Eidin 100 In A Zuarpiak Tu Phu Zuarti Lo Dingin An Ti Hna Caah,Innkip Ah Kal In An Zuar

Eidin 100 In A Zuarpiak Tu Phu Zuarti Lo Dingin An Ti Hna Caah,Innkip Ah Kal In An Zuar Eidin 100 in a zuarpiak tu phu hna cu zuarti lo ding in an kham hna caah, innkip ah kal in an va zuarh hna

Eidin (phun -4)in funtom mi 100 in a zuarpiak tu hna MazelyFannel phu cu mibu in nan um ter hna tiah, zuarti lo ding in an kham hna caah nihin ah innkip ah kal in an zuarh hna tiah theih a si.

Nihin zinglei ah South-Dagon pengchung ah mi cheukhat hna caah facang,chiti,arti le khachuan sen phunli funtom ah 100 in, innkip ah zuar piak an si tiah chungtel pakhat nih a chim.

“Hlaing ah kan zuar lio ah rikhiah piak mi,minung nak in an tam deuh tiah pehtlai mi hna nih an kan kham, cu ruangah innkip ah kal in zuar nak kan tuah hi a si” tiah a chim.

South-Dagon,Titsingh(သစ္ဆိမ့္)veng, 65 veng, 107 veng tel in veng cheukhat in, inn chungkhar 300 caah zuar piak an si tiah theih a si.

Mazely Flannel phu nih mipi, minung pakhat caah facang pi khat,chiti cuaitan, arti pum 10 le khachuan sen cuaitan cu 100 in zuarpiak an si i, a luancia mi July thla 1 ah Hlaing peng chung ah a ummi minung 300 hrawng caah zuarpiak an si.Cu phu hna nih cun ni dang zong ah Ta-ke-tah(သာေကတ),Shwe Pyi Tar(ေရႊျပည္သာ),Hlaingtaya(လွိုင္သာယာ) lei zongah hlut ding in timhtuahnak an ngei tiah theih a si.

The Chin Post