai, tiah theih a si

Ta-Aung hmunram,Namhsam peng chung kahdohnak chung i ralhrang nih an hman mi vanlawng cu SAC nih Moemyiak Vawnlawng kirawn hmunthing ah thumh in andinh ter i TNLA nih ankah ruang i airawk mi pakhat cu Ti-puan in an khuah tiah theih a si.

Moemyiak tualchung mi pakhat nih cun ” Kanhnu Namhsam kahdihnak chung i SAC nih an hman mi vanlawng cu an ra chiah i hriamhme khennak in airawk dih tipuan in an khuh” tiah a chim.

“Namhsam kahdohnak chung ah hi vanlawng tual hlun hin ralhrang thazaang chap nak le hriamthil chanh nak an ngeih hna leng ah eidin an chanh hna i Vanlawng in hrianngan ankah zong ah khan hihmun hin an zuan kan hmuh hna.Athi mi hna lak ah hihmun chung mi a nihfa a nih Pa tiah an chim kan theihpah len hna na in azat bel kan fiang rih lo ” tiah a chimchap.

Yuangan PDF ralkap a si mi Nu(2) le Pa (9) andih lak ah minung (11) cu SAC nih Dec- 13 ni ah khan Aungpan myo-ne ah luhhnawh in an tlaih hna tiah theih a si.

Cu pin ah Yuangan peng chung Nuabankyi khua tlaklei ramtang hna zong ah dalan nih an phuan hna ruang ah ralhrang thazaang (50) hrawng nih luhhnawh in an kawl hna i dolet tu phu nih thawng an theih manh caah an thilri hna cu ngoltak in an zam manh tiah theih a si.

SAC nih an tlaih mi hna mipi ralkap hna hi ralhrang nih zeiban tuk dirhmun ah dah an dirter hna ti bel theih a si rih lo. Nizan December 15 chun ah Chin ramkulh Tidim khuapi i SAC khah-lah-yah(269) chungtel ralhrang -40 rual cu Sezang khua ah kee lam in an lut i fimcawnnak siang inn ah um hmunkhuar in an riak.

Nihin December 16 zing Sml11:50 am hrawng ah PDF Zoland le CDM Siyin ai bawmmi nih kalhnawh in Sml 2:00 chung kahdoh an si i ralhrang lei thihliam zeimaw zat an um canvo chia ngai in Sezang khua cu an tlolh tak .Mipi rungveng tu phu lei pakhat hliamfak tuk lo a tuar tiah ZFU/PDF Zoland nih an thanh nak theih a si.

Karinni ram,Demosoe peng Sanpiah Mengtung(6) le Bettaline khuate lei i ralser mi SAC he tukdohnak neih a si i ralhrang (30) hrawng hliam an si nak KNDF nih ni hin ah an thanh. December -13 ni ah khan KNDF-B09 nih voi thum bak an rak doh hna cu a si.

SAC lei cu an fah caah Bettaline khua le Wamhlathua khua chung hna ah lut in meikhangh nak an tuah leng ah ralhrang hman mi hriamngan cu Dawsay khua ah lung-3 tla in a puak i,tualchung mi pakhat a nunnak a liam tiah theih a si.

Tu dirhmun ah SAC hna nih Bettaline le Wamhlathua khua hna ah hrambunh in umhmun an i khuarh hna caah KNDF-B09 he tu le tu kahdohnak hmetuai a umpahlen nak kong KNDF nih an thanh.

Chin ramkulh, Hakha peng, Khuahlun sang ah December 11 ni zaan Sml 8:00 hrawng ah kahsohnak a chuak i Khuahlun sang tanglei lam i mipi inn pakhat cu meikhangh piak antuar tiah teih a si.

”Kahdohnak cu minute pakhat chung lawng a rau Inn pakhat a kang ih zei ruangah a kangh ti cu theih a si lo. Kan nih zong leng ah kan chuak ngam lo. Khuachung Rungtlang i i um mi SAC ralkap 266 batallion in miakpi ankah thawng zong kan theih” tiah tualchung mi pakhat nih cun a chim.

Cu kahdohnak ah SAC rlahrang pakhat a thi tiah an chim na in biafiang theih a si rih lo. Inn pakhat a kang mi kong he pehtlai in SAC ralhrang nih tinh mi ngei in an khanghmi a si tiah theih a si i, inn ngeitu chungkhar hna cu umnak nei lo in an um tiah Chin Human Rights Organization (CHRO) nih cun an thanh.

Be the first to comment

Leave a Reply

Your email address will not be published.


*