France Embassy Nih SAC Ralhrang A Nawl
Tlaihchih phihkhum a tong mi U Win Myint le Daw Aung San Su Kyi telin thonhtla vial te thlah paik dih tthan ding in Myanmar kongkau riantuantu France Embassy nih SAC ralhrang a nawl tiah theih a si.
Myanmar ram chungah tlaih khih a tong mi mi thong tampi mipi pawl cu zawnruahnak he tuni April ni 21 ah France Embassy nih Blue Shirt colcangnak tuanvo lakti a si lai i President U Win Myint le Daw Aung San Su Kyi le National League for Democracy phu hruaitu pawl tel in ramkhel ruangah tlaihkhih a tong mi thongtla vialte a ran khawh chungin thlak piak dih tthan dingah SAC ralhrang sinah a nawl tiah tiah theih a si.
Kamakalu Khua Pawng Tiva Ah SAC ralkap Motor A Tla , 3 An Thi I Hliamtuar An Tam, Yangon ramtthen, Khayan(ခရမ်း) peng, Kamakalu (ကမာကလူ) khuapawng Kyauk(ကျောက်) tiva chungah nihin April 21, zinglei suimilam 5:00 hrawngah SAC ralkap mawtaw pakhat a tla i SAC ralkap 3 an thi tiah Khayan (ခရမ်း) peng tualchung mi nih an chim.
Tiva chungah a tlami SAC ralkap motor chungah cun, a tlawmbik minung 10 an i cit lai, hliamhma tuarmi, kut kiak le ke kiak zong an um tiah mithmutu tualchung mi nih The Irrawaddy thawngzamh sin ah an chim.
Khayan (ခရမ်း) pengchung ummi pakhat nih cun ” a tlawmbik minung 3 an thi, zei tin tiva ah an motor a tlakning theih a si lo, minung 3 an thi tiah Khayan (ခရမ်း) siizung in siibawi pakhat nih a chim, hliam tuarmi hna cu Khayan (ခရမ်း) ah an umrih ko, tiva chungah a tlami motor le SAC ralkap hna cu nihin zinglei suimilam 9:00 hrawngah khan an rak lak cang hna” tiah a chim.
Cun nihin April 21, zinglei suimilam 8:00 hrawng Khayan (ခရမ်း) ah pension thlahawh chuahding in a kalmi Takawgan(တကောကန်) khuami SAC ralkap sin thawngpetu Thant Zin cu Khayan (ခရမ်း) peng Tapyuitgan(သပြုကန်) khua lai ah kahthah a tong tiah tualchung mi nih an chim.
Leave a Reply