G7 Meeting ah Britain cozah nih Myanmar mipi caah thil tha tuk mi tuah a timh

May 4, tuni ah Britain ram London khuapi ah G7 ram hna meeting cu thok a si cang. Hi meeting hi ni hnih chung tuah a si lai. Thaizing an peh rih lai.

Tutan meeting ah inntek a simi Britain nih hramhram in nawlngeihnak a latu ralkap (State Administrative Council) he aa pehtlaimi riantuannak vialte dantatnak le phihkharnak tuah cio dingah a chuahpi lai tiah theih a si.

SAC sinah hriamnam zuarhnak phih ding le Myanmar mipi hna bawmhnak pek dingin Britain ramleng vuanci Dominic Raab nih biatung a chuahpi lai.

Tutan G7 Meeting ah Myanmar buainak lawng si poin Syria, Taluk, Russia, Afghanistan kong zong an ceih lai.

G7 ram hna cu US, Canada, Britain, France, Germany, Italy le Japan hna an si. Tutan G7 Meetingah Australia, India, South Korea, Brunei le South Africa ram hna zong an i tel tiah theih a si.

The Chin Post

Be the first to comment

Leave a Reply

Your email address will not be published.


*