Hakha Kiangkap Kahdohank Thawmgpang Update
======================
August 5 zingka te ah minute 20 chung an i kap i, SAC ralkap pawl cu an umnak hmun in an chuah ngam lo caah tualchung hriamtlai lei nih an kah hna. SAC ralkap pakhat te a rak chuak i sniper in an kah caah a thi. August 6 ah an i kap ṭhan nain minmei a zaam tuk caah a thimi theih khawh a si lo.
Aug 7 zinglei Sml 7:00am ah SAC ralkap nih tualchung hriamtlai pawl cu an nam ṭhan hna nain an nam kho hna lo. Sml 10:00am ah an nam ṭhan hna i caan tlawmpal an i kap, cu kahdohnk ah SAC ralkap 1 a thi. A thi mi dang zong a um len kho. Rungtlang in hriamngan voi 15 hrawng an kah bawmh hna caah tualchung hriamtlai lei cu leng chuak lo in sniper in an kan kah hna i SAC ralkap 2 an thi chap.
August 8 zinglei 7:00 ah SAC ralkap nih hriamngan 79mm le 60mm in an kah hna. Zanlei Sml 4:46pm hrawngah tualchung hriamtlai nih an hnu in an umnak hmun cu an luhhnawh nain an rak um ti lo, an thi le an hnai lawngte an hmuh, ruah sur tuk caah hnu an tolh ṭhan.
August 9 cu ruah a sur ngai caah kahdohnak ngaingai a um lo. Tualchung ralkap lei nih 60 mm in an kah hna nain khua a chiat tuk caah a thimi le aa hliammi fiang in an thei lo. August 10 i Hakha khuachung kahdohnak ah SAC ralkap 3 an thi. Timit lei ah SAC ralkap nih riahcaw an phorh i Timit kuangchung um saṭil hna cu an thah hna. Hakha-Gangaw lam meng 4 nak kahdohnak ah SAC ralkap 3 an thi.
August 11 kahdohnak SAC ralkap 10 thi, tualchung ralkap nih an kah thluahmah hna i SAC ralkap pawl nih an umnak cu an zaamtak. An zamtak mi Iphone 1, phaisa sing 10 hrang le powerbank cu tualchung ralkap nih an char. August 12 sml 10:00 ah Timit ah helicopter a rak phan i SAC ralkap pawl hriamnam a chanh hna tiah theih a si.
Hriamngan in kan kah hna i a thimi cu an um nain a zat a fiang lo. August 13, Sml 10 : 20 am in 11:45 am tiang an i kap ṭhan. Timit lei ah a ummi SAC ralkap hi 60 an si i atu ah cun 40 an taang. MA2, 79 kuan 2, bomb 2, kutcheh bomb 2 le thil dangdang an lak khawh, an ruak an i hnuhnak nehnang zong hmuh khawh a si. Zan 10:00 hrawng ah Jet vanlawng a rak phan ṭhan, kahdohnak hmunhma hrawng a zoh i si ṭheo lai kahnak taktak cu a um lo tiah theih a si.
August 14,2022, CNA le CDF Halkha nih bomb 5 an hmanhmi ah bomb pathum cu 8am ah a puak. Ralhrang an fak ko lai tiah ruah asi i, ruah a surtuk ruangah hmuh khawh le va hlat kho asi lo. Tuhi ralhraang pakul hna cu, i kahnak hmun in Timit lei an zuang. ထောက်ပို့ an tuah mi maw an si hnga ti a fiang rih lo. Bawipa thawng in kan ralkap an him dih.
August ni 15, Tuhi Timit lei in bom a puak cuahmah lio, kan ralkap nih teinak hmu hna sehlaw, tlawmpal ah Thawngtha kan thanh te hna lai khah.Nihin Timit lei kahdohnak ah ralhrang pariat hmunril, hliammi zat aa fiang rih lo, hramhhring funghreu kan ralkap nih an khiahmi hna.
Nihin August, 15 zinglei ah Hakha-Thantlang kar Timit pawng ah SAC ralkap le tualchung ralkap kar kahdohnak a chuak, tiah theih a si. Cu kahdohnak ah cun SAC ralkap 15 hrawng an thi lai, tiah zumh a si i, hriamthil zeimawzat cu Chin ralkap nih an lak khawh, tiah theih a si.
Timit pawng kahdohnak ah cun SAC ralkap machine gun pakhat telh in mortar bomb lung 2 le meithal pakhat cu Chin ralkap phufonh nih an lak khawh, tiah theih a si. Timit kahdohnak ah cun tualchung hriamtlai phufonh CNA, CDF-Zophei, CDF Hakha, CDF Thantlang, CDF Lautu le CJDC phufonh hna an i bawm, tiah theih a si.
