Laimi a leng pavuar lawng in kan fim hna. Tutan dothlennak kong he pehtlai in thil sining fiang te in van chim ka duh. Myanmar rampi huap in Dr. Ngun Cung Lian cu ruahnak petu a si. Upat awk tlak taktak a si. Rampi pakhat ruahnak van pek cu a fawi lo. Kanmah Chin mi chung bak in a si tik ah lung ahmui hringhrang.
Pathian sin thlacam piak usih. Mah ti ka chim tiah Dalan (Leirawitu) ka ti lai u cih. Judah Iscariot ka si lo ti zong a hmaisa ah chim ka duh. Dr. Ngun Cung Lian hi um hlah sehlaw Victoria Camp khi an lak cang lai. Dr. Ngun Cung Lian nih a thloh lengmang hna i, mah caah si an ti. Cucu nan zum cio dek maw? Mah hi a dik ko ah cun, Dr. Ngun Cung Lian hi upat tlak taktak lai pasal ttha si hnga. Global Village News.
Thawngpang tha a si. Ramdang um Lungler khuami hna nih CNA/CDF caah US dolar 103,000 an pek., Thantlang peng Zahnak Tlang cung Lungler khuami nih Chin miphun kan dotlennak caah tiin kan ralkap caah US dollar ting khat reng lo bak an van thawh ve cang. Zahnak Tlang lei ahcun an mah khua lawng hi dollar ting khat a chuah rih mi an si.
Lungler cu ralhrang sakhan a rak umnak kha a si. Lungler ralhrang sakhan cu CNA le CDF hna nih an rak kah i an rak lak. Ralhrang minung 11 an rak tlaih hna. Meithal hriamnam pawl an rak lak. Kan miphun dothlennak caah tiin ramleng ah a ummi khua hna nih khua khat ah dollar ting khat leng a hun thomi tampi nan um cang hna. Tu bantuk in kan tan ahcun kan dothlennak cu kan tei hrimhrim ko lai.
Russia President Vladimir Putin cu cancer a si i fak ngai in a zaw tiah thawng a leng. Social Media cungah a hlan tein Putin zawtnak he pehtlai in biaruahnak pawl a rak um bal. Atutan cu internet cungah a rak kaimi aww kumhmi (Audio file) pakhat nih mah thawng hi a than ter chin. Cu aww khumhmi cu New Lines Thawngzamh nih a rak langhter i Russia cozah he aa naihniammi mirum pa pakhat i a aww si. Mirum pa Boris Karpichkov nih Russia President Putin cu thi cancer a tuar i a dam lo tuk tiah a aww khumhmi chungah a chim. Boris Karpichkov zong hi Putin bantuk in Soviet KGB Intelligence ransangtlai pakhat a rak si bal i Putin i a chunglei minung tiah ruahmi a si.
Ukraine le Russia raltuknak lioah Putin a ngandamnak cu a zual khun tiah zumh a si tiah New Lines nih a ṭial. Putin nih zeibantuk phun thi cancer zawtnak dah a ngeih ti cu a langhter lo. Kum 69 a si cangmi Russia President cu a ramkhel lamthluan chungah hma a tuar tawn. Voikhat cu Hockey puai pakhat a zuamnak ah rang cung in a tla bel tiah a langhter.Naite ah a chuakmi video pakhat ah, Putin cu Minister of Defense Sergei Kuzhugetovich Shoigu he meeting an tuah lioah cabuai kha fekṭhup in aa tlaih kha hmuh khawh a si. Mah hi Parkinson’s zawtnak a hramthok a si tiah an ruahdamh.
Russia cozah i Grand Kremlin Palace nih Putin zawtnak he pehtlai in hlan lioah bia alnak an rak tuah lengmang. Ukraine raltuknak ruangah nitlak lei phu hna nih sipuazi phihkharnak an tuahmi cungah Putin cu Russia mirum pawl nih an rem lonak a karh chin timi thawngpang zong a leng tiah a langhter.
NUG nih May thal ni 15, a voi 9 nak Rakhine miphun ni ah ca a kuat hna i, mah cakuat ah Rakhine miphun hna nih an intuarnak khamhnak nak hnag ding caah le Rakhine ram nih a cohnga ding pawl co dingin kan i zuam ko tiah mah cakuat ah an tial chih. Mah kong he pehtlai in Rakhine ca tial thiam,
Wah Hein Aung nih NGU Leiin Rakhine mipi hna caah bia in si loin rian in tette piak ding a tinak kong cu CNI ah a chim. Catial thiam Way Hein Aung nih ” Bia lawngin siter lo dingin kan nih nih cun rian in si ter kan duh. A caan caan ah bia cu a holh a tam ton i, rian a si lo zongah cucu a poi lem mi a si lo.
Hlan zongah a tu bantuk in statement pawl chuah piak a si. Rakhine cungah ngaihthiam hal nak zong aa tel. Ngaihthiam zong hal bal a rak si. A tak mithmuh kut tongh a phak taktak tik ah ruah ning bantuk in a si lo. An mah nih cun phung dang dang piin an thlen. A sinian mah cathanh chuah mi cu cathanh chuah mi ning si loin tlamtlinter khawh mi lei ah cun thitunh khawh a si tiah ka hmuh.
An mah zong cu cozah pakhat bantuk in hmuh a si. An mah zong cu Rakhine caah thil tuah khawh ding timi hi a tu lio sining in cun tuah khawh nak lam a tlawm ngai tiah ka hmuh.” tiin a chim. NUG leiin a tu ah Rakhine miphun cungah mi zawnruah bomhchan bomhnak pawl riantuan khawh nak a ngeih caah ri chiah mi pakhat tiang tuanvo laak piak a herh ti zongin a chim chap.
Leave a Reply