Kani PDF Nih Ralhrang Minung 25 An Thah Hna I Mipi Minung Pa 3 An thi I Pa 10 Nih Hliam An Tuar
===========
Sagaing ramkhen, Kani khuapi um Wun Ma Naa paleck sakhan le Wun Ma Naa (Ah Thah Kah) sianginn ah ralhrang ralkap hna cu mipi hmunhimtu phun fonh hna nih,
An kahdoh hna caah ralhrang ralkap lei in minung 25 an thah nak hna kong cu Kani mipi hmunhimtu phua nih tuni February ni 5 ah cathanh a chuah,
Niaan zaan lei suimilam 10 le cheu in kahdohnak cu a chuak i mah kahdohnak ah cu mipi hmunhimtu lei minung pa 3 an nunnak aliam i minung 10 nih hlaim an tuar.
” Sah Khah Yah Khah a um mi Wun Ma Naa poleck sakhan cu an hrawh piak hna i Sah Khah Yah Khah Mungh Hin Kha (25) puai achuak i hlia atuar Mungh hin Kha puai hi tampi a chuak” tiah Kani PDF nih a chim.
Kani-PDF he, M&K The Boys, De Pee Win PDF, Shwe Tarihkan Tatyin, Khua chung uanau pawl, Unau a si mii EAO le khuami Pah Kah Phah phu fonh in an kahdoh hna.
Mipi lei zongin ralhrang ralkap pawng in luat khawh nak hnga ding caah ralring tein um ding le dohtlennak rianrang in tei kahwh nak caah mipi hraimtlai dohthlennak ah mipi lei in teiding ah telpi bomh ding in Kani PDF nih cathanh a chuah.
Laknak- People’s Spring
News Dang, NSPNC Le UPDJC Tonbiaruahnak An Ngei Lai. NSPNC party president a pahnih nak Bochoh gyi Yar Pyih le UPDJC ramkhel party pawl in aiawhtu hna cu February zarhthum nak ah tonbiaruahnaak an ngei lai tiah an chim. Pyidaungsuu ni sunlawihnak an tuah hnu ah,
Tonbiaruah nak ngeih ding in UPDJC ramkhel party phu in Rakhine hruaimi party AFP in president doctor Aye Maung nih CNI thawngzamh zungah a chim. Doctor Aye Maung nih ” Pyidaungsuu ni adih in zarhthum nak ah,
Tim tuah nak kan ngei. Mah hna pawl atu lio ah cun zei hmanh chim khawh a si rih lo. Zayar (2) timi cu a um. Zayar (2) ah aa tel mi a biapi bikmi pawl cu tongbiaruahnak kan ngeih a hau i mah zong hi a dang pary phu hna zong nih mah ti hin an chim ve” tiah a ti.
Federal rampi sernak telhin kokek pawngkam le tirawl, Chawlehnak, Ramkhel, himnak, theihthiamnak tibantuk in ceihhmai ding phun (5) an nak kong zong a chim. Doctor Aye Maung nih ” Zayar (2) timi cu ramkhel party pawl,
UPDJC ah ceihhmai cia mi akonglam phun (5) timi hi a um. Tirawl kong, Khamhnak, himnak pawl zong ceihhmai ding phun (5) ah a um. Federal pyidaung suu rampi sernak phun (5) he pehtlaiin fiangfai tein kan mah party phu hna nih,
Tonbiaruah ceihhmai a hau. A zarhthum nak aphak hlan ah Pyidaungsuu ni a dih in mah pawl hi ceihhmai nak kan nhgei lai” tiah a chim. A luan ciami January ni 20 ah NSPNC le ralkhel party pawl phu hna he tonbiaruahnak kan rak ngeih cang i,
Ramlkhel pary phu 9 an rak kai ve i ram pumpi kahdohnak daihnak lungtlinak minthut (NCA) lam kong le daihnak lei ceihhmai nak an rak i timh nak kong zong theih a si. NSK -K chinnawlngei tu Zaw Min Htun nih,
Tukum kumthar ah daihnak ceihhmainak thar he ahram kan dawmh lai a ti nak kong, 2022 chunhgah ram daihnak riantuannak sining athat khawh chungin kan i zuam lai tiah January ni 14 thawngzamh thianhhlimhnak ah a rak chim.
A tuah ramkhel party cheukhat hna nih UPDJC phu hna cu karlak thla 4 cain an dirh i daihnak riantuan tii nak tuanvo laknak kong le Kawlram ramkhel kong daihter dingah i zuamding ti pawl hna kha a rak um. Kawlram ah ramkhel party pa 92 aum i,
Party 48 cu November thla ah ceihhmai nak an ngei i UPDJC aiawhtu phu cu an dirh bantukin SNDP party in Sai Aik Pao cu president ah an thim i, Democracy party in Daw Chu Chu Kyaw Ngein cu adungyiihmu in an thim i, Aye Maung telin minung 13 hna cu,
Menber chungtel ah an telh hna. UPDJC cu cozah phu a si mi acozah, Hluttaw le tatmadaw aiawhtu minung 16, NCA ah minthumi hliamtlaiphu EAOs in aiawhtu minung 16, ramkhel party phu in minung 16 tibantukin phu dirh dinhin timhlamnak an ngei tiah thawng kan theih.
Laknak- CNI
Leave a Reply