Good News!! Hruhhrang Ngaiin Khuasa Mi SAC Ralhrang Ralhrang Rual Cu!!

Mon Ramah Mipi Ral Minung Pa 5 Thah An Tong!
===========================
Mon ram, Ye pengkulh, Asin Sanpiah khua i hlei ah Security a ciah mi SAC ralhrang minung pa 5 hna cu June thla ni 27 zaan lei ah thah an tong ii an i tlaih mi meithal zong a tlau tiah Asin Sanpiah khua chimnak in theih a si. ” A thi mi minung pa 6 hna cu khua i a um mi mipi ral an si.

Khua luhnak hleiah Security a ciah lio ah cycle pa 3 in minung pa 6 an rak ra an kah hna. An meithal zuun 4 zong an i kal pi.” tiah tualchung mi pakhat nih a chim. Ye Pengkulh police zung he aa neihniam mi pakhat nih a chim nak ah cun, ” Mipi ral a si mi U Than Htay, U Myint Soe, U Min Min , U Tin Oo le U Ko Ko minung pa 5 an thi ii an hriamnam meithal zuun 4 zong a tlau” tiah a chim.

SAC Ralkap Nih Thaton Peng Ah Thazaang An Chap Caah Khua 10 Leng In Mipi An Zaam Hna!: Mon ramkulh, Thaton(သထုံ) peng ah SAC ralkap nih thazaang chap in rallam an sial caah khua 10 leng in mipi an zaam hna, tiah tualchung mi sin in theih a si. Rallam a sialtu SAC ralkap cu khah-mah-yiah(ခမရ) No.9 phufonh an si i, KNU he June 25 zaanlei ah khan an i kap. Kahdohnak a dih in SAC ralkap nih Weyaw(ဝီယော်) khuakomh, Thongbulay(ထုံးဘိုလေး) khua an khangh colh tiah tualchung PDF in rianngeitu pakhat nih a chim.

“Khuachung ah ralkap an um ruangah luh khawh a si rih lo. Inn zeizat a kangh zong theih khawh a si lo,” tiah a chimchap. SAC ralkap nih inn an khangh pinah khuami cheukhat an tlaih mi hna cu an thah hna i, nu 2 cu an tlaihhrem hna, tiah tualchung PDF nih an langhter. Rallam a sialtu SAC ralkap nih hriamngan in voi tampi an kah caah tualchung mi hna cu a himnak hmun ah an zaam hna, tiah theih a si.

Ral a zaam mi khua hna cu Thonbulay, Htohkawgyo(ထို့ကော်ကြိုး), Thonbugyi (ထုံးဘိုကြီး) , Kyauktaung, Sawehpho(စောအဲ့ဖိုး), Kawhlaing(ကောလှိုင်), Winphung(ဝင်းဖုန်း), Inntaw(အင်းတော), Matchiah(မတ်ချ) Sesung(ဆီစုံ), Naungkatok(နောင်ကတုတ်), Shwegyi(ရွှေကျီ) khua mi hna an si, tiah theih a si. Thonbulay khua pawng ah kahdohnak a chuak lo nain nizan zinglei Sml 9 hrawng ah No. 9/44 (bridage 9, batallion 44) in, mawtaw 4 in ralkap 100 leng an hun chap caah ralzaam hi an karhnak a si.

Hriamthil He Mizapi Lei A Ṭang Mi CDM Ralkap 18 Cu NUG Nih Phaisa An Pek Hna! Mizapi lei ah a ṭang mi CDM ralbawi Major pakhat, Captain pakhat le Commander pakhat tel in CDM ralkap 18 cu lawmhpinak ah phaisa Kyats sing 344 pek an si, tiah NUG cozah Ministry of Defense nih a thanh. CDM tuahtu ralkap 18 hna nih cun CDM tuahnak ah hriamthil; meithal, zenkuan le ṭangkham pawl an i ken caah phaisa Kyats sing 344 pek an sinak hi a si.

Hriamthil he mipi sin ah a ṭang mi ralkap hna cu phung ning tein kan dirhkamh hna lai i, laksawng zong pek an si lai, tiah NUG cozah Ministry of Defense nih a thanh. Mizapi lei ah a ṭang mi SAC ralkap le palek cu atutiangah 10,000 leng an um cang tiah NUG nih a thanh.

