Kayin ram kulh, Thailand ramri, Thanlwin tivakam ah a ummi SAC ralkap sakhaan (Uh-tuh-tah) cu KNU nih doh hau loin SAC ralkap pawl nih an zaamtak, tiah Kayin thawngzamhnak KIC nih hmanthlak pawl he a langhter.
“May 6 zaan ah khan doh hau loin an zaamtak. KNU nih kan kulh dih cang hna Thailand lei ah an zaam hna. Mae-kha-tha timi SAC ralkap sakhaan pakhat pawngkam ah a um i, mahka ah cun kir te hna sehlaw a dawh,” tiah KNU ttuanvo ngeitu pakhat nih a chim.
SAC ralkap nih an zaamtakmi Uh-tuh-tah sakhaan ah nihin zinglei sml. 9:00 ah khan KNU Brigade-5 an vung kal i, SAC nih an kaltakmi bomb kuan hawng pawl lawng an taantakmi an hmuh hna.
The Chin Journal
Leave a Reply