Dr. Henry Van Thio Kong Thawngthar

Dr. Henry Van Thio cu Pathian kil ven nak thawng in chung khar tling te in an dam lio a si ve rih, Zumtu hna thlacam piaknak thawng in. Than Tlang khua nih a ton mi ruang ah an thinlung ai hngilh kho lo. Inn chung thong an thlaak bu in Pathian sin ah thlacam in caan a hmang peng. Bible hi din lo te in a rel peng, Bible voi thumnak a chuah cang Pathian nih sunparnak co ko seh. Credit: Evan. Tluang Thang

November 1, tuni ah Sweden ramleng vuancizung le Swedish International Development Aid upa hna le Chin Human Right Organization (CHRO) hruaitu hna tonbiaruahnak an ngei i atulio Chinram ah thilcangmi kong an i ceih tiah theih a si. A bik in an ceihmi cu ral ruangah harnak a tongmi hna bawmhchanh khawhnak lam kawl ding, ti a si. CHRO Excutive Director Pu Bawi Lian Mang nih a facebook ah hitihin a tial.

“November 1 ah CHRO team le Sweden cozah Ministry of Foreign Affairs le Swedish International Development Aid in upa hna Chin ram i thil a cang mi kongah biaruahnak kan ngei kho. Sweden cozah lei in an khualipi Stockholm i a ummi hna le Rangoon i an embassy in upa hna an i tel”. “A biapi in kan chimmi pahnih: Ral ruang i hartong pawl bawmhchanh khawhnak a lam kip in kawl piak ding. UN Security council meeting ah kan ram kong ceih ding in CHRO nih kan nawr cuahmah.

UK cozah le US cozah zong kan chimh cang hna. Sweden hi EU ah biapi in a active mi nan si caah EU ram pawl nih UNSC ah hi kong hi biatak in nan kan tanpinak lai a biapi ko ti hna an si”. “Kan ram i thil a cangmi hi cozah pical hna sinah kan si khawh tawk in chimrel kan i zuam. Vawlei pi nih an kan cuanh lio pi a si. Lungdong lo tein kan tang hna lai. Ralhrang hi kan tei hrimhrim hna lai”.

CHRO hruaitu le Sweden cozah upa hna biaruahnak an dih hnu tlawmpal ah Sweden cozah nih a tanglei bantukin Kawlca le Mirangca he cathanh an chuah colh. An cathanh ah cun ralhrang nih Chinram, a bik in Thantlang ah an tuahmi thatlonak kongah an lungthatlonak le ralhrang mawhchiatnak an tial. Cun ral ruangah harnak a tongmi hna bawmchanh khawhnak kan onh zau u tiah an tial fawn.