Pinlebu peng chung kahdohnak ah ralhraang 20 hrawng an thih lai zumh, Sagaing ramthen, Pinlebu peng chung December 14 kahdohnak ah ralhraang 20 hrawng an thih lai kan zumh tiah Pinlebu Revolution PR nih an chim. “Kawlin-Pinlebu kar Taungmahgyi lam i ralhraang motor pawl cu Pinlebu PDF nih,
Hriamnam ngan in an kah hna hi a si. Ralhraang motor pakhat a kaang i a cung cuang mi ralhraang 20 cu an thih kan zumh. Fianghlang in cun kan chim kho lo. Kanmah PDF le him te in hnu kan kir than” tiah an chim. Ref. The Ladies News Photo: Council ralhraang hmanthlak hlun a si. Crd; The Hakha Post
Kani peng Inlaychawng khuapawng Chindwin tiva ah ralhrang phu hna tilawng phu cu mi zapi vengtu ralkap phu hna nih December 13, zaantim suimilam 12:00 hrawngah hriamngan le bomb puahhnawh in an doh hna caah ralhrang minung 10 nak tlawmlo an thi lai tiah Kani peng mi zapi vengtu ralkap,.
Phu- KyautlunggyiKLG PDF nih cathanh an chuah. Ralhrang phu tilawng cu hriamngan in an kah hna leng ah bomb in ralhrang phu tilawng cu puahhnawh in an doh hna. Ralhrang tilawng doh an tonnak cu KLG PDF, MPDF, Goldern Triangle Force, CHUPDF phufonh hna nih dohmi a si tiah KLG PDF sin in theih a si. Ref.Khit Thit MediaEnter
Myitchian khuapawng ah December 13 , nizaan zinglei suimilam 8:00 hrawngah ralhrang phu motor 2 cu bomb puahhnawh in doh an ton caah ralhrang minung 7 an thi i minung 10 nih hliamhma an tuar tiah Myitchay Gyunchawng mipi vengtu phu (MC-KC PDF) sin in theih a si. Magway ramthen, Pakokko peng, Myitchay khua Gyunchawng – Seaitphyu
Motor lampi in a tummi ralhrang minung thazaang 30 leng nih zulhmi ralhrang motor 2 cu Daehpiakhua chaklei meng 2 hrawng hlatnak in bomb lung 9 puahhnawh in doh an si tiah MC-KC PDF in rianngei G-3 nih a chim. ” Ralhrang motor chung ah minung 7 an thi, hliamhma fak in atuarmi minung 10 an si,
Cu motor chungah cun pengkulh uktu zong a tel, zinglei suimilam 8:00 in doh an si” tiah a chim chap. Cu kahdohnak ah cun MC-KC PDF le Pakokku People Defense Force – PPDF hna phufonh nih an dohmi hna a si , PDF lei hliamtuar um lo in hnu an tolh kho than tiah MC-KC PDF nih cathanh an chuah. Ref.Myaelatt Athan, The Chin Post
Nizan Decmber 13, 2021 ah khan Mizoram Chief Minister Pu Zoramthanga le Myanmar ram in Mizoram ah ralzam in aa dor lio mi MP hna cu Chief Minister Conference Hall ah tonbiaruahnak an ngei. Mizoram Chief Minister Pu Zoramthanga nih cun Mizoram chung ralzam hna ca ah tha faakpi in a chuah rih lai kong a chim.
Nizan tonbiaruahnak ah hin Mizoram Cozah lutlai, Mizoram state planning board Vice-Chairman Pu H. Rammawi le OSD to CM Pu Rosangzuala hna zong an i tel tiah theih a si. Chief Minister Pu Zoramthanga nih cun Myanmar ram buai ruangah Chin mipi ralzam dirhmun in Mizoram ah,
An um cu a poi a ti tuk kong le Mizoram i a rak lut mi pohpoh cu a si khawh chung in bawmhchanh an i timh peng kong a chim. Hi pin ah India Central Cozah sin zong ah ralzam bawmhchanh an herhnak a chim tawn kong le, nai tan zong ah India Prime Minister Narendra Modi le Home Minister hna zong ralzam bawmhnak a hal kong a chim.
Chief Minister Zoramthanga nih cun a luancia kum 10 ah Myanmar Cozah le Tlangcung hriamtlai phu hna remdaihnak an tuahnak ah aa tel ve kong hna a chim i, atu ah hi bantuk in ruahlopiin ralkap nih nawlngeihnak an laak cu poi a ti tuk kong zong a chim. Myanmar ram ah Democracy a dir zau lai a zumh kong le raltha te le lungrual tein,.
An ral doh ding in a forhfial hna. Mizoram an um lio ah harnak an ton sual ahcun bawmhchanh aa zuam peng nak kong zong a chim. Myanmar lei in Mizoram ah aa dor mi Chin MP hna zong nih Mizoram cozah nih ralzam an rak don ning le zohkhenh ning ah lawmhnak bia an chimh i,
Cozah lawng siloin mino bu, zatlang bu, biaknak bu le thlachiat ruat mipumpak hna nih an bawmhchanh hna ning ah an i lawmh tuk leng ah Mizoram cu mah inn le lo i a um mi bantuk an si kong hna an chim. Hi tonbiaruahnak ah hin Myanmar MP hna nih an herh mi le harnak an ton mi tete zong Chief Miniister Pu Zoramthanga hi an chimh.
Leave a Reply