US president hlun Donald Trump nih Joe Biden le a party hna hi ka dohpeng hna lai , ka bang hna lailo tiah a chim. Diknak in an ka teilo, diklo nak in votes an lak caah, ram zong an hruai kholo. Hi hna party nih kan ram an hrawkdih te lai tiah fak ngai ngai in bia a chiam than.
Donald Trump caah cun president ngahthan ding cu a awl sam mi thil asi tilo. Joe biden a dam chungah cun trump nih cun US president a ngah kho ti lailo. Nain , American mipi nih biadik an theih I, biadik an dirpi dingkha a duh caah , tuchun nikhua ah a hunchuak than i bia a chim nak asi.
Fir cham in votes a lakmi hna nih cun, ram dawtnak an nei taktak lai lo tiah a chim nawlh. Ram zong an hruai kho lai lo, ram hrawktu an si lai tiah fak ngai in a chim than. American ah nikhat hnu nikhat buainak a tam chin lengmang cang nain joe biden le a party hna nih an phisin duhlo. An mah min thang nak long a kawl mi a diklo mi politicians an ti tiah a chim.
American mi tampi hna nih Donald Trump bia chim an vun theihthan tikah, comments tampi an pek mi cu, nangmah kha kan president si than kho law kan duh ko tiah comments tampi an tial. Cu caah hmailei kong a hohmanh nih kan chim kholo. Donald Trump a advisor zong nih mah tihin a chim ve; Democratic party misual hna hi kan tei than hna lai, a herh ah cun, army forced zong kan hmang lai tiah a chim ve.
Kawl ram bantuk in Donald Trump le a party hna nih force an hmang sual ah cun, American cu a buai dih ko lai. American rawkhram a thok ve cang. Thinphan dailo kan si dih hna.
Leave a Reply