CNDF nih kahdohnak cathanh an chuah i SAC ralhrang ceilak an rak hlawm than hna. Raldohnak Tank pahnih le Motor (26) cu Chin ramkulh Falam in Kalaymyo lei ah May 9, 2022 in khan a ttum i cu Motor cu lampi ah CNDF pawl nih an rak kah hna hi asi. Falam in Kalay lei kalnak mengtu 63 nak zawn ah SAC ralhrang pawl hna cu hmunram thianhhlimnak an tuah lio ah CNDF nih Bomb in kan puah hnawh hna i cu ahcun SAC ralhrang a tampi an thih leng ah hliamtuar zong an tam ti asi. Cu Ralhrang a thi mi an ruak pawl cu an lak hna i Parte khua inn ah an pumh hna i inn he SAC ralhrang ruak he mei in an khangh hna tiah an langhter.
Cu hnu ah SAC ralhrang pawl cu mengtu 55 nak zawn zong ah kan kah than hna i cu kahnak zong ah cun a thi le hliamtuar an um len rih tiah an cathanh ah an langhter chap. SAC ralhrang pawl hna cu Falam in Kalay lei an kal pah, lampi ah CNDF nih pehtlai in an rak kah peng hna. Cu ahcun SAC ralhrang lei a tampi an thih leng ah hliamtuar an tam ngai ngai ti asi. CNDF lei nih SAC ralhrang hriamnam, meithal le thilri bomb tiang in an lak piak khawh ve hna hi asi.
Cun a dang: Magway ramṭhen, Myaing peng Kyaukkhuat(ကျောက်ခွက်) zinan rianṭian mi an umnak inn Well 2 ah, umhmun khuarmi SAC ralkap pawl cu May 13 ah kah an tong i 5 an thi, tiah theih a si.May 13 zanlei sml 2:00 hrawng ah guitar tum in hlasa mi SAC ralkap pawl cu kan pel hna i naih tein kan kah hna caah 5 an thi, tiah Black God Guerrilla phu in chimphuannak nawlngeitu pakhat nih a chim.
Zanlei sml 2:00 hrawng ah guitar tum in hlasa mi SAC ralkap pawl cu hriamngan in kan kah hna caah 5 an thi, an ruak cu mei in an khangh colh hna, tiah a chimchap. Cu kahdohnak ah Black God Guerrilla phu, Future Genreation Guerrilla၊ 5.0.2 Guerrilla le a dang PDF hna i bawm in an kah hna i sml cheu chung hrawng an i kap, tiah theih a si. Kahdohnak ah kutser 40 mm, 60 mm le 80 mm hriamngan in voi 20 hrawng kan kah hna i SAC ralkap nih hriamhme in an kan kah ve, tiah Black God Guerrilla phu nih cathanh an chuah.
Cun….SAC ralhrang Kahpahsah 23 in Sergeant Than Naing Soe cu hraimnam tling he YDF he pehtlainak an ngeih hnu ah CDM a tuah tiah YDF sinin theih a si. Than Naing Soe cu MA 1 meithal zuun khta, kuan bom pa 4, Bullets 228 he YDF sinah aa fonh tiah theih a si.
NATO phu le a tangti rual hoikom phu hna cu Ukraine rampawng a si mi Poland ah ralkap training colcanghnak an ngei tiah theih a si. Mah ralkap training colcanghnak ah ram 20 leng an si i, ralkap phu minung 7,000 leng an si i, NATO phu chung tel dingin timhlamhnak a ngei mi, Sweden ram zong aa tel tiah theih a si.
Ralkap training colcanghnak cheu khat cu Ukraine ram in 150 Klm aa hlatnak Poland ni chuah lei ah an tuah i, tank, ral tuknak vanlawng, Armored vehicles le raltuknak ti lawng pawlzong an i tel tiah theih a si.
Mah raltuk training colcnahnak ah American ralkap phu pawl tel in, NATO itangti rual pawl zeitindah raltuk cawnnak tuah a si timi cu hlethlainak a that bik caan a si nak kong cu Sweden in tuanvvo ngei tu pakhat nih a cchim.
I fonhin ralkap traning tuahtinak hi Polnad nih ram pakhat khat le hmun dang ramkhat timhlamhnak ngeih in raltuk cawnnak tuah a si lo tiah a chim ko nain, Russia tlerhchawnnak a si hnga ma tiah ramkhel thiam ssang nih an ruah tiah theih a si.
Leave a Reply