Falam Kan Unau Hi Zeitindah An Si Dih Nee Cang Hi!!

Ram leng bomh nak kan herh lo
======================
Kan hawi kom CNO hna zong mipi lung a tling tilo an ti hoi. A min in Tender rian tuan an phih le an mah CNO upa te hna nih Tender an ngah viar ti si. Falam peng khua chung mi mawhnak ngei lo minung 3, 4 hna an tlaih cang fawn rih. Kan unau Falam mipi an lung a tling ti lo an ti hoi. Ram leng bomh nak kan herh lo ram chung ah tender rian a tuan tu le non CDM sin in phai sa kan hmuh, ram leng kan herh ti lo an ti cang ko. Falam khua pi chung zong ah kah doh nak an tuah tum ti a si cang. Crd-Salai Meithal

Karen ramkulh, Myawaddy peng, SAC ralkap Okekari sakhan cu KNDO le PDF țangți hna nih an luhhnawh hna caah SAC ralkap nih jet vanlawng an hman i nihin zingkaa ah SAC ralkap YAK – 130 jet vanlawng pakhat in bomb an thlak i a kir lei ah Engine chung ah vate a lut i hman awk tlak ti lo tiang in a rawk tiah Operation Spitfire nih an chim .

June 26 thok in Okekarihta SAC ralkap sakhan cu tat- Yin – Hmu ,Duh – Bu- Hmu- Kyi Saw Salung hruaimi KNDO special Force Battalion, Bu- Hmu Saw Win Myint special force ( Venom )le Bu Dar Baw hruaimi KNLA Cobra hna nih an ka i SAC ralkap nih jet vanlawng a hman ve tiah theih a si.

SAC ralkap YAK 130 Jet vanlawng Engine chungah vate a lut i HmawBi SAC ralkap vanlawng tual ah a țum. Cu vanlawng cu Engine a rawk i hmanțhan khawh a ngah ti lo . Hmawbi SAC ralkap vanlawng tual ah YAK – 130 paruk a um i pakhat a rawk i panga lawng a tang tiah theih a si.

AAPP nih June 28, tiang cathanh a chuah ning ah Myanmar ramchung huapin SAC ralkap nih nawlngeihnak a laak ni 513 chung ah sualnak ngei lo minung 2037 thah an si cang, tiah theih a si. Tlaihkhih a tongmi dihlak hi 14,349 an si i, an thlah than mi hna 3042 an si.
SAC ralkap nih mi nunnak a laak mi hna chung ah Yagon in nunnak a liam mi tambik an si.

Shan ramkulh thlanglei Danuh hmunhma Pintayah khuapi chaklei um HmiohKyuaKyi palik sakhan cu mizapi vengtu ralkap phu nih nihin June 19 zinglei Sml 10:00 ah an kah i SAC ralkap pakhat thi, pakhat hliamfak tuar tiah theih asi. “Checkgate cu PDF nih an kah. Pakhat thi, pakhat hliamfak tuar. Checkgate ah a um mi SAC ralkap hna cu an lau tuk i an phanah hman i lak manh lo in khuachung ah an zam ” tiah khuami pakhat nih Mizzima ah a chim.

Hmioh Kyauk Kyi( မြောက်ကျောက်ကြီး) palik gate ah nawlngeihnak lak hnu ah SAC ralkap nih on mi checkgate a si i Pinthar khuami pakhat cu cu gate ah an kah hnu ah mizapi vengtu ralkap nih an kah ve hna hi a si tiah theih a si.

Cu gate cu checknak an tuah lengmang, an check hna dan hi luan ngai in an check hna. Pintha khuami pakhat kahthah a ton hnu ah checkgate cu PDF nih an kah hna” tiah khuami pakhat nih a chim. Khuachung luhchuah nak gate zapi cu an kham dih i checknak an tuah i TaungPuangKyi khuapi lei zong h SAC ralkap mawtaw an rak kai tiah theih a si .

Myanmar ram pumpi huap June 28 nikhat chung kahdohnak ah SAC ralkap 20 an thi.PDF Pahnih an nunnak a liam ve tiah Khit Thit Media nih a langhter. Khit Thit Media nih cazin a khawmhsuat ning ah ,Sagaing ramthen, ChaungU ah 7, Tanintharyi ramthen Tayat Chaung ah 4, Kayah ramkulh, ShiaTaw ah 1, Magwe ramthen, Satotayar ah 2, Myaing ah 4, Yesakyo ah 2 tiin an dihlak 20 an thi. Tanintharyi ramthen, Tayat Chaung ah 2 tiin PDF Pahnih an nunnak a liam ve .