Relchap, Kalaymyo Ah Datsi Gallon Khat Ks.20,000 A Phan, Mah Duhzat Cawk Khawh A Si Lo! Nihin August 15 ah, Kalaymyo khuapi datsi man cu gallon khat ah Ks. 20,000 a phan cang, lamkam datsi zuarnak dawr ah cun cycle pakhat nih gallon khat nak tam cawk a ngah lo, tiah theih a si.
Kalaymyo khuachung um mi datsi cawtu pakhat nih, “Lamkam ah datsi zuartu hna nih gallon khat ah Ks. 18,000 in Ks.20,000 ah an kaih, cu hmanh cu cycle pakhat ah gallon khat leng cawk an kan sianh lo, cu hlan ah cun datsi litre khat ah Ks.1000 in kan cawk nain, atu ah cun litre khat ah Ks. 5000 a si cang. Dawr ngan deuh cu chun hnu in an khar, lamkam dawr pawl tu ah cun tlawm tete in cawk khawh rih a si,” tiah a chim.
Datsi laknak a har leng ah lampi ah caan saupi a rauh tawn caah Kalaymyo khuapi datsi dawr ngan deuh zong chunnitlak zuar ding an ngei hna lo, tiah theih a si. Datsi dawr ngan ngeitu pakhat nih cun, “Datsi kan zuarmi hi chunnitlak zuar ding a um lo, chun suimilam 12:00 tiang hrawng lawng kan zuar. Kawl lei zong ah cu hlan bantuk in datsi kan duhzat kan caw kho lo,” tiah a chim.
Kalaymyo ah hin August 12 zing lei tiang ahkhan datsi gallon khat ah Ks. 12,000 a si i, zaanlei ah cun ks.14,000 ah a kai. Chin ramkulh, Hakha khuapi zong ah datsi gallon khat ah Ks.15,000 a phan i, caan rau lo ah datsi a dih kho dirhmun a phan, tiah theih a si.
Hakha Ah Datsi Gallon Khat Ks. 15,000 A Phan! August 20 Hlan Ah Hakha Ah Datsi A Dih Kho Men! Chin ramkulh, Hakha Khuapi ah datsi 92 thawl khat(1 liter) ah kyats 4000 a phan i, gallon khat ah Ks. 15,000 a phan. Tank(ṭengki) pakhat ah Ks. 750,000 a phan i, Datsi 95 cu thawl khat ah 5,000 tiang a kai.
Hakha datsi a zuarmi pakhat nih, “August 13 tiang ah khan datsi 92 gallon khat ah Ks. 13,000 a si nain, nihin August 15 ah gallon Ks. 15,000 a phan cang. A luancia zarh ah Tank pakhat ah Ks. 600,000 a si i, atu cu Ks. 750,000 a phan cang,” tiah The Chin Post ah a chim.
Nihin August 15 thawk in tuzarh chung ah datsi a dih kho men, kawl lei in a rak phanh ti lo ahcun Hakha ah datsi a dih cang lai i, zuar awk zong a um ti lai lo. Atu a taangmi hi nihin ahcun a dih cang lai, tiah a chim chap.
Cheu khat dawr ahcun minung pakhat nih tampi cawk an duh ti lo, cycle pakhat ah aa tlum zat lawng an rawn piak hna. Kawl lei in datsi a rak phanh ti lo caah a har ngai cang, tiah a chim. Kawl lei ah cun datsi cawk ding in mi tampi an i tlar lulh cio. Cheukhat khua ah cun datsi nih a dihtak hna caah an cycle cu a nam in an nam, tiah theih a si.
Relchih; KNU Le SAC Ralkap Kahdohnak Ah Palik Bawi Pakhat Le SAC 10 Hrawng an Thi I, Hriamthil Zeimawzat An Lak, Nihin August 15 zinglei, Karen ramkulh, Kawkareik(ကော့ကရိတ်) khuachung kahdohnak ah SAC palik bawi pakhat tel in SAC ralkap 12 an thi i, minung pahnih cu an nung in an tlaih hna. AK meithal pakhat le meithal dang 5 zong kan lak khawh, tiah KNU nih cathanh an chuah. “Minung pahnih cu an nung in kan tlaih hna i, cu chung ah pakhat cu law officer a si, pakhat cu zung rianṭuanmi a si,” tiah an langhter.
Nihin August 15, zinglei suimilam 10:30 hrawng ah Kawkareik(ကော့ကရိတ်) khuachung palik sakhan cu KNU nih an luhhnawh hna i, kaphnih kar kahdohnak minutes 15 hrawng a chuak. Cu hnu ah Kawkareik(ကော့ကရိတ်) SAC ralkap umnak 97 hmun lei nih khua pawnghrawng cu hriamngan in an kah. SAC ralkap 100 leng nih rallam sial in, khualeng ah hmunhma an lak, tiah tualchung mi nih an chim. Yaw PDF Hriam Chiahnak Hmun A Kaang! Sing 300 Man Leng An Sung!: Yaw tualchung hriamtlai phu (YPDF) nih hriamthil an chiahnak hmun cu July 31 ahkhan a kaang i, Ks. sing 300 leng man kan sung, tiah nihin August 15 ah YPDF nih cathanh an chuah.
