Chin pasaltha, Kawlram mipi dihlak chanchuahnak ding ah a cawlcang mi Dr. Sasa cu Vawleicung Upatnak Award sunglawi taktak asimi Special Honours Vice Consul Carl Lutz Award timi an pek cang ko. Award cu Dr. Sasa kan pek tiah official in Diplomacy in Ireland- The European Diplomat nih thawngthanhnak an tuah cang i sunglawi taktak in caan hmannak le Award peknak cu hmaitla December ah tuah asi lai.
Special Honours Vice Consul Carl Lutz Award timi cu Pasaltha Carl Lutz philh lonak ah tuah mi asi. Carl Lutz cu 1942 World War II a dih ah Jew miphun minung 62,000 leng a a khamhtu hna a si. A mah hi Second World War lio ah minung tamtuk a chanchuah tu hna asi (He is credited with saving over 62,000 Jews, the largest rescue operation of Jews of the Second World War).
Cu bantuk chuankhannak caah tuah mi, Vawleicung ah asung lawi tuk mi Award Dr. Sasa an hun pek cu lawmh a um tuk hringhran.Kawlram minung tampi chanchuahnak rian ttuantu, daihnak sertu tiah Dr. Sasa zong hi Award tiang an pek cu lawmhpi lo awk a tha lo.
Tanintharyi ramthen, Dawei khuapi chungah pa (2) an i phirh caah tlaih an tong i tangkaa liamter mi an um cang tiah khuami hna nih an chim. Dawe ah November 11 thokin pa (2) mawtaw saikal i phirh lo ding, nu nih mongh in a hnulei ah pa phirh lo dingin nawl an chuah tiah theih a si. Nawl an chuah hnuah Dawei tlaih a tongmi minung 3 nak tlawm lo an um cang i, tangkaa ting (1)cio an liamter hna tiah theih a si.
Kan theih khawh tawk ah cun minung 3 tlaih an si hna i, tlaih a tong chapmi zong an um. Kanmah nih kan theih khawhmi hna cu tangkaa ting(1)cio an liamter hna tiah theih a si. Palek sakhan ah kal duh lo ruangah lam ah kan liam colh i, tlaih a tongmi hna hi riantuan kal pah ah zinglei sml 7:00 hrawngah an kan tlaih rih lem lai lo tiah kan ruahsual i, tlaih kan ton hi asi. Hmailei ahcun nawl an chuahmi hi tha tein zulh ding,
Zulh lo ahcun tlaih nan si rih lai tiah ralrinnak an kan pek tiah tlaih a tongtu pakhat nih ah a chim. Ralhrang nih mawtaw Saikal i phirhlo dingin nawl a chuah ruangah mawtaw saikal hmangin pawcawmnak a kawlmi pa caah harsatnak an tong tiah amah nih a chim. Nawl an chuahmi ahcun November 17 tiang lawng chimhrinnak caan an pek hna i, November 18 in cun nawl a ngai lomi paoh cu kah in tlaih nan tong lai tiah ralhrangbu nih nawl an chuah. Than Lwin Times
Leave a Reply