Germany Ah Covid-19 Vaccince La Cang Mi 4,17,000 Hrawng An Um Cang

Robert Koch Institute (RKI) nih cun nikum December ni 27 in mi 4,17,000 hrawng nih Germany ah covid-19 vaccince an lak cang tiah a van langter.

Mah Covid-19 vaccince la mi hna ah hin health care worker mi 2,01,000 hrawng an um i, an mah pin ah hin nursing home mi 1,68,000 hrawng an um chih.

Germany cozah nih vaccine la hmasa dingin a ti mi ah hin kum lei ah upa deuh cang mi kum 80 cung lei le nurse hna hi an si.

Germany health minister Jens Spadn nih cun, dam lo nak a ngei cia mi hna le ngandamnak lei ah harsatnak a tong mi hna pin ah kum lei ah upa deuh mi hna cu covid-19 vaccince hi pek hmasat an si lai tiah a chim.

Health minister Jen Spadn langhter ningah cun Pfizer-BioNTech vaccince cu Germany nih a cohlan cang tiah a chim.

Germany ah hin covid-19 zawtnak ngei mi 18,69,306 hrawng an um cang i, minung 14,74,000 cu an zohkhen dam cang i, mah zawtnak ruangah a thi mi hi 39,258 an um fawn.

Be the first to comment

Leave a Reply

Your email address will not be published.


*