Hriamthil sernak ah hmanmi zen cu a linh tuk ruang ah mei kanghnak a chuak i, cu mei kanghnak ruang ah hriamtlai phu lei hliamhma tuar mi cu an um lo, tiah an langhter. Mei kanghnak a chuah ruangah phaisa fang in Ks. sing 40 leng, cycle, laptop, dynamo, zen phun tampi le zeidang thilri, Ks. sing 300 leng man kan sung, tiah an langhter.
Mizapi nih bawmhnak nan pekmi le nan hlutmi phaisa hna cu a lak in kan sungh caah mizapi nan cung ah ngaihthiamnak kan in nawl hna. Hmailei ah hi bantuk sunghnak a chuahsual ti nakhnga lo ralring tein kan ṭuan cang lai, tiah YPDF nih an langhter. An sunghmi thilri cawk ṭhan nakding ah mizapi bawmhchanh halnak zong an tuah.
Yaw PDF Hriam Chiahnak Hmun A Kaang! Sing 300 Man Leng An Sung! Yaw tualchung hriamtlai phu (YPDF) nih hriamthil an chiahnak hmun cu July 31 ahkhan a kaang i, Ks. sing 300 leng man kan sung, tiah nihin August 15 ah YPDF nih cathanh an chuah.
Hriamthil sernak ah hmanmi zen cu a linh tuk ruang ah mei kanghnak a chuak i, cu mei kanghnak ruang ah hriamtlai phu lei hliamhma tuar mi cu an um lo, tiah an langhter. Mei kanghnak a chuah ruangah phaisa fang in Ks. sing 40 leng, cycle, laptop, dynamo, zen phun tampi le zeidang thilri, Ks. sing 300 leng man kan sung, tiah an langhter.
Mizapi nih bawmhnak nan pekmi le nan hlutmi phaisa hna cu a lak in kan sungh caah mizapi nan cung ah ngaihthiamnak kan in nawl hna. Hmailei ah hi bantuk sunghnak a chuahsual ti nakhnga lo ralring tein kan ṭuan cang lai, tiah YPDF nih an langhter. An sunghmi thilri cawk ṭhan nakding ah mizapi bawmhchanh halnak zong an tuah.
Yinpaungtaing Khua Ah SAC Ralkap An Chuah Hnu In Miruak 50 Hmuh A Si Cang! Sagaing ramṭhen, Yinmabin(ယင်းမပင်) peng, Yinpaungtaing khua ah umhmun a khuarmi SAC ralkap hna cu nizaan August 14 ah Yinpaungtaing in an chuak i, an chuah hnu ah ngakchia le nu telhin miruak 50 leng kan hmuh, tiah Yinmabin tualchung hriamtlai phu (YPDF) nih an thanh.
Miruak hna cu motor pakhat chung lawng ah 30 leeng kan hmuh. Ruak cheukhat cu mei in an khangh hna caah kan hmu kho ti lo. Ngakchia tampi zong mei in an khangh hna i, cheukhat ruak cu hliamhma he kan hmuh hna, tiah YPDF chungtel pakhat nih a chim. A thimi hna chung ah cheukhat cu ral a zaammi an si hna i, Pale-PDF, Yinmabin-PDF in sibawi ralkap zong an i tel hna, tiah a chim chap.
Tinpaungtaing lei zong ah khuami nu 24 cu SAC ralkap nih an tlaih hna i, ralphaw ah an hman hna, tiah theih a si. Nizaan August 14 ah SAC ralkap hna cu Yinpaungtaing in an chuak i, Yuanaung khua lei ah an kal.
A luancia August 11 in Yinpaungtaing khua ah umhmun an khuar hnu in, SAC ralkap nih khuami an tlaihmi hna lak ah minung 100 cu kan chanh khawh hna i, atu hi si-inn ah kan thlopbul lio hna a si, tiah a chim chap. Yinpaungtaing khua kahdohnak ahhin SAC lei a thimi zong an tam i, hliamtuar zong an tam caah vanlei kahdohnak an tuah, tiah theih a si.
Atu hi Yinpaungtaing khua pawng hrawng in khuami 2000 hrawng cu a himnak hmun ah an zaam hna. Yinpaungtaing khua in a thimi zat cu hlathlainak kan tuah cuahmah lio a si, atu tiang kan hlat khawh tawk ah ruak 50 hrawng kan hmuh cang, tiah Yinmabin PDF nih an thanh.
Leave a Reply