Dr. Sasa zong nih Thantlang le Chin ramkulh dihlak ah ralhrang thil Tuah Mi kong Hitin Vawilei Pi theih In a chim

Oct 29 i ralhrang nih hriamngan in an kah ruangah inn 160 renglo a kaangmi Thantlang khua kongah NUG nih Oct 30 ah cathanh a chuah tiah theih a si. Cathanh chungah chun a tanglei bantukin an tial. “Ralhrangbu nih Feb 1, 2021 i nawlngeihnak an lak hnuin Chin ramkulh ah minung umnak inn meikhanghnak, hriamngan in kahnak,

Tangka chuh le firnak, sualnak ngei lo khuami hna tlaih/hrem le thahnawnnak le nu tlaihhremnak tiin thatlonak a phunphun an tuah. Cu pinah vanlawng in dohnak, hriamngan hna in mipi lei ah kahnak, khuami hna kha ralphaw ah hmannak le miphun cihmih duhnak he an tuahmi thatlonak vialte a rannak in ngol u”. Cu pinah ralhrang tuahsernak hna cu phung le lam ning tein hlathlainak in dantatnak kan tuah lai.

Ramkip hna zong nih lungrual tein ralhrangbu dantatnak tuah a herh. Cun ramchung ramleng zatlangbu hna nih ral ruangah harnak a tongmi Chin ramkulh mipi hna bawmhnak pek dingin NUG nih cun a cathanh ah an tial chih. NUG chimnak nawlngeitu le minister pakhat a simi Dr. Sasa zong nih Thantlang le Chin ramkulh dihlak ah ralhrang hna hramhram thiltuahmi ruangah lakhruak bawmhnak a herh zia,

Nifatin in mipi thahnawnnak a tam deuhdeuh i ramkip nih nan i thlak lo i bawmhnak nan pek lo ahcun Chin ramkulh i meici nih ram pumpi vutcaam ah a canter khawhnak le ralhrangbu cungah tangka, zinan le hriamnam lei dantat phihkharnak a rannak in tuah cio dingah cathanh a chuah ve. Source: RFA

NUG Ngandamnak Minister Zung nih Lai Caholh tein THANTLANG kong ah cathanh an chuah In Chin Language (Thantlang) The Republic of Union of Myanmar National Unity Government Ministry of Health Announcement (10/2021) 30th October 2021 1. Ralhrang Ralkap Bu nih firtlei hnahnok in an um ruang le zawnruahnak ngei loin duhpoh in mi an thah, lai an nawn ruangah Chin ram chung um Thantlang khuanu khuapa thonghra leng nih khua an chuah tak i hmundang ah an i dor.

2. Ralhrang Ralkap Bu nih 29 Nov 2021 zingka in minung umlonak Thantlang khuachung inn an bauh, thil an fir, hriamngan pawl an duhpoh in an puah leng ah inn an khangh ruangah 30 Nov 2021 zing tiang biakinn telh in inn 160 leng le thilri pawl vialte sungh cikceknak ton a si. 3. Chin State, Kayah (Karenni) State, Sagaing le Magway ramṭhen hna telh in kawlram pumpi ah,.

Ralhrang Ralkap Bu nih minung lungkeng loin saram lungput he an i hrocer, mi an thah, lai an nawng, an fir, an tlei, thil an hrawh, Inn an duahnak pawl hi National Unity Government Ministry of Health nih biatak tuk in kan doh. 4. National Unity Government Ministry of Health nih Ralhrang Ralkap Bu ruangah harnak a tong mi hmunhma kip um mizapi sin ah siiai pawl le a herh mi bawmhnak pawl phak ter khawh kan i zuam lio a si i Thantlang mizapi sin zong ah phak ter zok kan i zuam lai.

5. ASEAN le United Nations pawl telh in minung zawnruat le minung man ngeihter mi ramdang pawl zong nih Ralhrang Ralkap Bu i hramhram in mi an tinak le lai an nawnnak vialte nan theih nan hmuh cang ko hna i an nih an i tlak bik ding in lehrulhnak pawl caan tlai lo teah nan tuah colh nak lai biatak tein kan in nawl hna. Ministry of Health National Unity Government

Be the first to comment

Leave a Reply

Your email address will not be published.


*