Good News CNA le CDF Nih Ralhrang 4 An Thah Hna Lengah Hriamnam Tam An Lak Khawh

CNA le CDF Nih Ralhrang 4 An Thah Hna Lengah Hriamnam Tam An Lak Khawh, November 5 Zing suimilam 9:30 am hrawngah CDF-Zotung le CNA nih ralhrang riahbuk cu hriamnam he an nam tiah theih asi. Hi hmun hi Matupi Peng Rezua ralhrang ruahbuk asi.

Suimilam cheu tluk kahdoh nak acan hnu ah ralhrang lei in 4 an thi. Cu lawng siloin an hriamnam zong a tam ngai an chuh hna tiah theih asi. Kan mah Chin CNA ralkap le CDF Zotung lei aa hliammi an um lo tiah CNA biachim nak nawl ngeitu Salai Htet Ni nih achim. Source:-Chindwin News Agency

North Okkalapa ah siang cachim sayamah pakhat meithal kahnak in a thi Yangon, North Okkalapa peng Tuhdam lamcung ah nihin November 5, zinglei suimilam 8:30 hrawngah siang cachim sayamah pakhat meithal kah a ton caah a nunnak a liam tiah theih a si.

Nunnak a liammi siang cachim sayamah Daw Hlah Hlah Tan cu a umnak inn North Okkalapa peng in Dagon Myotit peng high school no.2 ah texi in an kal lio North Okkalapa peng Tuhdama lamcung traffic light aa ton i motor an dir lio ah meithal kah a ton hi a si,

kuan hliamhma hmunthum a tuar hnu ah North Okkalapa sii-inn ah an kalpi tiah theih a si. Sii-inn phanhpi a si hnu cawngh hramhlio ah a hliamhma a fah caah a nunnak a liam tiah theih a si. Ralhrang phu hna nih a luancia November 1 thok in Myanmar ram chung pengkulh 46 chim lo a dang

Ramthen le ramkulh dihlak ah sianginn onnak an thok than cang. Cheukhat nu le pa nih cun ramkhel ruang le Covid zawtnak ruangah thinphang a si an ti caah siangngakchia nule pa cheukhat nih an fa le cu sianginn kaiter lo in an um terhna. BBC