Gangaw ah ralhrang motor bomb in puah an si ralhrang phu minung 15 an thi Magway ramthen Gangaw lei ah ra mi ralhrang motor hna cu bomb nih a puah caah ralhrang phu lei in minung 15 an thi tiah Gangaw mipi vengtu Gangaw-PDF nih cathanh an chuah.
Nihin chunhnu suimilam 1:30 hrawngah Hnankha khua ah zaan riak in Kalay lei in Gangaw lei ah a kal mi ralhrang motor pahnih cu Hnankha khua le Muaihlay khua kar ah mipi lei tang tu hna nih bomb in an doh hna tiah theih a si.
Mi ruak le hliamtuar mi hna phor ding in suimilam 1 hrawng rau in an tawlrel lio ah, inn hman mi motor hna nih pawngkam hel in runvennak an tuah cu ka hmun pawng thlam panga zong meikhangh in hrawh a si nak kong zong cathanh ah an langhter chih.
August 23, ni zong ah Kalay-Gangaw lampi cungah ralhrang phu hna motor cu Gangaw-PDF nih bomb hmanh in an puah caah ralhrang phu lei in minung 30 an thi.
The Chin Post
Leave a Reply