France Nih Sweden Le Finland Biakamnak A Peek Hna!!!

NATO phung chungtel si dingah aa zuam cuah mah mi, Sweden le Finland ram hnih hna cu Russia nih a tlerhkhawn hna lio ah, Finland le Sweden ram hna cu raltuk nak lei zong in, ramkhel lei zongin kan bomh hna lai tiah France nih biakam a peek hna tiah theih a si.

Europe ram i, uknak nawl ngeih nak ah tlerhkhawn kahdoh ti bantuk  , Europe ram he hmunkhat ah tangti i dirti mi cu thenthek phun in tuah aa timh mi cu zeibantuk ram a si ah kan mah lei nih kan kham lai tiah France nih a chim.

Kan mah he hmunkhat ah a tangti Sweden le Finland le France karah kahdohnak le ramkhel riantuanti nak kong cu hinak in kan rengh deuh lai i, Hmunhin nak lei zong in hinak in hmalaak nak kan ngei lai tiah France nih a chim.

Relchap, Magwe ramṭhen, Yesakyo peng nili chung kahdohnak ah SAC ralkap a tlawmbik 4 an thi i, meithal zun 3 kan laak, tiah MG6 Guerrilla Battalion 5 nih cathanh an chuah. Yesagyo peng Yelaycun hmunram ah rallam a sialmi SAC ralkap 100 hrawng cu, May 10 in 14 tiang MG6 Guerrilla phu le tualchung PDF nih an kah hna. MG6 nih sniper in an kah hna caah SAC ralkap 3 an thi, hmaitonh in an i kah caah a thimi an tam, tiah theih a si.

SAC ralkap G3 meithal zun 1, 94 meithal zun 2, palik thilthuam tuah khat, equipment tuah khat, 94 meithal kuan bawm 7, 9mm meithal kuan 5, G3 meithal kuan 23, kutcheh cheh bomb lung 1 le adang thilri hna an laak, tiah theih a si. Cu bantuk ṭhiam in Tanintharyi peng Tingwe(သိန္ဓော) khuakomh Banpih khua ah May 18 zing sml 5:00 hrawng ah kahdohnak a chuak i SAC ralkap 5 an thi, tiah theih a si.

Myintkyina Le Bamaw University Ah A Kaimi 1000 Leng An Si, SAC ralkap nih an on mi Kachin ramkulh, Myintkyina University ah a kai mi siangngakchia an um. A kai mi siangngakchia hi minung 500 hrawng an si,” tiah Myintkyina Student`s Union in ṭuanvo ngeitu pakhat nih a chim.Myintkyina University cu SAC ralkap kuttang rianṭuan University saya/sayamah hna nih, May 12 ah an on tiah theih a si. Bamaw University zong May 12 ah an on i a kai mi siangngakchia hi 700 hrawng an si, tiah theih a si.

SAC Ralkap Camp Cu KNLA Ṭangṭi Phu Hna Nih An Laak, Karen ramkulh, Myawaddy peng thlanglei Thailand-Myanmar ramri kam ah a ummi SAC ralkap Tebawbu an camp cu, May 17 zan in KNLA ṭangṭi phu hna nih an kah caah May 18 zanlei ah an lak khawh. SAC ralkap a tlawm bik 10 an thi i a nung in 4 an tlaih hna. Hriamnam le zenkuan zong KNLA nih an chuh hna, tiah theih a si. KNLA nih camp an lak lioah SAC ralkap Jet Fighter 2, Helicopter 2 le CH 3 Drone 1in voi 20 hrawng an kah hna. Camp laak khawh lo dingin an runven ko nain a thimi an tam caah an camp cu an zam taak.

Cu kahdohnak ah KNLA ṭangṭi phu lei in 1 a nunnak liam . Kaphnih a thimi cazin le hriamnam an chuhmi hna cu KNLA nih thanhnak an tuah te lai, tiah theih a si. KNLA၊ KNDO၊ PDF ṭangṭi phu nih SAC ralkap camp an laakmi cu Myawaddy-Laykekaw-Phalu-Tebawbu–Walaymyaing motor lampi kam ah a ummi a si. Tebawbu camp cu SAC ralkap nih 1990 kum lioah an rak laak. Kum 32 a rauh hnuah KNLA le ṭangṭi phu hna nih an laak khawh ṭhan.