Ka miphun hawi nan liam ni thawng theih le nan ruaklak i thawng theih cu vawlei a cimh bang ka thinlung chung in ka mitthli le lungfahnak haang cu an luang

Teirul cham cu Bawipa nih keimah rian a ti! Ka miphun hawi nan liam ni thawng theih le nan ruaklak i thawng theih cu vawlei a cimh bang ka thinlung chung in ka mitthli le lungfahnak haang cu an luang! Nan liamnak nan liamning tuak ah lung a fak,Khuapau dothlennak ah Chin Heroes Pasaltha rual nan si i liamcia kan hawi dawt vialte nanmah nak in Kawlram pumhuap ah hi dothlennak ah ai pumpe mi le a thlantiman a pe tam i a thawh tam mi an um lo.

Nan Liam sia herh hlah seh A dam nan unau nih Bawipa bawmhnak in kan thihnak teirul le nan lu hlauhnak a ruang cu kan rak cham ve lai. Hlan lio ah rallu an rak tan i Sahlam ah an rak tar tawn cu bang nihin nan thawngtheih cu nan lukim lo mi nih thinlung a fahter khun! Kan Biak inn an kan khanghpiak kan inn le lo an kan duahpiak hihi Bawipa nih teirul a cham te lai Minung kan rian a si lo Bawipa nih CDF le CNA a kan hman lai i cuticun teirul kha a kan champiak te lai.

Hi do thlennak ah lu pek le nunnak pek hi kan duh lo kan ngamh lo a si lo a zawn le kaa hmunhma tu zohthiam a biapi tiah kan rak chimmi cu a cheukhat nih kan ralchiat ah nan kan puh Raldoh lo hriamtlai maw nan si ne lai nan kan ti tawn! Theih awk a simi cu a zawn le ka ah cun lupek kan ngamh zia cu liammi kan hawi le pathum nih an langhter.

cun nung dam in kan um ah hin kan ral kan teikhawhnak lam a tam i that hnemnak kan ngei deuh. kan dam ahcun kan timi ah hin a cheukhat hi ca a relmi nih nan ralchia nan kan ti than men lai. Ralchiat a si fim a si ralcu a herh ahcun zaam tak ding a herhnak zawn ahcun liamcia kan hawi le bang nunthap in doh ding a si.

Dothlennak cu a man a fak ai pet tiin nunpek le liam a poi lo ti ding a si lo a man a fakmi kha man tlawm in kan cawk lai tinak a si lo, a cawkning le cang tein kan cawk dingmi a si. A kan liamtakmi kan hawi le hna tha dam tein rak i din u law nan hnu kan rak pehzulh lai i teinak thantar he Miphun le ramdamnak ni ceu cu khua kan rak deipi te lai i khi ni ah a liamcia nan nih zawng philh nan si lai lo. Salai Dk

Pale peng, Kantdaunt palek sakhaan i palek pakhat PDF nih an tlaih December 9, 2021 Sagaing ramthen, Pale peng, Kantdaunt palek sakhaan i palek pakhat cu december 7 zaan suimilaam pariat hrawng ah tualchung PDF nih an tlaih tiah kan theih. Palek sakhaan in inn ah a rak lawi mi Lwin Moe Htun pumpak No. (တ-

တ၂၇၅၆၀၂) cu an tlaih mi a si tiah kan theih. “Sakhaan in inn ah a ra. Inn a phan ti kan theih in kan kulh i kan tlaih. Hriam le zeidang cu aa ken lo” tiah Pale People Defence force-Headquarters nih an chim. Tlaih mi palek cu Pale PDF sin ah kan ap i NUG nih thanh mi thongtla zohkhenh ning he aa tlak ning in an tawlrel tiah kan theih. Ref. Mizzima