US Ah Thilphor Motor An Hlonhmi Chungah Refugee 46 Ruak Hmuh A Si!: US ramchung Texas State chung San Antonio ah, thilphor motor pakhat an hlonhmi chung ah refugee an si lai tiah ruahmi minung 46 cu an ruak in hmuh an si, tiah cozah nawlngeitu nih an chim. Cuka motor chung ummi ngakchia 4 telh in minung 16 hna cu siizung ah an kalpi hna, tiah meithat phu in ṭuanvo ngeitu nih a chim. A nung in an hmuhmi hna cu boruak a linsat tuk ruangah thawpit ngai in an um hna, tiah a chim chap.

US le Mexico ramri in meng 150 hlatnak San Antonio khuapi cu phungning loin an luhchuahnak hmun a si tiah media nih an langhter i, phungning loin ramdang ah mithlah hmangtu agent hna lampi pakhat a si, tiah theih a si. Phungning loin ramdang ah mithlahtu agent hna nih US ramchung ah a thlithup in minung an luhpi hna tikah thilphor motor an hman tawn, tiah theih a si. A thimi lakah hin chungkhar ning in nunnak a liammi zong an um. Khuasaktintuk a fawi deohnak hmun kawl in an vahvaihnak ah mi tampi thihnak an tong, tiah San Antonio khuapi nawlngeitu(Mayor) Ron Nirenberg nih a chim. Crd:TCP

TAMU MYO IN KALAY LEI KIR MI RALHRANG MAWTAW CU PDF-TAMU NIH AN KAH I UICO 20 THI, Tamu myo lei bawm ding i kal mi Uico ralhrang rual cu Kalay an kir lei ah Khua Hmun Nuam khua kam an phanh lai te ah PDF tamu tatzin 3 nih an rak kap hna i a hmun ah uico ralhrang 20 an thi tiah theih asi. Khaw Hmun Nuam khua kam ရန်လင်းဖိုင် timi khua lei i a khal mi uico pawl nih anduhduh in meithal an kap ruang ah mipi lei in mipakhat 1 hliam a tuar tiah theih asi.

USA AH ACCIDENT TIHNUNG A CHUAK MI 46 AN THI, Southwest side , San Antonio, Texas ah tractor trailer accident ah mi 46 an thi. Mi 16 hospital ah tlikpi colh an si. Police report ning ahcun hi truck trailer chungah hin illegal migrants 100 nak tam an cuang tiah theih a si. Tractor driver pa zong human smuggling case pek colh a si.

Ukraine nunau pawl cu Russia ih an siimnak rak dotu an ralkap pawl bomnak hrangah Fundraising danglam zet an tuah. Lawngfangkheh rori in an zukaw ih an thlazuk cu an zuar hai. An lawngfangkheh zuk an zuar ih an ngahmi hi Pound 500000 lenglo an ngah zo ih an ngahmi sumpai cu ralkap pawl bomnak ah an hmang, tiah Unilad thuthang cun a tarlang. Anastasiya Kuchmenko timi cu ‘TerOnlyFans’ timi project pakhat a tuah ih an ram ralkap pawl bom thei dan a pol. Cutin Ukraine fala pawl a sawmkhawm ih lawngfangkheh in an zukaw hai.

An zuk (photo) cu an zuar ciamco ih an zumnak hnakin an hlawhtling zet, tiah Unilad thuthang in a ngan. Kum 23 mi Nastsassia Nasko timi cun lawngfangkheh ih a zukmi a Instagram ah a post ih minute 5 tluk a rei ah cakuat 10 a dong man, tiah amah in a rel. Anih cun a rualnu Ansatasiya Kuchmenko ih sawmnak vekin TerOnlyFans-Ter timi an din ih an ram humhimnak hrangah an cangvaih thu a rel. Social media ah kum tling zo pawl lawngih zoh theihmi OnlyFans timi zuknung borhbah suah theunak thawn an hmin a bangaw ruangah soiseltu khal an um.

Asinan TerOnlyFans le OnlyFans hin pehtlaihawknak zianghman an neih lo thu an simfiang. “Kannih hi hlawhhlang kan si lo. Kan ram buainak ruangah kan ralkap pawl bom duhnak pakhat lawngih thiltuah kan si,” tiah Nasko cun a simfiang. Hi cangvaihnak hi 2022 February 24 ah Putin ih Russia ralkap pawl cun Ukraine ram an siim hnu lawngih ummi a si. (Ihburlen)

Post Views: 54

Good News!! Hruhhrang Ngaiin Khuasa Mi SAC Ralhrang Ralhrang Rual Cu!!

Be the first to comment

Leave a Reply Cancel reply