Doh Le Kah Lo Tein Min Aung Hlaing le A Ralkap Kar Ah Buainak Ngan Tuk A Chuak i Raibawi Ngan Thong An Tlak

An mah SAC ralhrang karlak ah buainak le zumh lonak a kar tinak a si. Atu ralbawi ngan taktak zong hi Inn thong timi House arrest in an hren ve cang, mizei he hmanh pehtlaihnak an phih piak dih, leng chuah a ngah lo i House arrest in hren a si ve cang. SAC Ralhrang, Yangon ramthen ah ah Tai-hmu a simi (စစ္ေကာင္စီတပ္၏ ရန္ကုန္တိုင္းစစ္ဌာနခ်ဳပ္စစ္တိုင္းမွူး ဗိုလ္ခ်ဳပ္ညႊန႔္ဝင္းေဆြ) Bu-choh Ngut Swe cu House arrest in an chiah ve cang tiah CDM a tuah mi Ralkap, People Soldier nih mipi sin ah thawngthanhnak an tuah hi asi.

Yangon khuapi chung dohnak, ralhrang an mah lei bomb puahnak le sunghnak tete kong he pehtlai in an mah Ralhrang lila nih an lunghrinh caah a tu bantuk in an tuah mi asi. Min Aung Hliang cu hi bantuk peng hi asi, a zumh deuh lomi hna paoh cu ralbawi ngan an si zong ah a tlaih, a hren zungzal hna tiah an langhter hi a si. Kan hnu lei zong ah Sagaing ramthen la ding in tuanvo rak pek mi cu, PDF pawl nih Sagaing ramthen faak ngai in an tei hnu ah lunghrinh in an rak tlaih cang, mi dang an rak thlah hna lawng si loin,

Sagaing ramthen tei ding in nawl an pek mi pa cu thonginn ah an rak hren i bia halnak phunphun an rak tuah ti a rak si bal cang. Atu tan zong ah Yangon ramthen chung ralbawi nganbik a simi zong a inn ah hren in, House arrest timi inn thong ah hren a si hoi. Hi kong ah an mah Ralhrang lei nih cun thawngpang leng ah an chuah ter duh lo nain CDM a tuah mi ralbawi lei nih mipi sin ah an phuan hi asi. V.O.M

Lungfak tuk e, SAC Uico ralkap nih sualnak ngei lo, tleirawl te a simi thi lak in an hrem hoi tiah theih asi. Atu an hrem mi pa hi a min ah Aung Bung Kyaw a si i a mah hi Yangon University ah Geology in kum 2nak a kai mi a si. Tleirawl Aung Bung Kyaw hi December 26 ah khan an tlaih hi a si i an mah SAC ralhrang bia halnak ah faak tuk in an hrem i nihin December 27 ah khan a nunnak a liam hi a si. Sualnak zeihmanh a ngei lomi, tleirawl lawng a si rih mi faak tuk in an hrem cu lung a faktuk hringhran.

“Nihin chung ah khan a thi cang tiah a chungkhar sin ah thawngthanhnak an rak tuah hna. Cun nihin zaanlei ah khan a ruak cu thlan ah kal pi a si. A chungkhar nulepa cu a ruak thlah nak ah kal ter an si ve nain mizei hmanh ruak zoh an sian hna lo (Fak tuk le zohchia tuk in a ruak an tuah caah a si theu lai). Ruak vui nak zong an mah SAC ralhrang minung lawngte nih an tuah i a leng minung, chungkhar ti bantuk nih ruak vuinak zong an tuah duh lo.

A mah hi mino te a si pin ah University kum 2nak a kai lio mi a si fawn. Chungkhar caah lungfah tuar a har ko, a ruak zohnak nawl hmnanh an ngeih lo tikah an celh hrimhrim lo” tiah khuami pakhat nih BBC sin ah a chim hi asi. V.O,M

Be the first to comment

Leave a Reply

Your email address will not be published.


*