Dr.Lianhmung Sakhong Nih Hlaphuahtu Hna Sinah Theihter Ralring A pek
Dr.Lianhmung Sakhong nih Tulio dothlennak tuah lio ah ngaihchiatnak phunphai hlaphuah hi kan iralrin hau. Hlaphuah tikah lungthawnnak le teinak lungput he phuah le sak izuam hna usih tiah mipi sinah theihter ralring a peek . Cubantuk thiamthiam in Vaurawng Zunthil upa pakhat zong nih a chim ve mi cu, Hlaphuah tikah “Zei caan tiang hme kan tuar rih lai tibantuk phunphai hla bia si loin adang lungthawnnak le thazaang thawnnak phun lei hi kan phuah piak u tiah achim ve. Crd- Daily Chin Star News
Thawmgdang, Zarhkhat Chung Kahdohnak Ah CDF Ralkap 3 An Nunnak A Liam, 2022 , April 17 in 23 tiang zarhkhat chung SAC ralkap le Matupi, Mindat, Kanpetlet CDF hna karlak kahdohnak ah CDF ralkap 3 an nunnak a liam tiah theih a si.
Chin ramkulh, thlanglei Matupi peng chungah SAC ralkap nih hmunkip ah rallam an ser caah CDF Matupi le SAC ralkap karlak kahdohnak a fak i April 22 ah CDF Matupi ralkap 1 a nunak a liam, April 22 ah CDF Kanpetlet ralkap 1 a nunnak a liam i April 18 ah CDF Mindat ralkap 1 a nunnak a liam ve . April 17 in 23 tiang zarhkhat chung kahdohnak ah SAC ralkap 19 an thi, SAC ralkap nih thazaang tampi an chap chin caah kahdohnak a fak chin kho dirhmun asi.
Thawngdang, Min Aung Hlaing Nih Tlangcung Hriamtlaiphu Sawmnak Daihnak A Tuah Mi Phenah Theihter Nak, Hramhram in uknak a la tu SAC ralhrang Min Aung Hlaing nih ram piumpi daihnak caah tlangcung hriamtlai phu pawl i, hruaitu pawl he tonbiaruah sawmnak bia a chim hnu ah Tlangcungmi hriamtlai phu hna ralkap sakhan pawl kahdoh ti lo ding in April ni 22 ah SAC ralhrang nih cathanh an chuah.
SAC ralhrang Min Aung nih tonbiaruahnak sawmnak a tuah lio caan le ram daihnak kong tonbiaruahnak ngeih lo caan, caan kar lak ah SAC ralhrang ralkap sakhan, headquarters pawl cu kahdoh ti lo dingin SAC ralhrang nih theihter ralring peknak cathanh an chuah tiah theih a si. Nan kah doh a si ah cun a herh ning in dantat lehrulh nak kan i pek hna ti zong in cathanh ah an tial chih tiah theih a si. Crd-Khit Thit Media
Leave a Reply