Pago ramṭhen, Pyi pengkomh PanTaung(ပန်းတောင်း) peng ah rammi sinak a ngei lomi minung 5 cu, motor chung ah an tlaih hna, tiah theih a si.
Nizan June 28 ah TaungKauk(တောင်ကုတ်) in Pyi lei a kalmi motor chung ah an tlaih hna i, motor cit man ah minung pakhat sing 12 an lak hna, tiah theih a si.

“Pyi khua NaWaDe(နဝဒေး) hlei hnulei cheknak gate ah an tlaih hna. Pyi khua in minung pakhat nih a rak hngah hna. Amah nih a chim ning ahcun, Pyi in Yangon lei kal ding an si, a ti. Motor khaltu cu pahnih an si. Tlaih a tongmi minung 5 chung ah nu pakhat aa tel,” tiah palik camp he naihniam mi pakhat nih a chim.

Phung ning lo le rammi sinak ngei loin motor chung ah tlaih a tongmi 5 lakah 3 hi Banladesh rammi an si i, a dang pahnih cu Rakhine rammi MaungTaw peng TaKarKung(သက္ကာကုန်း) khua le Sittwe peng DaPaing(ဓားပိုင်) khuami an si, tiah theih a si.
Motor khaltu Maung Min Oo, Chit Zaw Naing le phung ning loin a kalmi Zaw Min Oo hna cu Sectiin 367 in taza an cuai hna, tiah theih a si.

Chin ramkulh, Mindat peng ah nihin June 29 zinglei ah SAC ralkap le CDF-Mindat kahdohnak a chuak i SAC ralkap nih hriamngan kah nakin kum 12 hrawng ngakchia pakhat a nunnak liam, tiah tualchung mi pakhat nih a chim. Mindat peng No. 4 Madat khua chung ah SAC ralkap Battalion 274 nih nihin June 29 zinglei ah hriamngan in an kah tuk caah Madat khuami kum 12 hrawng ngakchia cu, hriamngan kuan nih a khen caah a nunnak liam, tiah theih a si.

“A thimi ngakchia a nu le anau pa kum 10 hrawng cu, a luancia June 23 ah hriamngan kuan in an rak i hliam cang. A nu cu a lu ah aa hliam i, a hma fak ngai. A naupa cu a ke pakhat a bul. Nihin ah hriamngan kuan nih a khen ṭhan hna i, kum 12 hrawng ngakchia cu a nunnak liam,” tiah tualchung mi pakhat nih a chim.

Mindat khua umhmun khuarmi Battalion 274 nih Madat khua cu atu le atu hriamngan in an kah lengmang caah inn le lo tampi a rawk. Khuami hna zong a thimi le aa hliammi an um. Nihin June 29 zing sml 9:00 hrawng ah Magway ramṭhen, Htilin peng in Mindat lei ah a rak kaimi SAC ralkap pawl cu CDF Mindat nih kan kah hna, tiah CDF Mindat nih cathanh an chuah.

Karen ramkulh, Myiahwatyi in khattelei kam, Thailand ramchung Maesaot khuapi ah phungning loin a rak lutmi Myanmar rammi 16 hna cu June 28 zinglei ah tlaih an tong tiah Thai media nih an tial. Motor pakhat chungah a rak zulmi Myanmar rammi 14 le ngakchia 2 telh in agent a si lai tiah ruahmipa cu Myanmar -Thailand ramri lei in an kongklam an dothlat hna i, traffic light an phak ah checking an tuah i an tlaih tiah theih a si.

Motor cungah a thumi vialte hna cu Myanmar in Thailand ramchung ah phungning loin a rat lutmi an si caah Maesaot khuapi uktu i nawlpek ningin an tlaih tiah theih a si. Myanmar ramri in phungning loin a rat luttu Myanmar rammi 16 telh in agent pakhat cu phung an buar caah tlaih an si i, covid-19 zawtnak an ngeih le ngeih lo zong an check hnuah Maesaot khuapi nawlngeitu hna sin ah an up cang hna.

Falam Kan Unau Hi Zeitindah An Si Dih Nee Cang Hi!!

Be the first to comment

Leave a Reply Cancel reply