Falam Mipi Hmunhimtu hna nih ralhrang minung paruk an thah hna
==============
Falam mipi hmunhim tu hna nih hramhram in uknal latu ralhrang minung paruk an kah thah hna tiah thawng kan theih. Tuzing January nihlei sarih ah Falam le Lung bang karlak motor lam pi ah ralhrang le Falam le ralhrang karah kahdohnak achuak.
Tuzing january nihleisarih ah Lungbang le Falam karllah motor lampi ah hramhram in uknak alatu ralhrang le Falam mipi hmunhimtu karlak ah fak piin kah doh nak achuak i Falam mipi lei nih ralhrang minung paruk an thah hna tiah thawng kan theih.
Hrang Tin Thang, Vaar Hlei Hrawk ding in ruahnak a pe leng mang mi catial tu hna hi zeibantuk ruahnak le minungdah kan si. Political view in zoh ah cun Falam peng , Hakha peng, le Than Tlang peng kan si hnga maw ti tiang in ruah awk tampi a um, mipi zawn ruah nak le Laimi thinlung a kengtu kan si lai ti zong hi zumh a har ko.
A ruang cu Vaar Hlei hrawk hi ralhrang caah a pelte hmanh harnak a pe hna lai lo pin ah zeihmanh an sungh nak ding lam a um lo. Miphun ralkap nih Vaar Hlei hrawk ruang ah teinak le sunghnak zong a um hrim hrim lo.
Kan nih cu vawlei lam lawng kan ngei, Ralhrang caah cun van he lei he an lam tamtuk, cu belte mipi harnak tonghna sehlaw an thazang der seh ti duh ah an mah tunih Vaar Hlei an kan hrawk piak sual lai titu khi phan ding a si.
Minungfa kan si bantuk in ei din lo in ni khat te hmanh kan nung kho lo. Ei din kan ngeih lawng ah kan duh mi thil zong kan tuah kho, a bik in kan dohthlennak Kong kau chin chin ah hin cun mipi kan thazang a thawn lawng ah miphun ralkap tha zang a thawng lai, mipi kan thazang a der ah cun ,miphun ralkap an thazang a der ve lai ti cu hngakchia hmanh nih theih khawh a si.
Cu caah Mipi thazang thawngternak ca i Laimi nih biapi bik in kan hman mi lam hi Kalay, falam , Halkha lam, Mandalay, Kangaw, Halkha lam le Pale , Kangaw, Aika lam tiin pathum lawng kan ngei.
Mah Eii din le kan thazang lak nak lampi hi hrawk dik uh sih law a hodah afak lai , a ho dah a tuar lai, Ralhrang nak in Mipi nih pei kan tuar deuh lai cu, a bik in Falam peng ,Halkha peng le Than Tlang peng nih kan tuar lai.
Timit Hlei kan hrawk tik ah biachimhnak catu ah an hman khah ,Thantlang meikangh mi meihmit kan duh ko na tein Timit Hlei an hrawk ruang ah kan kal kho ti lo an ti, an caah a pelte hmanh khi harnak a pe hna lo pin ah defense lak nak ca tu ah hman a si.
Leave a Reply